Morgunblaðið - 14.03.2008, Side 14

14 FÖSTUDAGUR 14. MARS 2008 MORGUNBLAÐIÐ
ALÞINGI
ÍSLENDINGAR geta látið senda
lyfseðla sína til apóteka í Pól-
landi, Þýskalandi, Danmörku
eða í öðrum EES-löndum án
þess að þurfa að hafa áhyggjur
af því að sækja lyfin á staðinn
ef lyfjafrumvarp sem Guð-
laugur Þór Þórðarson heilbrigð-
isráðherra mælti fyrir á Alþingi
í gær verður að lögum.
Samkvæmt frumvarpinu verð-
ur póstverslun með lyf heimiluð
og staðfesti Guðlaugur í svari
við spurningu Jóns Magn-
ússonar, þingmanns Frjálslynda
flokksins, að hægt verði að
ávísa á hvaða apótek sem er
innan EES-svæðisins.
Póstverslunin verður þó
bundin lyfsöluleyfum og þarf að
vera í tengslum við starfandi
apótek.
Viltu senda
lyfseðilinn
til Póllands?
HEFJA á uppbyggingu þekking-
armiðstöðvar um uppeldismál í
samvinnu við Háskólann á Ak-
ureyri að mati Huldar Aðalbjarn-
ardóttur, þingmanns Framsókn-
arflokks, en hún hefur ásamt sex
þingmönnum úr öllum flokkum
nema Sjálfstæðisflokki lagt fram
þingályktunartillögu þess efnis.
Í greinargerð segir að mikil
þörf sé á rannsóknum um uppeld-
is- og forvarnarmál. Tilfinn-
anlega vanti aðila sem geti gefið
faglegar og hlutlausar ráðlegg-
ingar og veitt skólum, meðferð-
araðilum og samtökum foreldra
fræðslu.
Uppeldismið-
stöð á Akureyri
ÞINGMENN úr öllum flokkum hafa
lagt fram þingsályktunartillögu
þess efnis að ráðist verði í mark-
vissar endurbætur björgunarskipa
á árunum 2009-2014 jafnframt því
sem kannað verði hvort þörf sé á að
fá enn öflugri skip á ákveðna staði
á landinu. Í greinargerð segir að
þörfin fyrir björgunarskip sé mikil
en á árinu 2006 voru 96 útköll
skráð á landinu auk þess sem skipin
sinni ótal öðrum verkefnum og æf-
ingum.
Betri björg-
unarskip
ÖRYRKJAR þurfa ekki lengur
að taka mið af tekjum maka
sinna þegar þeir áætla ör-
orkubætur sem þeir fá þar sem
almannatryggingafrumvarp fé-
lagsmálaráðherra var samþykkt
einróma á Alþingi í gær en með
því fellur tekjutenging trygg-
ingabóta niður.
Breytingarnar taka gildi um
næstu mánaðamót og þá munu
vasapeningar vistmanna á stofn-
unum hækka um tæp 30% og frí-
tekjumark verður afnumið.
Skerðingarhlutfall ellilífeyris
verður jafnframt lækkað úr 30%
í 25% og í byrjun júlí hækkar
frítekjumark fólks á aldrinum
67-70 ára í 100 þúsund krónur á
mánuði.
Fjárhæð aldurstengdra ör-
orkuuppbóta hækkar á sama
tíma og sett verður sérstakt 300
þúsund króna frítekjumark á líf-
eyrissjóðstekjur örorkulífeyr-
isþega.
Þá mun skerðing lífeyr-
isgreiðslna vegna innlausnar sér-
eignasparnaðar vera afnumin á
næsta ári.
Tenging tryggingabóta
við tekjur maka afnumin
Morgunblaðið/Ómar
Ævin er augnablik Ný almannatryggingalög fela í sér bætur á hag öryrkja
og aldraðra og m.a. verður skerðingarhlutfall ellilífeyris lækkað.
Eftir Höllu Gunnarsdóttur
halla@mbl.is
ÞAÐ ER verið að gerbylta heilbrigðiskerfinu án umræðu
á Alþingi, sagði Valgerður Sverrisdóttir, þingmaður
Framsóknarflokksins, í upphafi þingfundar í gær og vís-
aði til einkavæðingar. Sagði hún heilbrigðisnefnd þings-
ins varla haft nokkur mál að vinna að í vetur. „Heilbrigð-
isráðherra leggur sig fram um að vera sem minnst hér og
maður fréttir bara úti í bæ hvað verið er að gera,“ sagði
Valgerður.
Ögmundur Jónasson, þingmaður Vinstri grænna, hóf
máls á þessu og var mjög ósáttur við að utandagskrár-
umræða um útvistun á rekstri hjúkrunardeildar Land-
spítalans, sem hann óskaði eftir í lok febrúar, skyldi ekki
vera á dagskrá Alþingis áður en páskaleyfi hófst. Stjórn
þingsins hafi heimilað þá umræðu en heilbrigðisráðherra
hafi neitað. „Hvað veldur því að hæstvirtur ráðherra
neitar því að taka þessa umræðu? Treystir hann sér ekki
til þess?“ spurði Ögmundur og flokkssystir hans, Kol-
brún Halldórsdóttir, tók undir og áréttaði að utandag-
skrárumræður ættu ekki að vera á forsendum ráðherra
heldur þingmanna.
Stjórnarandstöðuskóli Marðar
Stjórnarliðar blésu á þetta og Merði Árnasyni, Sam-
fylkingu, þótti ekki mikið til stjórnarandstöðunnar koma
að velja að „þrasa um utandagskrárumræður“ fremur en
að ræða t.d. skattamál, samgöngumál eða áform um ál-
versbyggingu í Helguvík. Stakk hann upp á því að komið
yrði á fót stjórnarandstöðuskóla til að kenna stjórnar-
andstæðingum hvernig ætti að veita heilbrigða og lýð-
ræðislega stjórnarandstöðu. „Og ég skal vera skólastjóri
í þeim skóla,“ sagði Mörður.
Heilbrigðiskerfinu ger-
bylt án umræðu á þingi
Stjórnarandstaðan ósátt við umræðuleysi í þinginu
Dularfullur fundur
Það var leyndardómsfullt andrúmsloft
í Alþingishúsinu í gærmorgun þegar
aðalfundur Hins íslenska Þjóðvina-
félagsins fór fram í þingsalnum en
engum utanaðkomandi er heimilt að
fylgjast með fundum félagsins. Fyrir
vikið jókst mjög áhugi fjölmiðlafólks á
samkomunni, þó að félagið hafi ekki
dularfyllri verkefni með höndum en út-
gáfu almanaks og tímaritsins And-
vara. Félagið var stofnað árið 1871
og allir alþingismenn eru sjálfkjörnir
félagar.
Gömul tilkynning
Mörgum spurn-
ingum varðandi
kostnað við Kára-
hnjúkavirkjun er
enn ósvarað,
sagði Álfheiður
Ingadóttir, VG, á
þingi í gær og
þótti erfitt að verj-
ast þeirri hugsun
að skýrsla sem
iðnaðarráðherra
lagði fram á þingi að beiðni VG væri
annað en gömul fréttatilkynning frá
Landsvirkjun. „Enginn kostnaður
sem fellur á aðra en Landsvirkjun er
talinn til kostnaðar við virkjunina,“
sagði Álfheiður og bætti við að mest
munaði um flutningsmannvirki.
Týndi ráðherrann
Dagskrá þingsins
raskaðist aðeins í
gær, enda gekk
hún hratt framan
af og samgöngu-
ráðherra var
hvergi sjáanlegur
þegar kom að
honum að mæla
fyrir frumvarpi um
stofnun opinbers
hlutafélags um rekstur Keflavík-
urflugvallar. Ráðherrann skilaði sér
þó fljótt í hús en opinbera hlutafélag-
inu er ætlað að sjá um rekstur Kefla-
víkurflugvallar og Flugstöðvar Leifs
Eiríkssonar.
Ögmundur Jónasson, VG, var ekki
alls kostar sáttur og sagði ekkert
hafa verið rætt við stéttarfélög þeirra
starfsmanna sem vinna nú þegar á
flugvellinum. Kristján L. Möller boð-
aði hins vegar samvinnu og sagði að
leitað yrði ráða hjá starfsmönnum.
Dagskrá þingsins
Alþingi er nú farið í páskaleyfi og
næsti þingfundur verður því ekki fyrr
en 31. mars nk.
Álfheiður
Ingadóttir
Kristján L. Möller
ÞETTA HELST …
Eftir Hjört Gíslason
hjgi@mbl.is
VIÐSKIPTI með aflahlutdeild, var-
anlegan þorskkvóta, hafa nánast leg-
ið niðri síðan í haust. Á það við um
bæði stærri skipin og smábátana.
Hjá helztu kvótamiðlurum liggja nú
engin sölutilboð fyrir, en hæstu
kauptilboð eru upp á 3.000 krónur í
stóra kerfinu en 2.600 í því litla. Það
er um fjórðungs lækkun frá því þeg-
ar verð fór hæst síðastliðið sumar, í
um 4.000 krónur.
Björn Jónsson sér um kvótamiðl-
un LÍÚ. Hann segir að nú sé hvorki
eftirspurn né framboð á aflahlut-
deild. Það sé líka þannig að lækki
verð á hlutum, hvort sem það sé afla-
hlutdeild eða eitthvað annað, séu
menn tregir til að selja. Menn selja
ekki í niðursveiflu. Hins vegar sé
nokkur hreyfing á leigu, enda séu
margir orðnir tæpir í þorskinum.
„Þetta virðist fylgja öðru í niður-
sveiflunni og viðskiptin hafa nánast
engin verið undanfarna mánuði,“
Eggert SK. Jóhannesson hjá skipa-
miðluninni Bátar og kvóti.
Hann segir að hins vegar hafi ver-
ið nokkur hreyfing á leigukvótanum
og verðið hafi verið á bilinu 240 til
250 krónur á hvert kíló af þorski. Það
sé ljóst að lán til kvótakaupa séu
vandfengin og á of háum vöxtum.
Þess vegna treysti menn sér ekki til
að borga nema 3.000 krónur.
Verð á aflahlutdeild í þorski
hækkaði mjög ört á síðustu árum og
þegar það náði hámarki í stóra kerf-
inu í 4.000 krónum í fyrrasumar,
hafði það um það bil fjórfaldast á
fáum árum. Nú, þegar og ef aflahlut-
deild fæst keypt á 3.000 krónur er
verðið svipað og fyrir um einu og
hálfu ári. Í haust seldist þorskafla-
hlutdeildin í litla kerfinu á 3.400
krónur kílóið, en verð á henni hafði
þá hækkað mikið eftir að dagakerfið
var afnumið. Nú eru kauptilboð hæst
2.600 krónur.
Verð á aflahlutdeild í öðrum teg-
undum hefur einnig lækkað. Skýr-
ingin virðist fyrst og fremst liggja í
erfiðari aðgangi að fjármagni og
háum vöxtum. Menn hvorki vilja
selja né kaupa við þessar aðstæður.
Engin viðskipti með kvótann
Morgunblaðið/Þorgeir Baldursson
Á sjó Skipverjar á togaranum Kaldbak leysa frá pokanum. Verð á afla-
hlutdeild er nú farið að lækka efir samfellda hækkun síðustu ár.
Í HNOTSKURN
»Hjá helztu kvótamiðlurumliggja nú engin sölutilboð
fyrir, en hæstu kauptilboð
eru upp á 3.000 krónur í
stóra kerfinu en 2.600 í því
litla
»Verð á aflahlutdeild í öðr-um tegundum hefur einn-
ig lækkað. Skýringin virðist
fyrst og fremst liggja í erf-
iðari aðgangi að fjármagni og
háum vöxtum
»Þetta virðist fylgja öðru íniðursveiflunni og við-
skiptin hafa nánast engin ver-
ið undanfarna mánuði
Hæstu kauptilboð
eru upp á 3.000
krónur kílóið
„ÞETTA er í fyrsta sinn sem við
skoðum grunnslóðina með þessum
hætti. Við höfum því ekki sam-
anburð við fyrri ár og því lítið hægt
að segja annað en við höfum ekki
séð neitt óvænt. Fiskurinn var held-
ur horaður við Vestfirðina, en ágæt-
ur inn á milli. En við eigum eftir að
skoða þetta allt betur, þegar í land
kemur,“ segir Jón Þórmundsson,
leiðangursstjóri á rannsóknarskip-
inu Árna Friðrikssyni.
Árlegt togararall Hafrann-
sóknastofnunar stendur nú yfir og
er reyndar langt komið. Leiðang-
urinn hjá Árna er tvískiptur. Fyrst
var grunnslóðin skoðuð betur held-
ur en áður. Voru teknar stöðvar nær
landi á Faxaflóa, Breiðafirði og við
Vestfirði. Síðan verður farið norður
kantinn frá Víkurál og norður á
Hala og þá Dohrnbanka og Hamp-
iðjutorgið.
„Það eru reyndar fréttir af Hamp-
iðjutorginu þess efnis að þorskurinn,
sem þar var í miklum mæli í febrúar,
virðist genginn af svæðinu. Líklega
hefur hann gengið nær landi til
hrygningar. Það var þorskur þar í
júní í fyrra líka. Það gæti þá hafa
verið þorskur sem væri að ganga til
baka eftir hrygningu,“ segir Jón.
„Rallið“
langt komið
ÚR VERINU