Morgunblaðið - 24.08.2008, Blaðsíða 46

Þetta er bara eins og
mjólkurauglýsing, belj-
ur og blár himinn … 47
»
reykjavíkreykjavík
„BERGÞÓRA hefði orðið sextug á þessu ári,“
segir Eyfi hugsi og hefur svo gang niður traðir
tímans. „Ég kynntist Bergþóru árið 1980, þá
ekki orðinn tvítugur. Það var svo merkilegt að í
miðju pönkfári hittist hópur fólks reglulega á
Borginni til að spila vísnatónlist. Bubbi þar á
meðal. Fljótlega varð til hljómsveitin Hálft í
hvoru, skipuð mér, Inga Þór, Gísla Helga, Aðal-
steini Ásberg, Örvari Aðalsteins og Bergþóru.“
Hálft í hvoru gaf út nokkrar plötur og lék á
tónleikum víða um land og einnig í Skandinavíu.
„Ég kynntist Bergþóru mjög vel á þessum ár-
um. Við fórum t.d. hringinn í kringum landið ár-
in 1981 og 1982 til að kynna plöturnar Heyrðu
og Almannarómur. Í síðara skiptið spiluðum við
á vinnustöðum um daginn sem gerði það að
verkum að það var allt fullt á tónleikunum um
kvöldið!“
Bergþóra sagði skilið við sveitina haustið
1982 til að hleypa sólóferli af stokkum. Hann
átti eftir að reynast gifturíkur og Bergþóra varð
fljótlega að „nafni“ í íslensku tónlistarlífi.
„Leiðir skildust þarna en við héldum alltaf
sambandi. Ég kíkti til hennar í kaffi á Skóla-
vörðustíginn og við rifumst um pólitík og hlóg-
um saman. Við höfðum svipaða kímnigáfu og
það var taug á milli okkar.“
Haldið á lofti
Eyjólfur aðstoðaði Bergþóru eftir kostum á
ferli hennar og fór m.a. í ævintýralegt tónleika-
ferðalag með henni árið 1984, en þá brast á alls-
herjarverkfall í landinu.
„Við fórum hringinn í kringum landið á bíln-
um hennar Bergþóru, Lada 1500. Við gátum
ekki hringt heim út af verkfallinu og lifðum á
þremur harðfiskpokum. Bíllinn bilaði síðan á
Akranesi. Maður sá til Reykjavíkur og ég var
orðinn svo lúinn og pirraður eftir tveggja vikna
volk að ég barði af öllum kröftum í þak bílsins
og skildi þar eftir lófafar!“
Bergþóra átti síðan eftir að flytja til Dan-
merkur og fundir urðu stopulir en því gleðilegri.
„Við andlátið kviknaði hugmyndin að þessari
plötu. Málið er að ég alltaf haldið alveg sér-
staklega upp á Bergþóru sem lagahöfund og
fannst eins og ég þyrfti að gera eitthvað fyrir
þessi lög hennar og halda nafni hennar á lofti.
Ég og fyrrverandi eiginmaður Bergþóru, Þor-
valdur Ingi Jónsson, fórum til Spánar með öll
lögin hennar, ca. 110 lög, og völdum úr tólf
stykki.“
Eyjólfur hefur verið að nostra við plötuna síð-
an en ásamt honum syngja á plötunni þau Guð-
rún Gunnarsdóttir, Stefán Hilmarsson, Björg-
vin Halldórsson, Ragnheiður Gröndal, Páll
Óskar Hjálmtýsson, Ellen Kristjánsdóttir,
Edgar Smári, Erna Hrönn Ólafsdóttir, Anna
Hlín Stefánsdóttir og Egill Ólafsson.
Lögin opnuð
Eyjólfur segist setja „sitt“ mark á lögin, eðli-
lega.
„Það var skringilegt að mæta í hljóðver með
tilbúin lög og texta. Ég hef aldrei upplifað það
áður á ferlinum. Mig langaði til að halda aðeins í
stíl Bergþóru, þannig að ég spila mikið af kassa-
gíturum þarna. En svo poppa ég þetta dálítið
upp, „moog“ og aðrir hljóðgervlar leysa þver-
og blokkflautur af. Ég reyndi að opna lögin svo-
lítið, set mikið af röddum á, sem er eiginlega
mitt skrásetta vörumerki (hlær). En lögin,
hljómagangurinn og slíkt, standa en mig langaði
fyrst og fremst til að leiða þjóðina í sannleikann
um það hvað Bergþóra var merkilegur lagahöf-
undur.“
En hvaða skýringar getur Eyfi gefið á því að
nafn Bergþóru lifir enn með tónlistar-
áhugamönnum.
„Bergþóra var eiginlega „júník“. Það voru
ekki margir kventrúbadúrar sem störfuðu af
viðlíka krafti. Söngröddin var hrjúf, sterk … og
mikill karakter í henni. Þú veist um leið að þetta
er Bergþóra þegar þú heyrir lag með henni.“
Eyfi mun hugsanlega kynna efnið betur á
tónleikum og segist vera að hugsa um Hafn-
arborg í Hafnarfirði sem vettvang undir það en
Eyfi er Hafnfirðingur í húð og hár. Þá er hann
með margt á prjónunum næstu misseri og ár
reyndar.
„Það er nóg að gera í söngnum, þetta rúllar
ansi stöðugt. Svo eru ýmsar hugmyndir í gangi.
Ég ætla að vinna eitthvað meira með þessa
Eagles-heiðrunartónleika sem ég hef verið að
setja upp og svo er ákveðið verkefni í Eyjum
sem er að fara í gang. Ég er þá búinn að panta
nýja tónlistarhúsið við höfnina þann 16. apríl,
2011, en þá ætla ég að fagna fimmtugsafmælinu.
Ég ætla gera sólóplötu 2009 eða 2010 og svo
getur vel verið að ég og Stefán Hilmarsson vin-
ur minn hendum í aðra ábreiðuplötu. Það var
ótrúlega gaman að gera þessa fyrstu (Nokkrar
notalegar ábreiður, 2006).“
Þess má að lokum geta að á þessu ári kom út
box með öllum upprunalegu plötum Bergþóru.
Sýnir kemur út nú eftir helgi.
Morgunblaðið/Ómar
„Hrjúf, sterk … og mikill karakter“
Vísnasöngkonan góðkunna
Bergþóra Árnadóttir lést úr
krabbameini fyrir rúmu ári.
Vinur hennar og samstarfs-
maður, Eyjólfur „Eyfi“ Krist-
jánsson, hefur unnið plötuna
Sýnir til að heiðra minningu
hennar en til liðs við sig fékk
hann marga af helstu söngvurum landsins. „Bergþóra var al-
veg einstök kona,“ segir Eyfi í samtali við Arnar Eggert
Thoroddsen. „Og frábær lagasmiður líka. Þeirri staðreynd vil
ég halda á lofti.“
Góðir vinir Bergþóra Árnadóttir og Eyfi.
arnart@mbl.is