Morgunblaðið - 26.08.2008, Blaðsíða 9
MORGUNBLAÐIÐ ÞRIÐJUDAGUR 26. ÁGÚST 2008 9
Eftir Guðna Einarsson
gudni@mbl.is
DEILISKIPULAG vegna breikk-
unar Reykjanesbrautar, sem m.a.
gerir ráð fyrir tengingu Reykjanes-
brautar, Krýsuvíkurvegar og Suður-
brautar, er á dagskrá fundar Skipu-
lags- og byggingaráðs Hafnarfjarð-
arbæjar í dag. Gera má ráð fyrir að
málið verði þá afgreitt til bæjar-
stjórnar sem væntanlega tekur það
fyrir á fundi 2. september nk. Þá
mega þeir sem gerðu athugasemdir
við tillöguna vænta svara.
Gísli Ó. Valdimarsson, formaður
Skipulags- og byggingaráðs Hafnar-
fjarðarbæjar, sagði það rétt að at-
hugasemdunum hefði ekki enn verið
svarað. Skipulagsbreytingin var aug-
lýst 31. janúar sl. og athuga-
semdafrestur var til 13. mars. Sagði
Gísli málið í eðlilegum farvegi skipu-
lagsferlis. „Þegar koma athugasemd-
ir við auglýsta deiliskipulagstillögu
eru athugasemdir teknar saman og
þeim svarað. Svörin eru síðan fyrst
send út þegar sveitarstjórn hefur
staðfest nýtt deiliskipulag,“ sagði
Gísli.
Skipulagsstofnun lagði til við Hafn-
arfjarðarbæ í matsferli umhverf-
ismats framkvæmdarinnar að áhrif
breytingar á umferð um Suðurbraut,
sem Hvaleyrarskóli stendur við, yrðu
skoðuð sérstaklega. Gísli sagði að í
framhaldi af því hefði Hafnarfjarð-
arbær gert tillögu um að lækka leyfð-
an hámarkshraða um Suðurbraut úr
50 km í 30 km, setja upp hraðahindr-
anir og rafræn hraðaskilti. Nú er 50
km hámarkshraði á götunni.
Gísli sagði að samkvæmt umferð-
armælingu færu nú 1.100 bílar um
Suðurbraut framhjá Hvaleyrarskóla
dag hvern og umferðarlíkan sýndi að
umferð framhjá skólanum færi niður
í 600 bíla á dag yrði opnað að Reykja-
nesbraut og settur 30 km hámarks-
hraði. Íbúar sunnan við skólann
myndu þá leita í meiri mæli beint út á
Reykjanesbraut í stað þess að aka
framhjá skólanum.
Takmarkanir á Suðurbraut
Sama líkan gerir ráð fyrir því að
verði gatan opnuð að Reykjanesbraut
og hraðinn áfram 50 km aukist um-
ferð framhjá skólanum í 3.700 bíla á
dag. „Það er alveg á hreinu að við för-
um í 30 km hámarkshraða og þunga-
takmarkanir á Suðurbraut,“ sagði
Gísli.
Á árum áður var opin akstursleið
milli Krýsuvíkurvegar og Hvaleyr-
arholts. Þessari leið var lokað fyrir
mörgum árum en aðalskipulag hefur
alltaf gert ráð fyrir að tenging opnist
aftur með nýjum gatnamótum. Gísli
sagði að nýja vegartengingin myndi
opna íbúum á Hvaleyrarholti nýja
leið að og frá hverfinu. Eins myndu
þeir fá greiðari aðgang að Völlunum.
Auk mikillar byggðar eru þar einnig
verslanir, íþróttamannvirki, ný sund-
laug og væntanleg ný kirkja.
Minni umferð eftir opnun
Umferðarlíkan segir að umferð um Suðurbraut í Hafnarfirði minnki úr 1.100 bílum
á dag, eins og nú er, í 600 bíla verði hámarkshraði lækkaður í 30 km/klst.
!
" #
$%
ÚTSALA
Enn meiri verðlækkun
Minnst 50% afsl.
Eddufelli 2 Bæjarlind 6
sími 557 1730 sími 554 7030
Opið mánud.-föstud. 10-18
Opið laugard. í Bæjarlind 10-15
Leggings í svörtu og silfruðu
Verðhrun á útsölu í Eddufelli
Laugavegi 53, s. 552 1555
TÍSKUVAL
Opið virka daga kl. 10-18, lau. kl. 11-16
Ný sending
Buxur frá ROBELL - 3 litir
- Léttar peysur frá WICO
Laugavegi 63 • S: 551 4422
GLÆSILEGAR
HETTUKÁPUR
Eftir Hjálmar Stefán Brynjólfsson
hsb@mbl.is
SÍÐASTLIÐIÐ vor voru ný lög um
framhaldsskóla samþykkt á Alþingi
en þau fela í sér ýmsar breytingar á
fyrri lögum. Í Menntaskólanum á
Akureyri fer fram vinna í vetur við
að innleiða lögin, líkt og í öðrum
skólum á landinu:
„Með nýju lögunum skapast tæki-
færi til að sjá samhengi skólanna og
skólastiganna í nýju ljósi,“ segir Jón
Már Héðinsson, skólameistari MA.
„Þau gefa okkur færi til að spyrja
spurninga um það hvernig við getum
nýtt lögin til jákvæðra hátta. Það
kann að leiða til að við sjáum að það
sem við höfum verið að gera sé gott.
Það getur líka leitt til að við sjáum að
við ynnum farsælla starf fyrir nem-
endur ef við lítum starfið í öðru ljósi
en við höfum gert.“
Fyrir utan endurskoðun á starfs-
háttum skólanna felast í lögunum
áþreifanlegar breytingar á skóla-
starfinu að mati Jóns Más: „Bara
það eitt að í nýjum lögum kemur orð-
ið „nemandi“ fyrir mörgum sinnum
oftar en í gömlu lögunum gefur
ákveðnar vísbendingar um þær
breytingar. Til dæmis segir í sam-
bandi við námsmat að hér eftir verði
námseiningin hugsuð út frá vinnu
nemandans, þannig að tíminn sem
hann notar til vinnu verður lögð til
grundvallar við skilgreiningar á
námseiningum.“
„Allir komi að breytingunum“
Jón Már bendir einnig á að með
nýjum lögum lengist skólahaldið um
fimm daga, auk þess sem lögin fela í
sér svigrúm fyrir skólana hvað
snertir námsmat. Það kann t.d. að
leiða til breytinga hvað snertir próf
og prófhald.
Fyrst og fremst liggur þó fyrir að
innleiðing laganna felur í sér vinnu
sem verður innt af hendi í vetur:
„Þær breytingar sem munu eiga
sér stað gerast ekki af sjálfu sér. Hér
í MA munu allir koma að þeim breyt-
ingum og við sjáum fyrir okkur að
þetta verði unnið sem samstarfs-
verkefni. Allar ákvarðanir verða
bornar undir kennarafundi, þannig
að við náum sameiginlegri sýn og
lendingu í málinu.
Við höfum áhuga á að vera for-
ystusveit í því að ræða þetta og gera
tilraunir hjá okkur hvað þetta varð-
ar, með menntamálaráðuneytinu.
Við viljum vera í þeim hópi sem stíg-
ur fyrstu skrefin við að innleiða ný
lög og nýja námskrá. Það er sýn okk-
ar og stefna.“
Námseiningin endur-
skilgreind í vetur
Morgunblaðið/Hjálmar S. Brynjólfsson
Breytingar „Með nýju lögunum skapast tækifæri,“ segir Jón Már.
„Höfum áhuga
á að vera í
forystusveit og
gera tilraunir“