Morgunblaðið - 26.08.2008, Blaðsíða 2
2 ÞRIÐJUDAGUR 26. ÁGÚST 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf Anna Sigríður Einarsdóttir,
annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson,
Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Viltu gerast ferðaráðgjafi?
Ferðamálaskóli Íslands er eini skólinn hér á landi sem býður upp á
alþjóðlegt nám frá IATA/UFTAA, sem eru alþjóðleg samtök flugfélaga
og ferðaskrifstofa, og útskrifar skólinn á hverju ári „ferðaráðgjafa“ til
starfa hjá flugfélögum, ferðaskrifstofum og við aðra ferðaþjónustu.
Með aukningu ferðamanna hefur þörfin eftir fólki með slíka menntun
aldrei verið meiri. Flestir, sem útskrifuðust í vor, fengu starf innan
ferðaþjónustunnar að loknu námi. www.menntun.is
Eftir Örlyg Stein Sigurjónsson
orsi@mbl.is
SLYSADEILD Landspítalans í
Fossvogi fylltist á laugardag í kjöl-
far Reykjavíkurmaraþons vegna
hlaupara sem þurftu aðhlynningu
vegna ofreynslu. Að sögn læknis
virðist sem hlauparar hafi ekki verið
nægilega vel undirbúnir fyrir hlaup-
ið en ekki fylgir sögunni í hvaða
vegalengdum sjúklingarnir heltust
úr lestinni.
Saga hlaupara nokkurs sem tók
þátt í hálfmaraþoni er fremur döpur.
Hlauparinn segist nú átta sig á
hvaða mistök hann gerði sem ollu
því að hann hné niður þegar stutt
var eftir – og rankaði við sér á spít-
ala.
„Ég gerði þau mistök að hefja
endasprettinn of snemma og var
kominn á töluverðan hraða. Við það
kláruðust orkubirgðirnar en engu að
síður hélt ég áfram að hlaupa, nán-
ast sjálfvirkt. En þetta endaði með
því að ég féll í yfirlið og datt í götuna
á síðasta kílómetranum. Sem betur
fer slasaði ég mig ekki í fallinu og
slapp með hrufl. Það vildi líka svo
vel til að maður nokkur sá óhappið
og fór að stumra yfir mér áður en ég
var fluttur á spítala. Meðferðin þar
gekk út á að dæla vökva í mig og sól-
arhring síðar hafði ég jafnað mig.“
Hlauparinn telst ekki nýgræð-
ingur í langhlaupum því hann hljóp
hálfmaraþon árið 2006 og hefur æft
allt upp í 17-18 km hlaup með reglu-
legu millibili á þessu ári. „Reyndar
riðluðust æfingarnar hjá mér nú síð-
sumars og í þokkabót svaf ég illa
nóttina fyrir hlaupið,“ bendir hann á.
„En trúlega hefur þetta óhapp or-
sakast fyrst og fremst af því að ég
misreiknaði mig á endasprettinum.“
Féll í yfirlið á síðasta kílómetranum
Hlauparar í Reykjavíkurmaraþoninu
þurftu aðhlynningu á sjúkrahúsi
Morgunblaðið/Golli
Reykjavíkurmaraþon Sumir hlauparar virtust ekki nógu vel undirbúnir.
Eftir Örlyg Stein Sigurjónsson
orsi@mbl.is
„SAMKVÆMT nýlegum ákvæðum í
umferðarlögum getum við í alvarlegri
málum beitt því úrræði að leggja hald
á bíla sem notaðir hafa verið í glæfra-
akstri,“ segir Kristján Óli Guðnason
aðstoðaryfirlögregluþjónn um
glæfraakstur sportbíls á skólalóð
Austurbæjarskóla í gær. Ökumað-
urinn og farþegi hans voru hand-
teknir og yfirheyrðir auk þess sem
bíllinn var tekinn af þeim. Bílinn var
óskoðaður og segir lögreglan að fyrir
nokkru hafi hún boðað bílinn í skoðun
án þess að því væri sinnt. Þegar lög-
reglan tók bílinn í gær voru númerin
því fljótlega klippt af honum og er
hann nú í vörslu lögreglunnar.
„Lögreglan þarf að meta hvert mál
fyrir sig en það atvik sem hér um
ræðir er sérstakt að því leyti að til er
myndbandsupptaka af brotinu,“
bendir Kristján Óli á. Umrædd upp-
taka var gerð af blaðamönnun vef-
varps mbl.is þegar þeir voru í frétta-
ferð í miðbænum í gær. Málið tók
alvarlegri stefnu þegar lögreglan
hafði séð myndbandið.
Málið er enn í rannsókn en nú þeg-
ar eru sakarefnin að skýrast að sögn
lögreglunnar. Pilturinn er grunaður
um brot á umferðarlögum, svo sem að
hafa ekki sýnt nægjanlega aðgát við
akstur, hraðakstur og akstur undir
áhrifum fíkniefna. Þá er hann grun-
aður um að hafa með akstrinum gerst
sekur um brot gegn hegningarlögum
með því að stefna lífi eða heilsu ann-
arra í háska. Við slíkum brotum ligg-
ur allt að 4 ára fangelsi. Í bílnum
fundust þá fíkniefni og er pilturinn
grunaður um að eiga þau. Hann hefur
komið við sögu lögreglunnar áður
vegna minniháttar mála. Næstu skref
í málinu verða að líkindum þau að lög-
reglan mun ljúka rannsókninni og af-
henda ákæruvaldinu niðurstöðurnar.
Ákæruvaldið mun síðan skoða málið
og ákveða hvort pilturinn verður
ákærður og krafist refsingar yfir
honum svo og hvort krafist verður
upptöku bílsins fyrir dómi.
Sakarefnin varða
allt að 4 ára fangelsi
Í HNOTSKURN
»Í 23. kafla hegningarlagasem fjallar um manndráp
og líkamsmeiðingar segir að
sá sem í ábataskyni, af gáska
eða á annan ófyrirleitinn hátt
stofnar lífi eða heilsu annarra
í augljósan háska skuli sæta
allt að 4 ára fangelsi.
ÍSLAND mun senda skáksveit á al-
þjóðlegu ólympíuleikana í hugar-
íþróttum til að tefla atskák. Einnig
keppa samtals sex pör í brids á leik-
unum, þrjú í opnum flokki og þrjú í
flokki yngri en 28 ára. Leikarnir
hefjast þriðja október í Peking og
lýkur hinn átjánda.
Þetta er í fyrsta sinn sem ólymp-
íuleikar í hugaríþróttum eru haldn-
ir en að þeim stendur Alþjóðlega
hugaríþróttasambandið. Á leik-
unum er auk brids og skákar leikið
damm, gó og xiangqi, sem er einnig
þekkt sem kínversk skák.
Aðalsteinn Jörgensen er einn
liðsmanna íslensku bridssveit-
arinnar í opnum flokki. Leikarnir
leggjast vel í hann og segir hann
mótið áhugavert að þessu sinni þar
sem sveitirnar séu mjög mis-
sterkar. Íslensku sveitina segir
hann nokkuð sterka en árangur Ís-
lendinga á undanförnum ólympíu-
mótum hefur verið með ágætum og
telur hann það vera gott veganesti.
„Þegar þessu er slegið svona
saman þá nýtur bridsinn kannski
góðs af því,“ segir Aðalsteinn um
hið nýja fyrirkomulag en hann
reiknar með að keppnin í brids
verði með svipuðu sniði og áður.
skulias@mbl.is
Íslendingar
keppa í hug-
aríþróttum
„Ef orkubirgðir líkamans klár-
ast byrjar hann að brjóta niður
vöðva og þá kemst líkams-
starfsemin í algert uppnám.
Þetta sýnir manni að það er
vissara að undirbúa sig betur
og ætla sér ekki um of,“ segir
hlauparinn sem endaði á spít-
ala þegar aðeins einn kílómetri
var eftir af hálfmaraþoninu hjá
honum á laugardaginn. Hann
segist heppinn að hafa ekki
stórslasað sig er hann datt í
götuna svo gott sem meðvit-
undarlaus og ófær um að verja
sig falli á grjóthörðu malbik-
inu.
Líkami í uppnámi
Í HVALEYRARSKÓLA var í gærkvöldi haldinn
íbúafundur vegna fyrirhugaðrar tengingar
Reykjanesbrautar og Krýsuvíkurvegar við Suð-
urbraut. Fundurinn var vel sóttur en deiliskipu-
lagið hefur sætt töluverðri gagnrýni þar sem því
er haldið fram að umferð um Suðurbraut muni
stóraukast. Við götuna standa Hvaleyrarskóli og
tveir leikskólar og telja andstæðingar breyting-
anna að þær muni rýra öryggi barna sem fara
um svæðið. Íbúar tóku margir hverjir til máls og
voru skiptar skoðanir á málinu.
Formaður skipulags- og byggingaráðs Hafn-
arfjarðar segir að umferð um Suðurgötu muni
ekki aukast heldur minnka samkvæmt umferð-
arlíkani. Bílum sem fara um götuna muni fækka
úr 1.100 á dag í 600. Lúðvík Geirsson bæjarstjóri
sagði á fundinum að ef það gengi ekki eftir yrði
tengingin fjarlægð. | 9
Morgunblaðið/G. Rúnar
Tengingin fjarlægð ef umferð minnkar ekki