Morgunblaðið - 26.08.2008, Blaðsíða 15

MORGUNBLAÐIÐ ÞRIÐJUDAGUR 26. ÁGÚST 2008 15
ERLENT
FRÉTTASKÝRING
Eftir Jóhönnu Maríu Vilhelmsdóttur
jmv@mbl.is
YFIR 50.000 gestir hafa flykkst til
Denver til flokksþings bandaríska
Demókrataflokksins sem hófst í gær
og stendur fram á fimmtudag. Á
þinginu munu flokksfulltrúar demó-
krata staðfesta útnefningu Baracks
Obama sem forsetaefnis flokksins.
Flokksþingið er talið gríðarlega
mikilvægur vettvangur fyrir Obama
til að bæta stöðu sína og skýra helstu
áhersluatriði og málaflokka fyrir
áframhald baráttunnar gegn repú-
blikanum John McCain fyrir forseta-
kosningar í nóvember.
Frambjóðendur beggja flokka munu
reyna að ná óákveðnum almennum
kjósendum á sitt band á flokksþing-
unum, en stór hluti bandarískra
kjósenda byrjar fyrst að fylgjast með
framboðsmálum í gegnum fréttir af
þingunum. Samkvæmt nýrri könnun
ABC og Washington Post sögðu
tveir þriðju hlutar kjósenda að
flokksþingin yrðu þeim mikilvæg
hjálpartæki við ákvarðanatökuna.
Stuðningsmenn Hillary ósáttir
Mikill fjöldi stuðningsmanna
Hillary Clinton hefur ekki enn snúist
á sveif með Obama en barátta þeirra
um útnefningu var löng og jöfn.
Fjöldi stuðningsmanna Clinton virð-
ist ósáttur og segir að hún hafi verið
sniðgengin þegar Obama íhugaði
möguleg varaforsetaefni og valdi að
lokum Joseph Biden.
Samkvæmt nýrri könnun Gallup
og USA Today sögðust 47% stuðn-
ingsmanna Clinton styðja Obama
heilshugar, 23% sögðust hins vegar
styðja hann en gætu skipt um skoð-
un fyrir kosningar. Enn hyggjast
30% stuðningsmanna Hillary Clinton
styðja repúblikanann John McCain,
einhvern annan frambjóðanda, eða
jafnvel alls engan. Ólíklegt þykir að
Obama nái að vinna svo stóran hluta
stuðningsmanna Hillary Clinton á
sitt band fljótlega. Clinton, sem held-
ur ræðu á þinginu í kvöld, er sögð
munu hitta stuðningsmenn sína úr
röðum flokksfulltrúanna á miðviku-
dag. Þar muni hún sleppa takinu af
stuðningsmönnum sínum, hvetja þá
til að styðja Obama og staðfesta út-
nefningu hans þá um kvöldið.
Obama býr sig undir
harðnandi baráttu
Reuters
Á ferð og flugi Obama mun gera hlé á ferðalögum sínum til að taka við út-
nefningu Demókrataflokksins og ávarpa flokksþingið á fimmtudagskvöld.
KAÞÓLSKUR
prestur á Ítalíu
segist vera að
skipuleggja
fyrstu fegurðar-
samkeppni
nunna í heim-
inum.
Presturinn
Antonio Rungi
segir að sam-
keppnin eigi að
hefjast á vefsetri hans í september.
Hann hefur beðið nunnur að senda
myndir af sér og segir að netverjar
eigi að velja sigurvegarann.
„Nunnur eru fyrst og fremst kon-
ur og fegurð er gjöf frá Guði,“
hafði ítalska dagblaðið Corriere
della Sera eftir klerkinum. Hann
lagði áherslu á að ekki væri ætlast
til þess að nunnurnar væru í baðföt-
um. bogi@mbl.is
Fegurðarsam-
keppni nunna
skipulögð
Fengu fegurðina
að gjöf frá Guði.
Eftir Boga Þór Arason
bogi@mbl.is
SAMSTEYPUSTJÓRN Pakistans
sprakk í gær þegar flokkur Nawaz
Sharifs, fyrrverandi forsætisráð-
herra, gekk úr stjórninni vegna
ágreinings um hvenær skipa ætti að
nýju 60 dómara sem Pervez Mushar-
raf, fyrrverandi forseti, vék frá.
Flokkur Sharifs, næststærsti
stjórnmálaflokkur landsins, hafði
gefið stjórninni frest, sem rann út í
gær, til að skipa dómarana að nýju.
Þjóðarflokkur Pakistans, stærsti
flokkur landsins, sagði hins vegar að
ekki væri hægt að gera það strax
vegna ýmissa „hindrana“ en áréttaði
að hann hygðist standa við það loforð
sitt að skipa dómarana að nýju.
Flokkurinn er nú undir forystu Asifs
Zardaris, ekkils Benazir Bhutto,
fyrrverandi forsætisráðherra Pak-
istans, sem var myrt í desember.
Stjórnin getur haldið velli
Þjóðarflokkur Pakistans óttast að
verði allir dómararnir skipaðir í
dómstólana að nýju kunni þeir að
ógilda sakaruppgjöf sem greiddi fyr-
ir því að Zardari og Bhutto sneru aft-
ur til Pakistans úr útlegð í fyrra. Það
gæti síðan orðið til þess að Zardari
yrði sóttur til saka fyrir spillingu.
Þjóðarflokkur Pakistans er með
nógu marga bandamenn á þinginu til
að stjórnin geti haldið velli án flokks
Sharifs. Nokkrir stjórnmálaskýr-
endur sögðu þó að erfitt yrði fyrir
Þjóðarflokkinn að stjórna landinu
með Sharif í stjórnarandstöðu.
Aðrir töldu að brotthvarf flokks
Sharifs úr stjórninni þýddi að Þjóð-
arflokkur Pakistans gæti treyst sig í
sessi sem valdaflokkur og einbeitt
sér að því að takast á við vandamálin,
svo sem efnahagslægð og hættuna
sem stafar af íslömskum ofstækisöfl-
um. Nær 100 manns biðu bana í
sprengjutilræðum talibana í vikunni
sem leið.
Deila um dómara sprengdi
samsteypustjórn Pakistans
Ekkill Bhutto tregur til að skipa dómara að nýju af ótta við að hann verði saksóttur
Í HNOTSKURN
» Flokkur Nawaz Sharifshefur valið fyrrverandi
forseta hæstaréttar Pakistans
sem forsetaefni sitt í kosning-
um á þingi landsins og héraðs-
þingum 6. september.
» Áður hafði Þjóðarflokk-urinn tilkynnt að Zardari,
leiðtogi hans, yrði í framboði í
kosningunum. Flokkarnir
höfðu samþykkt að minnka
völd forsetans.
RÚSSNESKA þingið samþykkti í
gær tillögu um að viðurkenna sjálf-
stæði Georgíuhéraðanna Suður-
Ossetíu og Abkasíu. Niðurstaðan
telst þó ekki lögfest fyrr en Dimítrí
Medvedev Rússlandsforseti hefur
staðfest hana. Staðfesti forsetinn til-
löguna verður Rússland fyrsti með-
limur SÞ til að viðurkenna sjálfstæði
héraðanna.
Mikhail Saakashvili, forseti
Georgíu, brást við samþykkt rúss-
neska þingsins með því að segja
hernað Rússa í Georgíu ólöglegan:
„Hann er ekki hægt að réttlæta
fremur en innrás Stalíns í Finnland
eða hernám nasista í Evrópu.“
Leiðtogar Abkasíu og Suður-
Ossetíu ávörpuðu
þingið áður en
kosningin fór
fram og hvöttu
þingmenn til að
styðja tillöguna.
„Þetta er sögu-
legur dagur fyrir
Abkasíu […] og
Suður-Ossetíu,“
sagði Bagapsh,
leiðtogi Abkasíu
og bætti við að Abkasía yrði aldrei
aftur hluti af Georgíu.
Medvedev hefur ekki gefið upp
hvort hann muni styðja tillöguna en
hefur áður sagt að Rússar styðji vilja
yfirvalda í héruðunum. jmv@mbl.is
Styður sjálfstæði
S-Osseta og Abkasa
Dímítrí
Medvedev
Rússneska þingið þrýstir á Medvedev
Hver verður áherslan á þinginu?
Lögð verður áhersla á að skýra
áherslur Obama enn frekar. Búist er
við að mælendur þingsins muni
sækja hart að John McCain. Það
þóttu mistök á flokksþinginu árið
2004, þegar John Kerry var í fram-
boði, er bann var lagt við því að fara
út í gagnrýni eða samanburð við
frambjóðanda repúblikana, George
W. Bush.
Um hvað verður rætt?
Aðstoðarmenn Obama segja að litið
verði til ársins 1992 þegar Bill Clin-
ton þótti nýta sér flokksþingið af-
bragðsvel til að ræða spurningar
sem höfðu vaknað um einkalíf hans
og hvað hann myndi taka sér fyrir
hendur sem forseti. Síðustu vikur
hafa þótt Obama erfiðar og and-
stæðingarnir úr búðum Johns Mc-
Cain hafa sótt hart að honum.
S&S
ÍSRAELAR slepptu í gær 198 pal-
estínskum föngum til að sýna Mah-
mud Abbas, forseta Palestínu-
manna, samstarfsvilja. Nokkrum
klukkustundum síðar kom Condo-
leezza Rice, utanríkisráðherra
Bandaríkjanna, til Ísraels í átjándu
heimsókn sína á tveimur árum til
að beita sér fyrir friðarviðræðum.
Fangarnir fóru fyrst til Ramall-
ah á Vesturbakkanum, þar sem
þúsundir manna fögnuðu þeim, áð-
ur en þeir héldu til heimabæja
sinna.
Aron Björn Kristinsson, sjálf-
boðaliði á Vesturbakkanum, var í
Nablus þegar fangarnir, sem komu
þaðan, sneru heim við mikinn fögn-
uð heimamanna. „Fólk með fána,
kafíur, fyllti torgið og fagnaði
ákaft þegar bílalestin kom. Menn
og konur föðmuðust og kysstust,
hlógu og grétu, enda tilfinninga-
þrungin stund. Samstaðan var mik-
il og fögnuðurinn fór vel fram,“
segir Aron Björn.
Á meðal fanganna voru Hussam
Khader, formaður nefndar sem
berst fyrir rétti palestínskra flótta-
manna, og Said Al-Atabeh, sem var
dæmdur fyrir að verða ísraelskri
konu að bana og sat í fangelsi í 32
ár, lengur en nokkur annar palest-
ínskur fangi í Ísrael.
Ljósmynd/Aron Björn Kristinsson
Frjáls Hussam Khader fagnað í Nablus eftir að Ísraelar slepptu honum.
Ísraelar sleppa
nær 200 föngum