Morgunblaðið - 10.03.2008, Side 9
MORGUNBLAÐIÐ MÁNUDAGUR 10. MARS 2008 9
FRÉTTIR
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
Silkijakkar
Hverfisgötu 6, 101 Reykjavík, sími 562 2862
120 ÁRA fæðingarafmælis rithöfundarins Þór-
bergs Þórðarsonar var minnst um helgina en
Þórbergur fæddist í Suðursveit 12. mars 1888.
Í tilefni þessa var haldin Þórbergssmiðja í Há-
skóla Íslands á laugardag og sunnudag sem
Hugvísindastofnun og Bókmenntafræðistofnun
Háskóla Íslands, Mímir, félag stúdenta í ís-
lenskum fræðum, Forlagið og Morgunblaðið
boðuðu til.
Meðal þeirra sem tóku þátt í smiðjunni voru
Vilborg Dagbjartsdóttir og Matthías Johann-
essen, sem bæði þekktu Þórberg. Þau ræddu
um þennan merka höfund en Þröstur Helga-
son, ritstjóri Lesbókar Morgunblaðsins, stýrði
umræðunum.
Morgunblaðið/hag
Smiðja í tilefni fæðingarafmælis Þórbergs
NÝR valkostur, Sundagöng, er
kynntur í tillögu að matsáætlun fyrir
1. áfanga Sundabrautar sem nú er til
umfjöllunar og kynningar hjá Skipu-
lagsstofnun. Einnig er búið að gera
breytingu á áður framkomnum val-
kosti, svonefndri Eyjalausn, sem hef-
ur áður farið í mat á umhverfisáhrif-
um. Lögð er til breyting á leiðinni sem
felst í því að vegurinn liggi á fylling-
um utan við Gufuneshöfða í stað þess
að hann liggi í jarðgöngum í gegnum
höfðann. Heildarframkvæmdakostn-
aður Sundaganga er áætlaður um 24
milljarðar kr. en um 15 milljarðar við
Eyjalausn.
Sundagöng eru jarðgöng sem
liggja eiga frá Laugarnesi í vestri,
fara undir Kleppsvíkina og opnast í
austri í Gufunesi. Í tillögunni sem nú
er til umfjöllunar er fyrirhugaðri
framkvæmd og framkvæmdasvæði
lýst og fjallað um umfang og áherslur
umhverfismatsins auk þess að fjalla
um þá umhverfisþætti sem teknir
verða fyrir í matinu.
Í frummatsskýrslu verða metin
áhrif framkvæmdarinnar á haf-
strauma, laxfiska, landslag og sjón-
ræna þætti, útivist, fornleifar, nátt-
úruminjar, hljóðvist, loftgæði,
samgöngur og umhverfisáhrif á fram-
kvæmdatíma.
Tillöguna að matsáætluninni er
m.a. hægt að skoða á vefsíðum Línu-
hönnunar verkfræðistofu (www.lh.is)
og Vegagerðarinnar (www.vegager-
din.is). Drög að tillögu að matsáætlun
voru kynnt í fyrrasumar og bárust þá
athugasemdir frá átján aðilum. Frest-
ur til að gera athugasemdir við tillög-
una að matsáætlun rennur út 31.
mars næstkomandi. Athugasemdir
skulu vera skriflegar og þær á að
senda til Skipulagsstofnunar.
Níu millj-
arða
munur
Tveir kostir kynntir í
matsáætlun fyrir 1.
áfanga Sundabrautar
SKÍÐAFÆRIÐ er með besta móti
á landinu og hefur ekki verið jafn
góður skíðasnjór á þessum árs-
tíma um árabil. Umsjónarmenn
skíðasvæða búast við því að
margir bregði sér á skíði um
komandi páska.
Margt í Bláfjöllum
Aðsókn á skíðasvæðum höfuð-
borgarsvæðisins hefur verið góð
en þó hefði mátt búast við mun
fleira fólki á laugardag miðað við
hvað veðrið var gott. Í gær var
margt um manninn í Bláfjöllum
og þokkaleg mæting í Skálafelli.
Margir voru á gönguskíðum í
Heiðinni há í gær, að sögn Magn-
úsar Árnasonar, framkvæmda-
stjóra skíðasvæða höfuð-
borgarsvæðisins. Hann sagði að
yrði gott veður um páskana
mætti búast við miklum mann-
fjölda á skíðum.
Á Ísafirði var góð aðsókn í gær
enda mikill snjór á svæðinu, að
sögn Úlfs Guðmundssonar, for-
stöðumanns skíðasvæðisins.
Færra var á laugardag enda
margir á Samféshátíðinni í
Reykjavík og jarðarför í bænum.
Þá var veður heldur ekki eins
gott og það var í gær. Nú í vik-
unni verður hægt að opna alþjóð-
legar keppnisbrautir á Ísafirði en
ekki hefur verið nægur snjór til
þess nokkur undanfarin ár. Þá
verður hægt að skíða mjög langar
leiðir. Búist er við mörgum á
skíði fyrir vestan um páskana
enda færið og snjórinn með besta
móti.
Nóg pláss í Hlíðarfjalli
Margt var um manninn í
Hlíðarfjalli við Akureyri um
helgina og raunar verið góð að-
sókn í allan vetur, þótt ekki hafi
farið að snjóa að ráði fyrir norð-
an fyrr en nýlega að sögn Guð-
mundar Karls Jónssonar, for-
stöðumanns skíðasvæðisins. Fram
að því var skíðað á framleiddum
snjó. Guðmundur sagði aðstæður
í Hlíðarfjalli nú með besta móti
og ekki verið jafn gott skíðafæri í
Hlíðarfjalli á þessum árstíma und-
anfarin fimm ár. Guðmundur
sagði svæðið anna fjölda skíða-
fólks.
Púðursnjór í Oddsskarði
Dræm aðsókn almennings var í
Oddsskarði á laugardag en góð í
gær. Þar var haldið skíðamót um
helgina og vill það heldur draga
úr aðsókn almennings, að sögn
Dagfinns Ómarssonar forstöðu-
manns. Hann sagði helling af snjó
í fjallinu og enn að bæta í. Það
væri því líklegt að hægt yrði að
skíða þar til lokað yrði í lok apríl.
Gott skíðafæri og aðstæður óvenju
góðar á skíðasvæðum landsins
Morgunblaðið/hag
Fjör Ragnar Már og Eva María Einarsbörn á sleða í Ártúnsbrekku
Búist við að fjöldi
fólks fari á skíði
um páskana
FÉLAG 100 kílómetra
hlaupara á Íslandi mun
standa fyrir fyrsta 100 kíló-
metra keppnishlaupinu á Ís-
landi 7. júní, á þessu ári.
Hlaupnar verða 10 x 10 km
„lykkjur“ um Fossvogsdal,
Elliðaárdal og yfir í Bryggju-
hverfi. Áætlað er að hefja
hlaup kl. 7 að morgni. Kepp-
endur skulu ljúka hlaupi á
innan við 15 klukkustundum.
Ein megináningarstöð verð-
ur í miðri „hlaupalykkju“, þ.e.
á 5 kílómetra fresti.
Bráðabirgðaskráningu
með upplýsingum um nafn,
kyn, aldur, heimilisfang og
hlaupaferil með tilliti til
maraþonhlaups og ofurmara-
þonhlaups má framkvæma í
tölvupósti (til agust@hi.is).
Frekari upplýsingar má fá
með tölvupóstsamskiptum
við sama póstfang.
Vefsíða hlaupsins verður
opnuð fljótlega undir vefsíðu
„félags 100 km hlaupara á Ís-
landi.“ Ágúst Kvaran pró-
fessor er einn af þeim sem
skipuleggja hlaupið. Hann
segir að í 100 kílómetra
klúbbnum séu 15 manns, en
þegar hafi sex hlauparar
skráð sig. Hann segist verða
ánægður komist fjöldinn yfir
tuginn, en hlaupið verður
einnig kynnt á erlendum vef-
síðum. Ekki er skilyrði að
keppendur hafi áður hlaupið
100 kílómetra en maraþon
eða ofurmaraþon er æskilegt.
Hlaupa 100 km í sumar
♦♦♦
ÞRÁTT fyrir heldur rysjótt veð-
urfar undanfarna daga hefur huðn-
an Perla boðað komu vorsins.
Fimmtudaginn 6. mars bar hún
myndarlegum gráhöttóttum hafri
og þar með fjölgaði íbúum Fjöl-
skyldu- og húsdýragarðsins um
einn. Meðgöngutími huðna er 5
mánuðir og þær eignast venjulega
einn til tvo kiðlinga í einu.
Geitburður hefst nú með fyrra
falli en leita þarf aftur til ársins
1999 að kiðlingum svo snemma í
marsmánuði hjá Húsdýragarðs-
bændum. Geitur eiga sér langa
sögu á Íslandi. Þær komu hingað
með fyrstu landnámsmönnunum,
líkt og nautgripir, hross og sauðfé.
Nú eru fáar geitur eftir á Íslandi
eða um 300 en í kringum 1930 voru
þær um 3.000 talsins.
Perla bar
fyrsta kið-
lingi vorsins