Morgunblaðið - 07.04.2008, Qupperneq 13
MORGUNBLAÐIÐ MÁNUDAGUR 7. APRÍL 2008 13
VIÐSKIPTI/ATHAFNALÍF
Suðurlandsbraut 24 • 108 Reykjavík • Sími 569 0900
Fax 569 0909 • lifbank@lifbank.is • www.lifbank.is
Ársfundur
Ársfundur Lífeyrissjóðs bankamanna
verður haldinn miðvikudaginn 9. apríl
n.k. kl. 17.30. Fundurinn verður
haldinn á Hótel Loftleiðum, Þingsal 1.
Dagskrá:
1. Venjuleg störf ársfundar skv. 6. gr.
samþykkta sjóðsins.
2. Önnur mál.
Stjórn Lífeyrissjóðs bankamanna.
Útimálning
Viðarvörn
Lakkmálning
Þakmálning
Gólfmálning
Gluggamálning
Innimálning Gljástig 3, 7, 20
Verð frá kr. 298 pr.ltr.
Gæða málning á frábæru verði
Allar Teknos vörur eru framleiddar skv. ISO 9001 gæðastaðli.
Afsláttur af málningarvörum
20%
Sætúni 4 Sími 517 1500
Sérhönnuð málning fyrir íslenskar aðstæður.
Skútuvogi 13, S. 517 1500 www.teknos.com
Net12 er rakin leið fyrir þau fyrirtæki og félög sem vilja fara í alvöru vaxtarækt með Byr.
FYRIRTÆKJAÞJÓNUSTA
Notaðu vextina strax
Sími 575 4000 | www.byr.is
// Hleyptu vexti í reksturinn
// Fáðu háa ávöxtun
// Reiknaðu dæmið til enda
Þú færð vaxtavexti af þeim vöxtum
sem ekki eru greiddir jafnóðum út.
ÓRAUNHÆFT er að ætla að Al-
þjóðagjaldeyrissjóðurinn, IMF,
þurfi að koma Íslandi til aðstoðar.
Hafa engar umræður átt sér stað í
þá veru við sjóðinn.
Þetta segir Sturla Pálsson, fram-
kvæmdastjóri alþjóða- og markaðs-
sviðs Seðlabankans, í samtali við
Morgunblaðið, spurður um viðbrögð
við frétt breska blaðsins Sunday
Telegraph frá í gær, þess efnis að
IMF gæti þurft að koma Íslandi til
bjargar ef allt færi á versta veg í
efnahagsmálum hér á landi.
„Hlutverki sjóðsins er þannig
háttað að hann kemur ekki inn
nema allt sé farið í kalda kol. Við-
komandi land færi þá inn í sérstaka
aðgerðaáætlun á grundvelli
strangra skilyrða. Lönd eru komin í
verulega vond mál ef þau þurfa að
leita til Alþjóða-gjaldeyrissjóðsins.
Það er algjörlega óraunhæft að við
þurfum að fara þessa leið og gera
samninga við sjóðinn. Staða okkar
er þröng en fjarri því að efnahags-
kerfið sé hrunið, sem er nánast for-
senda fyrir aðkomu sjóðsins,“ segir
Sturla.
IMF hefur skort hlutverk
Hann er ásamt bankastjóra frá
Seðlabankanum á leið á árlegan
vorfund sjóðsins í Washington í vik-
unni og hefur ekki orðið var við um-
ræðu eða tillögur um breytt hlut-
verk IMF vegna lausafjár-
kreppunnar á alþjóðamörkuðum,
eins og gefið er í skyn í frétt
Sunday Telegraph.
Sturla segir að vissulega hafi
IMF skort ákveðið hlutverk í góð-
æri síðustu ára á alþjóðamörkuðum.
Lítið hafi verið um útlán og eft-
irspurn lítil eftir lánum til þróun-
arlanda og nýmarkaðsríkja.
Sturla bendir á að í ljósi aukinna
fjármálahreyfinga hafi sjóðurinn á
undanförnum árum hins vegar horft
í auknum mæli á áhrif fjármála-
markaða á efnahag heimsins í sínu
eftirlitshlutverki.
Í frétt breska blaðsins er enn
fjallað um nýlega stýrivaxtahækkun
Seðlabanka Íslands og hún sögð
vera neyðaraðgerð þar sem íslenska
hagkerfið sé nú þegar illa statt.
Síðasti valkostur að
fá aðstoð frá IMF
Morgunblaðið/Kristinn
IMF Alþjóða gjaldeyrissjóðurinn tekur íslenska efnahagslífið reglulega út
og sérfræðingar sjóðsins kynna hér niðurstöður sínar nýlega á fundi.
Í HNOTSKURN
»Ísland á ásamt 184 öðrumríkjum heims aðild að Al-
þjóðagjaldeyrissjóðnum.
»Árlegur vorfundur fer fram ívikunni í Washington.
» Í frétt Sunday Telegraph erbent á að IMF hafi síðast grip-
ið inn í árið 1976 þegar breska
pundið hrundi tímabundið.
FLAGA tapaði 12,6 milljónum dala,
um 939 milljónum króna, á árinu
2007, samanborið við 690 þúsund
dala tap árið áður. Þar af var 11,5
milljóna dala tap á síðasta fjórðungi
ársins, en árið áður var hagnaður
sama tímabils 662 þúsund dalir.
Tekjur yfir árið jukust um 2% og
námu 33,2 milljónum dala, en hagn-
aður fyrir afskriftir (EBIDTA) nam
127 þúsundum dala, samanborið við
milljón dali árið 2006.
Heildareignir félagsins í árslok
námu 47,9 milljónum dala og var
hlutfall eigin fjár 57%. Veltufé til
rekstrar nam 1,2 milljónum dala.
Í tilkynningu frá Flögu segir að fé-
lagið hafi stigið framfaraskref á
árinu þrátt fyrir ófullnægjandi sölu.
Tekjur hafi verið undir væntingum
og því hafi stjórnin tilkynnt virðis-
rýrnun viðskiptavildar. Sveiflur séu
áfram fyrirsjáanlegar í náinni fram-
tíð félagsins, en „það er staðföst trú
yfirstjórnar Flögu Group að lang-
tímahorfur félagsins séu traustar.“
Aðalfundur Flögu fer fram 17.
apríl næstkomandi, þar sem m.a.
liggur fyrir tillaga um útgáfu nýs
hlutafjár með mögulegri breytingu
víkjandi skuldabréfa í hlutabréf. Þá
verða kynntar hugmyndir stjórnar
um áframhaldandi skráningu félags-
ins í kauphöll.
Í framboði til stjórnar eru Bogi
Pálsson, Eggert Dagbjartsson, Er-
lendur Hjaltason, Hákon Sigurhans-
son og Hildur Árnadóttir. Í vara-
stjórn bjóða sig fram þeir Helgi
Jóhannesson og Sveinn Þór Stefáns-
son.
Tap Flögu Group
um 900 milljónir
Morgunblaðið/Ásdís
LANDVINNINGAR íslenskrar
verslunar er yfirskrift ársfundar Út-
flutningsráðs, sem fram fer í dag á
Grand hóteli á milli kl. 15-17.
Meðal ræðumanna á ársfundinum
er Lars Egenäs, endurskoðandi og
einn eigenda Deloitte í Svíþjóð, en
þar hefur hann starfað í nær 30 ár og
veitt ráðgjöf til fyrirtækja á neyt-
endamarkaði, einkum á sviði bók-
halds og fjármála. Hefur hann kynnt
sér ítarlega stöðu smásöluverslunar
á Norðurlöndunum og er m.a. aðal-
höfundur skýrslunnar Nordic Pow-
ers of Retailing 2007.
Aðrir sem flytja ávörp á ársfund-
inum eru Valur Valsson, stjórnarfor-
maður Útflutningsráðs, Ingibjörg
Sólrún Gísladóttir utanríkisráð-
herra, Gunnar Sigurðsson, forstjóri
Baugs, og Lárus Jóhannesson,
stofnandi og annar eigandi 12 Tóna.
Samkvæmt upplýsingum frá Út-
flutningsráði verður á fundinum
varpað ljósi á þróun útrásar ís-
lenskrar smásöluverslunar. Lars
mun m.a. kynna fyrrnefnda skýrslu
en í henni kemur fram að Baugur er
þriðja stærsta smásölufyrirtæki
Norðurlanda og hefur vaxið hraðar á
liðnum fimm árum en nokkurt annað
fyrirtæki á sama markaði.
Útrás íslenskrar
verslunar krufin
● FÉLAG í eigu Ómars Benedikts-
sonar, varaformanns stjórnar
Icelandair Group, Sandview Capital,
seldi fyrir helgi 5,65 milljónir hluta í
Icelandair á genginu 24,6. Söluvirði
viðskiptanna er því um 139 milljónir
króna. Eftir þau á Sandview 55,5
milljónir hluta í félaginu, eða um
5,5% af heildarhlutafé.
Ómar Ben seldi í
Icelandair Group
● KAUPÞING býður nú upp á innlána-
reikninga sína Kaupthing Edge í sex
löndum og brátt bætist það sjöunda
við. Alls geta nú um 170 milljónir Evr-
ópubúa lagt inn á reikninga bankans
en í árslok er stefnt á að um 380
milljónir manna geti orðið við-
skiptavinir Kaupþings. Þetta kemur
fram í frétt sænsku fréttaþjónust-
unnar Direkt en þar er haft eftir Pet-
er Borsos, upplýsingafulltrúa Kaup-
þings í Svíþjóð, að í mars hafi
Kaupþing opnað Edge í Þýskalandi í
mars og stefni á að opna innlánalín-
una í Danmörku næst.
Fyrir áramót opnaði Kaupþing
Edge línu sína í Finnlandi og Svíþjóð
en í janúar bættust Noregur og
Belgía í hópinn og í febrúar Bretland.
Kaupþing opnar Edge-
reikning í Þýskalandi
● BRESKA blaðið
Sunday Times
birtir leiðréttingu
í gær á frétt sinni
fyrir viku, þess
efnis að breskir
sparifjáreigendur
hefðu tekið út peninga sína í stórum
stíl af innlánsreikningum Kaupþings
og Landsbankans í Bretlandi eftir að
stýrivextir voru hækkaðir á Íslandi í
15%. Leiðréttingin snýr að reikningi
Kaupþings, Kaupthing Edge, en
bankinn fór fram á hana, en eftir því
sem næst verður komist óskaði
Landsbankinn ekki eftir leiðréttingu,
þó að bankinn hefði talið fréttina
fjarri raunveruleikanum. Bentu
Kaupþingsmenn á að sú vika sem
blaðið hefði vísað til hefði verið sú
besta í Bretlandi, aldrei fleiri hefðu
opnað reikning á einni viku.
Sunday Times birtir
leiðréttingu
ÞETTA HELST ...