Morgunblaðið - 09.02.2008, Síða 43

MORGUNBLAÐIÐ LAUGARDAGUR 9. FEBRÚAR 2008 43
árnað heilla
ritstjorn@mbl.is
Félagsstarf
Aflagrandi 40 | Félagsmið-
stöðin er opin virka daga frá kl.
9-16.45.
Bústaðakirkja | Kvenfélag Bú-
staðasóknar heldur aðalfund
næstkomandi mánudag, 11.
febrúar, kl. 20. í safnaðarheim-
ilinu, venjuleg aðalfundarstörf,
súpa og brauð.
Félag eldri borgara í Kópavogi
| Félagsfundur í Félagsheimilinu
Gjábakka í dag kl. 14. Á dagskrá
er húsnæðismál aldraðra í
Kópavogi, framsöguerindi held-
ur Aðalsteinn Sigfússon félags-
málastjóri og Jóhann Árnason
framkvæmdastjóri Sunnuhlíðar.
Harmonikuleikur og kaffiveit-
ingar.
Félag eldri borgara, Reykjavík
| Félagsfundur verður haldinn í
Stangarhyl 4 í dag kl.14, kynnt-
ar verða tillögur um breytingar
á lögum Félags eldri borgara í
Reykjavík.
Félagsheimilið Gjábakki |
Krummakaffi kl. 9, og Hana-nú
ganga kl. 10.
Félagsstarf Gerðubergs |
Breiðholtshátíð, menningar og
listahátíð eldri borgara, frá kl.
15, er hátíðardagskrá í Ráðhús-
inu. Dixelandshljómsveit Árna
Ísleifs., danssýning, kynslóðir
saman í Breiðholti, DAS bandið,
Gerðubergskórinn, sönghópur
frá Árskógum, Vinabandið,
Raggi Bjarna, ásamt Þorgeiri
Ástvaldss. o.m.fl.
Grensáskirkja | Kvenfélag
Grensássóknar heldur aðalfund
sinn mánudaginn 11. feb. kl 14.
Stjórnin.
Hraunsel | Lokadagur skrán-
ingar á Sæludaga á Örkinni 9-
14. mars, er 12. feb., skráning
er í Hraunseli, nefndin.
Hvassaleiti 56-58 | Sam-
verustund fyrir alla fjölskyld-
una kl. 16 - 18, félagsvist og
söngur, kaffi , kleinur og
pönnukökur, afar og ömmur
mætið með barnabörnin.
Hæðargarður 31 | Fjölbreytt
dagskrá. alla daga. T.d. skap-
andi skrif, Bör Börsson í Bað-
stofunni, bridge, framsögn og
upplestur, spjallhópurinn „Þeg-
ar amma var ung“, bók-
menntahópur í Betri stofunni,
söngur, línudans, söngur og
Listasmiðjan opin alla daga!
Málverkasýningu Stefáns
Bjarnasons er að ljúka. S. 568-
3132
Íþróttafélagið Glóð | Ringó í
Snælandsskóla, Víðigrund kl.
9.30. Upplýsingar í símum
564-1490 og 554-5330.
Kirkjustarf
Hjálpræðisherinn á Akureyri |
Laugardagskvöldið kl. 20,
verður samkoma á Hjálpræð-
ishernum á Akureyri. Yfirmenn
Hjálpræðishersins á Íslandi,
Noregi og í Færeyjum, Gudrun
og Carl Lydholm tala.
Hvítasunnukirkjan Fíladelfía |
Jesú-konur og Jesú-stelpur,
hittumst í kaffisal kirkjunnar kl.
10-12 og eigum samfélag sam-
an, nánari upplýsingar á
www.filadelfia.is
Laugarneskirkja | Kvöldvaka í
safnaðarheimilinu undir merkj-
um Laugarness á ljúfum nótum
í tilefni VetrarhátíðarKl. 20,
börn og unglingar úr hverfinu
okkar leika listir sínar og
fulltrúar hinna ýmsu félaga og
stofnana leiða samveruna.
Vöfflukaffi til styrktar útskrift-
arferð 10. bekkinga í Laugalæk.
80ára afmæli. Heið-urshjónin Guðmundur
Sigurþórsson og Margrét
Magnúsdóttir eru áttræð um
þessar mundir. Guðmundur
átti afmæli 26. nóvember síð-
astliðinn og Margrét í dag 9.
febrúar. Þau fagna tímamót-
unum með fjölskyldunni og
verða að heiman.
dagbók
Í dag er laugardagur 9. febrúar, 40. dagur ársins 2008
Orð dagsins: Enginn er þinn líki, Drottinn! Mikill ert þú og mikið er nafn þitt sakir máttar þíns. (Jeramía 10, 6.)
Sálfræðiskor HÍ stendur fyrirmálstofu næstkomandi mið-vikudag, 13. febrúar. Þar ætl-ar dr. Valdimar Sigurðsson
að flytja erindið Frá tilraunastofunni
– út í búð!
„Í erindinu fjalla ég um vettvangs-
tilraunir í neytendasálfræði sem
byggja á rannsóknum í atferlis-
sálfræði,“ segir Valdimar, sem er með
doktorsgráðu í markaðsfræði með
áherslu á neytendasálfræði frá Há-
skólanum í Cardiff.
„Hefð er fyrir rannsóknum innan
atferlisfræðinnar á hegðun ein-
staklinga og dýra í stýrðu umhverfi.
Minna hefur verið um slíka að-
ferðafræði innan neytendasálfræð-
innar,“ segir Valdimar, en honum hef-
ur tekist að sýna fram á að
atferlisgreining er gagnlegt rannsókn-
aráhald þegar hegðun neytenda er
skoðuð.
„Athuganir mínar hafa sýnt að þótt
ekki sé hægt að stýra öllum þáttum í
atferlistilraun á vettvangi, þá má
stýra ýmsum þáttum og fá áreiðan-
legar mælingar og réttmætar,“ út-
skýrir Valdimar. „Í slíkri tilraun má
til dæmis stjórna framboði og verði á
vörum í verslun, auglýsingum inni í
versluninni og staðsetningu vöru, og
mæla áhrif hvers þáttar fyrir sig.“
Neytendasálfræði er lítið rannsökuð
fræðigrein á Íslandi, og segir Valdi-
mar nokkurs misskilnings gæta um
viðfangsefni greinarinnar: „Neyt-
endasálfræði skoðar hegðun neytenda
innan markaðar og er m.a. ólík fé-
lagsvísindum að því leyti að mikið er
byggt á tilraunamiðuðum aðferðum,“
segir hann. „Fræðigreinin rannsakar
m.a. hvernig neytendur taka ákvarð-
anir þegar þeir velja vöru og þjón-
ustu, hvernig þeir samsama sig vöru-
merkjum og mynda sér viðhorf um
mismunandi vörumerki.“
Valdimar segir fræðigreinina bæði
geta gagnast neytendum og selj-
endum: „Neytendasálfræði getur
hjálpað neytendum og samtökum
þeirra að skilja betur samband mark-
aðsafla og neytenda, og bætt ákvarð-
anatöku þeirra. Einnig getur fræði-
greinin gagnast seljendum til að ná
markmiðum sínum um sölu og hagn-
að.“
Málstofan verður haldin miðviku-
daginn 13. febrúar í Odda, stofu 101,
og hefst kl. 12.10.
Sálfræði | Málstofa í Odda á miðvikudag um tilraunir í neytendasálfræði
Úr tilraunastofunni út í búð
 Valdimar Sig-
urðsson fæddist í
Reykjavík 1978.
Hann lauk BA-
prófi í sálfræði og
viðskiptafræði frá
HÍ 2003, meistara-
gráðu í við-
skiptafræði frá HÍ
2005 og doktors-
prófi í markaðsfræði frá Háskólanum
í Cardiff 2007. Valdimar var stunda-
kennari við HÍ, en varð aðjúnkt við
HR 2007 og lektor 2008. Sambýlis-
kona Valdimars er Halla Hjördís Eyj-
ólfsdóttir nemi við KHÍ, og eiga þau
synina Alexander og Viktor.
Tónlist
Bústaðakirkja | Biebertríóið frum-
flytur Talnabandssónötur í heild eftir
H.I.F von Biber (1644-1704) á tón-
leikum Kammermúsíkklúbbsins í Bú-
staðakirkju sunnudagskvöld kl 20.
Sjá kammer.is
Gaukur á Stöng | Tónlistin úr kvik-
myndinni The Commitments verður
flutt af níu manna hljómsveit á Gauki
á Stöng. Húsið opnar klukkan 22, og
tónleikarnir hefjast stundvíslega
klukkan 23, miðaverð er einungis
500 kr. Eftir sýninguna leikur hljóm-
sveitin Sólon fyrir dansi fram eftir
nóttu.
Grafarvogskirkja | Einn virtasti fiðlu-
snillingur heims, Shlomo Mintz, leikur
24 Caprísur fyrir einleiksfiðlu eftir
Niccoló Paganini. Þetta er í fyrsta
sinn sem verkin hljóma í heild sinni
hér á landi. Tónleikarnir hefjast kl. 17
en húsið opnar kl. 16. Miðar á midi.is
og við innganginn.
Organ | ONE BE LO (Binary Star)
kemur fram ásamt DJ Flip á Organ, í
dag, einnig koma fram; Vivid Brain,
Brjánsi og dúóið Regnskóg (MC Rain
og Byrkir B. DJ Jói kyndir upp salinn
þess á milli. Syrpa með O.B.L. lögum
á www.hiphop.is. 1500 kr / 20+ /
kl.22+
Salurinn, Kópavogi | Blásaraoktett-
inn Hnúkaþeyr heldur tónleika kl. 14,
á Myrkum músíkdögum. Frumflutt
verða tvö verk: Concertino f. 2 fiðlur
og litla kammersveit eftir Jónas
Tómasson í samstarfi við félaga úr
strengjasveitinni Aþenu, og Andar
eftir Önnu S. Þorvaldsdóttur.
Mannfagnaður
Breiðfirðingafélagið | Félagsvist í
Breiðfirðingabúð, sunnudaginn 10.
febrúar kl. 14. Fjórði dagur í þriggja
daga keppni. Sjá nánar heimasíðu
Breiðfirðingafélagsins: www.bf.is
VIÐ fyrstu sýn virðist sem belgíski
tennisleikarinn Steve Darcis hafi
sett sig í heldur flóknar stellingar
þegar hann gaf upp í leik á móti
Tékkanum Radek Stepanek, en
þeir áttust við í fyrstu umferð Dav-
is-bikarsins í gær. Mótið fer fram í
borginni Ostrava í heimalandi Step-
aneks.
Þegar betur er að gáð sést þó að
Darcis er ekki liðamótalaus, heldur
er það sjónarhorn ljósmyndarans
sem er óvenjulegt og blekkir aug-
að.
Sjónarhornið
skiptir höfuðmáli
Tennisleikari
í kröppum
dansi
Rreuters
Ármúla 42 · Sími 895 8966
mánudaga - föstudaga 10-18
laugardag 10-17 sunnudag 13-17Opið
OPIÐ HÚS
Kynning á
menningu í Kína
Laugardag og sun
nudag
• Hillur
• Vasar
• Smáborð
• Skilrúm
• Diskar
• Lampar
• Pottar
• Myndir
o.m.fl.
Kínversk áramót
Ár rottunnar
Sprengiverð
Í tilefni áramóta
Aðeins í takmark
aðan tíma
Gleðilegt ár!
FRÉTTIR
SENDIHERRA Íslands í
Kanada, Markús Örn
Antonsson, efndi nýlega
til athafnar í sendi-
herrabústaðnum í höf-
uðborginni Ottawa til
heiðurs jöklafræðingnum
og rithöfundinum dr.
Jack Ives í tilefni af út-
gáfu bókar hans um
Skaftafell hjá bókaútgáf-
unni Ormstungu. Bókin
er gefin út bæði á ís-
lensku og ensku.
Jafnframt var því
fagnað að í september sl.
veitti forseti Íslands Jack Ives
riddarakross hinnar íslensku
fálkaorðu fyrir rannsóknarstörf á
Íslandi og kynningu á Íslandi er-
lendis. Viðstaddir athöfnina voru
vísindamenn og samstarfsmenn
Jack Ives við háskóla í Kanada, er-
lendir sendiherrar, stjórn Íslands-
vinafélagsins á Ottawasvæðinu og
kanadískir embættismenn. Jack
Ives á sæti í stjórn Íslandsvina-
félagsins í Ottawa.
Dr. Jack Ives, sem er breskur að
uppruna, hóf rannsóknir á jöklum
á svæðinu í nágrenni Skaftafells
fyrir rúmum 55 árum, þegar hann
kom fyrst til Íslands ásamt sam-
stúdentum í landafræði og jökla-
fræði við háskólann í Nottingham.
Síðan hefur hann komið meira en
20 sinnum til Íslands og unnið við
vísindarannsóknir.
Hann kynntist fljótlega Ragnari
Stefánssyni, bónda í Skaftafelli, og
tókst með þeim vinátta. Í bókinni
bregður höfundur upp myndum af
lífi fjölskyldu Ragnars og annarra
í Öræfum meðan íbúar sveit-
arinnar voru enn að miklu leyti
einangraðir frá öðrum lands-
hlutum.
Í formála að bókinni um Skafta-
fell fjallar Vigdís Finnbogadóttir,
fyrrverandi forseti Íslands, um
umfangsmiklar rannsóknir Jack
Ives á íslensku náttúrufari og seg-
ir að þjóðin standi í þakkarskuld
við hann fyrir þau störf.
Heiðraður Markús Örn Antonsson sendiherra
og dr. Jack Ives, höfundur hinnar nýju bókar
um Skaftafell, við athöfnina í Ottawa.
Jack Ives jökla-
fræðingur heiðraður