Morgunblaðið - 10.02.2008, Qupperneq 67

Coen-bræðurna, Ethan og Joel, vel
söguna.
„Þeir eru einfaldlega yndislegir
menn með allt sitt á hreinu.“
Svo hellir Brolin sér út í samlík-
ingar sem hafa kannski ekki besta
forvarnargildið.
Óskarsverðlauna-
leikurinn auðveldur
„Ég var um daginn spurður
hvort ég myndi líkja samstarfi
mínu við Coen-bræðurna við að
reykja hass en vinnunni með Tar-
antino við að neyta amfetamíns. Ég
vil reyndar hvorugt kannast við en
ef ég yrði að nota samlíkingar að
þessu tagi myndi ég segja að tæki-
færið til að vinna með þessum leik-
stjórum væri einfaldlega eins og að
vera á sýru í heilt ár.“
Brolin segist hafa leitað til
heimaslóðanna þegar hann skapaði
karakterinn Llewelyn.
„Hann er eins og margir strákar
sem ég ólst upp með í sveitinni í
Kaliforníu. Þeir eru hreinir ef svo
má að orði komast, þeir eru einfald-
lega bara þeir sjálfir og aldrei neitt
annað. Þeir standa vörð um sig og
sína gagnvart umheiminum. Fálæti
hjá fólki utan af landsbyggðinni er
oft túlkað sem heimska en það er
alrangt. Fyrirmynd mín að Llewe-
lyn var maður sem er með allt sitt
á hreinu og það finnst mér
heillandi,“ segir Brolin. „Það var
líka gaman að reyna að koma þessu
öllu til skila því það er í raun ekki
mikill texti sem ég fer með í mynd-
inni, en eins og gjarnan er hjá
Coen-bræðrum þýðir hver svipur
eitthvað hjá persónunum, hvert
augnaráð. Það er líka miklu erf-
iðara að reyna að koma tilfinn-
ingum til skila með augnaráði. Auð-
veldari lausn er að taka
„Óskars-senu“, ef það má kalla það
svo, með tilheyrandi gráti og öskr-
um.“
Slagsmál eru vanmetin
Llewelyn er karlmennskan upp-
máluð og segist Brolin sakna þess-
arra „alvöru karlmanna úr kvik-
myndum“.
„Við lifum á tímum þar sem hið
kvenlega eðli karlmanna kemur sí-
fellt meira í ljós. Menn eiga að vera
mjúkir og tala um tilfinningar sín-
ar. Það er allt gott og blessað en ég
held samt að heimurinn væri betri
staður ef sum mál mætti einfald-
lega leysa með smá slagsmálum.
Ég sakna þess, þótt ég sé hreint
ekki ofbeldisfullur,“ segir Brolin og
skyndilega verður það mjög skýrt
hvers vegna Coen-bræðurnir völdu
hann til liðs við sig sem kúrekann
fámála.
„Ég held að það sé engum hollt
að byrgja inni sorg og gleði. Mér
finnst mjög náttúrulegt að hnakk-
rífast við einhvern, koma því frá
mér sem þarf og sættast svo að lok-
um. Þetta er vanmetin leið til að
leysa úr hvers kyns flækjum.“
Fyrir nokkrum árum var leik-
arinn Russell Crowe kærður fyrir
að henda síma í mann. Brolin segist
skilja Crowe vel.
„Og ástæðan, að hann hafi verið
að reyna að ná í konuna sína, gerir
þetta mun skiljanlegra. Ég vildi
bara að maðurinn sem varð fyrir
símanum hefði verið meiri maður
en svo að hlaupa með þetta í blöðin
og kæra hann. Hann hefði átt að
henda símanum í hann til baka og
klára málið þannig. Það hefði ég
gert.“
Ætlaði í lögfræði
Brolin segist hafa verið aðdáandi
Coen-bræðranna lengi. Á hann sér
eitthvert annað draumahlutverk úr
einhverjum fyrri mynda þeirra?
„Ó já, hlutverk Jeffs Bridges í
The Big Lebowski. Það var snilld!
Reyndar líka hlutverk Johns Good-
mans og Johns Turturros í sömu
mynd … já eiginlega bara öll hlut-
verkin í þeirri mynd væru drauma-
hlutverk. Ég er svo hrifin af per-
sónunum í öllum þeirra myndum,
þeir leggja líka meiri áherslu á þær
en til dæmis tæknibrellur og annað.
Já ég myndi taka þátt í myndunum
þeirra hvenær sem er.“
Brolin er sem kunnugt er sonur
leikarans James Brolins sem þýðir
að stjúpmóðir hans er Barbra
Streisand. Kom það snemma í ljós
að þú ætlaðir að gerast leikari?
„Ég ætlaði alltaf í lögfræði og
verja glæpamenn og pabbi hvatti
mig eindregið til þess. Ég held að
hann hafi viljað að ég léti leiklistina
eiga sig, einfaldlega vegna þess að
hann veit hversu harður bransi
þetta getur verið. En eftir að ég
tók þátt í leikhúsuppfærslu í heima-
bænum mínum varð ekki aftur snú-
ið og pabbi studdi mig heilshugar,“
segir Brolin að lokum.
Herra þingmaður Margir muna eflaust eftir Josh Brolin í hlutverki Bill Sterling í þáttunum Mr. Sterling. birta@mbl.is
» Tarantino leikstýrði
og Robert sá um
upptökur. Það eina sem
Coen-bræðurnir sögðu
þegar þeir sáu upptök-
una var: „Vá, hver
tók þetta upp!“
MORGUNBLAÐIÐ SUNNUDAGUR 10. FEBRÚAR 2008 67