Morgunblaðið - 14.03.2008, Page 17

MORGUNBLAÐIÐ FÖSTUDAGUR 14. MARS 2008 17
ERLENT
New York. AFP. | Dagblaðið New York Times birti í
gær nafn vændiskonu sem Eliot Spitzer, fráfar-
andi ríkisstjóri New York, er sagður hafa sængað
hjá og greitt fyrir það 4.300 dollara, sem svarar
300.000 krónum.
„Ég vil bara ekki að fólk haldi að ég sé skrímsli,“
hafði New York Times eftir konunni, sem heitir
Ashley Alexandra Dupre, er 22 ára og sögð vonast
eftir frama sem söngkona. „Þetta hefur verið mjög
erfiður tími. Þetta er flókið.“
Hún vildi ekki ræða samband sitt við Spitzer,
sem neyddist til að segja af sér eftir að hann var
staðinn að vændiskaupunum. Hermt er að hann
hafi greitt samtals 80.000 dollara, eða 5,6 milljónir
króna, fyrir a.m.k. sex eða sjö „stefnumót“ við
vændiskonur síðustu árin. New York Times sagði
að Dupre kynni að verða stefnt til að bera vitni í
réttarhöldum yfir forsprökkum vændishrings sem
ríkisstjórinn var í sambandi við.
Á síðu Dupre á MySpace.com segist hún koma
úr uppflosnaðri fjölskyldu í New Jersey, hafa
neytt fíkniefna, orðið fyrir misþyrmingum, verið
„blönk og heimilislaus“. „Ég bý í New York og er í
sjöunda himni. Hef verið hér frá 2004 og elska
þessa borg og líf mitt hérna. En leið mín hefur
ekki verið auðveld.“
„Vil bara ekki að fólk
haldi að ég sé skrímsli“
AP
Vændiskonan Ashley Alexandra Dupre á mynd
sem birt var á síðu hennar á MySpace.com.
Brussel. AP. | Jose Manuel Barroso,
forseti framkvæmdastjórnar Evrópu-
sambandsins, sagði í gær að viðræð-
um um inngöngu Króatíu í sambandið
lyki að öllum líkindum fyrir lok ársins,
þannig að landið fengi aðild árið 2010.
Barroso sagði þetta eftir fund með
Ivo Sanader, forsætisráðherra Króat-
íu. Daginn áður hafði þing landsins
samþykkt tillögu Sanaders um að
fresta því að framfylgja lögum um
stjórnun fiskveiða á umdeildu svæði í
Adríahafi vegna andstöðu ESB-
ríkjanna Slóveníu og Ítalíu. Sanader
sagði að Króatar væru nauðbeygðir til
að gera þetta til að greiða fyrir aðild
landsins að Evrópusambandinu.
Króatar byrjuðu að framfylgja lög-
um um fiskveiðistjórnun innan land-
helginnar og rétt utan hennar í Adría-
hafi 1. janúar. Veiðar slóvenskra og
ítalskra skipa voru þá takmarkaðar,
að minnsta kosti á pappírnum.
ESB-löndin tvö mótmæltu lögun-
um þótt Króatar hefðu ekki framfylgt
þeim að fullu og slóvensku og ítölsku
skipin í raun fengið ótakmarkaðan að-
gang að svæðinu. ESB gerði Króötum
grein fyrir því að samningar næðust
ekki um aðild þeirra að sambandinu
nema þeir féllu frá lögunum um
stjórnun fiskveiða á svæðinu.
Gáfu eftir
í deilu um
fiskveiðar
JÓRDANSKIR þingmenn hafa
krafist þess að stjórnvöld reki
danska sendiherrann úr landi og
bindi enda á stjórnmálatengsl við
Danmörku. Samkvæmt upplýsing-
um AFP-fréttastofunnar hafa tæp-
lega fimmtíu þingmenn undirritað
tillögu þessa efnis og er ástæðan
endurbirting skopmyndarinnar af
Múhameð spámanni fyrir skömmu.
„Danmörk lítilsvirðir spámann
okkar og íslam. Það er trúarleg og
siðferðileg skylda okkar að binda
enda á stjórnmálasamband okkar við
landið,“ sagði einn þingmannanna.
Ummælunum „farið til helvítis“,
sem formaður Sósíalíska þjóðar-
flokksins í Danmörku, Villy Søvndal,
beindi til meðlima íslömsku öfga-
hreyfingarinnar Hizb-ut-Tahrir, var
slegið upp á forsíðu egypsks dag-
blaðs í vikunni. Í Berlingske tidende
segir að Søvndal þyki egypska dag-
blaðið hafa snúið út úr, nú líti út fyrir
að hann hafi beint orðunum til allra
múslíma. Utanríkisráðherra Dan-
merkur hyggst aðstoða Søvndal við
að leiðrétta misskilninginn.
Danir valda
titringi
ÓTTAST er, að
nýr sjúkdómur í
hveiti geti valdið
hungursneyð í
sumum löndum en
nú þegar er mikill
skortur á hveiti í
heiminum.
Sjúkdómnum
veldur ryðsvepp-
ur, sem kallast
Ug-99, en hans
varð fyrst vart í Úganda fyrir nokkr-
um árum. Síðan hefur hann breiðst út
um Austur-Afríku og mörg dæmi eru
um, að hann hafi drepið heilu akrana.
Flestar hveititegundir, sem ræktaðar
eru í Afríku og Asíu, t.d. í Kína, hafa
lítið mótstöðuafl gegn sveppinum og
því stendur nú yfir áköf leit að inn-
lendum afbrigðum í þessum heims-
hlutum, sem standast hann betur.
Fari allt á versta veg getur svepp-
urinn valdið alvarlegri uppskeru-
bresti en dæmi eru um áður og þar
með miklum verðhækkunum og
hungursneyð víða um lönd.
Óttast sjúk-
dóm í hveiti
Hveitiakur rétt við
Chicago-borg.
♦♦♦
♦♦♦
H
V
ÍT
A
H
Ú
S
IÐ
/S
ÍA
–
0
8
-0
3
3
7
Tökum við umsóknum núna
www.hr.is