Morgunblaðið - 10.03.2008, Page 16
16 MÁNUDAGUR 10. MARS 2008 MORGUNBLAÐIÐ
VESTURLAND
Eftir Steinunni Ásmundsdóttur
steinunn@mbl.is
FYRIR nokkrum mánuðum hefði ég átt bágt
með að trúa því að ég ætti eftir að taka að
mér kennslu fullorðinna,“ sagði Hansína
Margrét Halldórsdóttir, hjá Félagi eldri
borgara á Eskifirði, á málþingi um íslensku-
kennslu og móttöku útlendinga á Egils-
stöðum sl. fimmtudag.
„Á síðasta ári kom Laufey Eiríksdóttir,
verkefnisstjóri hjá Þekkingarneti Austur-
lands, að máli við okkur hjá félaginu til að at-
huga hvort við hefðum áhuga á að taka að
okkur nokkra starfsmenn, Pólverja, í ís-
lenskukennslu. Mennirnir eru í vinnu hjá
Tandrabergi. Þar sem félagið okkar sam-
anstendur af dugnaðarfólki, að ég tali nú
ekki um jákvæðu með eindæmum, töldum við
þetta vel hugsandi og vorum til í slaginn.“
Mátti ekki á milli sjá hver var óstyrkari
Hansína segir kennslu hafa farið fram frá
kl. sjö að morgni til kl. níu tvisvar sinnum í
viku í húsnæði félagsins, Melbæ. „Þannig
höfðum við aðstöðu til að fá okkur kaffi og
með því, vegna þess að nauðsynlegt var að
rétta úr sér og slaka eilítið á. Salurinn okkar
í Melbæ er notalegur íverustaður og stemn-
ingin ábyggilega líkari heimakennslu eins og
hún tíðkaðist á árum áður, þótt ég muni nú
ekki eftir því. Það var erfitt að greina hver
okkar voru óstyrkari, við eða þessir elsku-
legu pólsku strákar, þegar fundum okkar bar
saman í fyrsta sinn. Aldursmunur nemenda
og kennara var nokkur, enda hefðu þessir
ungu menn getað verið synir okkar eða son-
arsynir. Eins og oft er skiptir aldur ekki máli
og í þessu tilfelli var svo ekki, þannig að hóp-
urinn náði vel saman.“
Þekkingarnetið, sem greiðir félaginu
nokkra þóknun fyrir kennsluna, útvegaði að
mestu námsefnið og löguðu fræðararnir það
að hverjum og einum, enda fólkið allt frá því
að vera nýkomið til landsins til þess að hafa
dvalist hér í eitt og hálft ár. Hansína segir þó
skorta fjölbreyttari og vinnutengdari náms-
gögn. Hver fræðari var með 3-4 nemendur í
sinni umsjón. „Við hófum hverja kennslu-
stund á því að heilsast að gömlum og góðum
sið og kynna okkur. Söngur var talsvert not-
aður sem partur af kennslunni, t.d. Abcd og
Afi minn og amma mín.“
Nemendur komu í tíma tvisvar í viku fyrir
áramót og einu sinni í viku eftir áramót, í n.k.
háskóla hjá fræðurum sínum. Félagið tók svo
við nýjum hóp um miðjan janúar, fólki sem
hefur ekki verið hér á landi áður og er því
kennt tvisvar í viku. Hansína segir að best sé
að hafa einn kennara á nemanda í kennslunni
og skynsamlegt að þeir sem séu nýkomnir til
landsins komi daglega í viku. Slíkt nýtist
þeim enn betur. Hún segir mjög áberandi að
nemendum sem vinna eingöngu með Íslend-
ingum á vinnustað fari betur fram í íslensk-
unni en þeim sem vinni bara með samlöndum
sínum.
Hansína segir árangur þessara kennslu-
stunda hvorki verða mældan né metinn af
kennurunum. Þeirra tilfinning sé samt sú að
nemendurnir fari frá þeim örlítið fróðari.
„Þessi vinna hefur veitt mér gleði og ég er
ekki frá því að ég og við höfum gert nokkurt
gagn í leiðinni.“
Gjörbreytti íslenskunámi til hins betra
Einar Birgir Kristjánsson, framkvæmda-
stjóri sjávarútvegsfyrirtækisins Tandrabergs
á Eskifirði, segir meirihluta starfsmanna
sinna pólskan. Undanfarin fjögur ár hafi ver-
ið lögð áhersla á að þeir sæktu íslensku-
námskeið, kvöldnámskeið, einu sinni í viku.
Eftirtekjan hafi þó verið rýr. Mikilvægi ís-
lenskukunnáttu verði seint fullmetið. Sam-
starfið við Þekkingarnetið og eldri borgara á
Eskifirði hafi hins vegar tekist frábærlega og
viðhorf Pólverjanna til íslenskukennslunnar
hafi tekið algerum stakkaskiptum. „Þessi
kennsla er mjög mikilvæg sem fyrsta skrefið
í íslenskunámi og nauðsynleg til að ná til út-
lendinganna. Gætu ekki eldri borgarar þessa
lands tekið að sér álíka verkefni, með ein-
hverju stöðluðu námsefni sem yfirvöld
myndu búa til og þjálfun kennara? Þetta gæti
eflt starfsemi félaga eldri borgara í landinu
og aukið við samfélagslegt hlutverk þeirra,“
segir Einar.
Eldri borgarar á Eskifirði koma Pólverjum á skrið í nýju tungumáli
Morgunblaðið/Steinunn Ásmundsdóttir
Alsæl Laufey Eiríksdóttir hjá Þekkingarneti Austurlands, Hansína M. Halldórsdóttir, Félagi
eldri borgara á Eskifirði, og Einar B. Kristjánsson, framkvæmdastjóri Tandrabergs.
Ljósmynd/Helgi Garðarsson
Íslenskukennsla Félag eldri borgara á Eskifirði hefur tekið að sér að kenna erlendum starfs-
mönnum Tandrabergs í aðstöðu sinni Melbæ. Mikil gagnkvæm ánægja ríkir vegna þessa.
Alúð og nærvera í íslenskukennslu
Í HNOTSKURN
»Félag eldri borgara á Eskfirði annastíslenskukennslu fyrir Pólverja sem
vinna hjá fyrirtækinu Tandrabergi.
»Kennslan hefur gengið framar björt-ustu vonum og skilar sér betur til nem-
enda í byrjun en hefðbundin íslensku-
námskeið.
AUSTURLAND
Eftir Sigurð Elvar Þórólfsson
seth@mbl.is
„ÉG hugsa að þetta endi með því að
ég get aldrei hætt að spila. Ef ég
hætti þá mun vinur minn Brynjar
Sigurðsson halda áfram og ná leikja-
metinu af mér. Þetta verður því
stöðug baráttta eitthvað fram eftir
þessari öld og við verðum án efa í
fullu fjöri á fimmtugsaldrinum,“ seg-
ir Jón Þór Þórðarson, körfuknatt-
leiksmaður á Akranesi, en hann lék
sinn 250. leik fyrir ÍA á dögunum
gegn Árvakri í 2. deild Íslandsmóts-
ins.
Jón Þór var lykilmaður í liði ÍA
þegar liðið var í úrvalsdeild á árun-
um 1994-2000 en á undanförnum ár-
um hafa Skagamenn verið í „felum“ í
2. deildinni. „Það eru ýmsir þættir
sem hafa gert það verkum að körfu-
boltinn hefur átt undir högg að
sækja. Félagið var mjög skuldum
vafið eftir veruna í úrvalsdeildinni.
Það dró kraftinn úr þeim sem stóðu í
því að útvega fé í reksturinn. Eins og
staðan er í dag þá er mjög rólegt yfir
körfuboltanum og aðeins tveir yngri
flokkar auk meistaraflokksins. Hér á
Akranesi er einnig mjög mikið um að
vera á íþróttasviðinu. Margar grein-
ar sem eru stundaðar í bæjarfélag-
inu, knattspyrna, golf, fimleikar,
sund, badminton, karate, box svo
eitthvað sé nefnt. Það er því mikið í
boði fyrir krakkana og karfan hefur
einfaldlega orðið undir í þessari
samkeppni. Það er í raun frekar dap-
urt að yfir vetrartímann skuli ekki
vera meira líf í boltaíþróttunum fyrir
hinn almenna íbúa sem vill fylgjast
með og fara á leiki. Vonandi á þetta
eftir að breytast en til þess þarf fjár-
magn til þess að reka meistaraflokk.
Ég er á þeirri skoðun að án meist-
araflokks sé nánast vonlaust að
byggja upp yngri flokka. Við höfum
prófað það hér á Akranesi og það
hefur ekki gengið vel.“
Rochet-armbandsúr
Það var ýmislegt gert á síðasta
heimaleik ÍA til þess að minnast
þeirra tímamóta að Jón Þór náði að
leika sinn 250. leik en svo skemmti-
lega vildi til að leikurinn fór fram á
36. afmælisdegi Jón Þórs, hinn 6.
mars.
„Ég fékk gjöf frá félaginu, mjög
vandað Rochet-armbandsúr. Mér
skilst að úrið sé vatnshelt en það var
úrsmiðurinn Guðmundur B. Hannah
sem gaf úrið með því skilyrði að því
yrði ekki skilað aftur. Ég býst við að
þetta úr sé núna orðið farandgripur.
Brynjar fær það kannski ef hann
nær að bæta leikjametið. Hann er
með 228 leiki sjálfur en Dagur Þór-
isson er með 237 leiki. Við erum allir
að spila með liðinu í dag og úr þessu
verðum við seint taldir ungir og efni-
legir.“
Það eru kannski fáir sem vita það
að Jón Þór og Shaquille O’Neal, mið-
herji Phoenix Suns, fæddust báðir
hinn 6. mars árið 1972. Jón Þór segir
að líklega hafi æðri máttarvöld reynt
að búa til tvo fullkomna körfubolta-
menn á þessum degi. Reyndar er
O’Neal 2,16 m á hæð en Jón Þór er
aðeins lágvaxnari. „Það fór eitthvað
úrskeiðis í skiptingunni á hæðinni en
ég fékk hæfileikann til þess að skora
úr vítaskotum en Shaq ekki.“
Ljósaleikurinn í „Höllinni“
Þegar Jón Þór er spurður að því
hvaða einstaki leikur standi upp úr á
ferlinum þarf hann að nefna nokkra.
„Það er ekki hægt að taka einn leik
úr. Það eru mjög margir minnis-
stæðir. Bikarúrslitaleikurinn í Laug-
ardalshöllinni árið 1996 gleymist
seint. Þar voru ljósin slökkt í leik-
mannakynningunni, reykur og ljósa-
sjóv. Það gleymdist hins vegar að
gera ráð fyrir því að það tekur um 45
mínútur að kveikja aftur ljósin í
Laugardalshöllinni. Leikirnir gegn
Grindavík í úrslitakeppninni árið
1994 eru einnig eftirminnilegir. Við
vorum nýliðar í deildinni og kom-
umst samt sem áður í fjögurra liða
úrslit. Það voru um 1.500 áhorfendur
á heimaleiknum á Akranesi og það
verður seint leikið eftir,“ sagði Jón
Þór Þórðarson methafi.
„Get líklega
aldrei hætt
að spila“
Ljósmynd/Sigurður Elvar
Methafi Ef allt gengur eftir áætlun munu feðgarnir Jón Þór Þórðarson og
Þórður Freyr leika saman með körfuknattleiksliði ÍA eftir nokkur ár.