Morgunblaðið - 24.11.2008, Side 2
Eftir Ágúst Inga Jónsson
aij@mbl.is
UM 3-400 íslenskir læknar dvelja er-
lendis um þessar mundir, ýmist við
starf eða í framhaldsnámi. Ekki er
talið líklegt að þessir læknar flýti
heimför miðað við efnahagsástandið.
Þvert á móti býst framkvæmdastjóri
Læknafélags Íslands við að stór
hópur lækna hverfi til náms eða
starfa erlendis á næstu mánuðum.
„Efnahagsástandið mun örugg-
lega hafa áhrif á okkar félagsmenn,“
segir Gunnar Ármannsson, fram-
kvæmdastjóri LÍ. „Þeir sem það
geta og hafa verið að hugsa um að
fara í sérnám til útlanda munu flest-
ir reyna að flýta því.
Á sama hátt eigum við ekki von á
því að þeir sem eru í sérnámi flýti
sér heim. Það mun ekki hjálpa til ef
það á að spara í heilbrigðiskerfinu,
bæði með því að segja upp fólki og
hugsanlega lækka laun. Það verður
ekki aðlaðandi fyrir starfsmenn sem
eru erlendis að koma heim í slíkt
umhverfi.“
Gunnar segir að eftirspurn sé eftir
íslenskum læknum. Þeir hafi orð á
sér fyrir að vera duglegir, séu vel
menntaðir og eigi auðvelt með að
læra tungumál Norðurlandaþjóð-
anna, en þangað sækja flestir. Marg-
ir séu að skoða möguleikana þessa
dagana. Aðspurður hvort Lækna-
félagið hafi yfirlit yfir þá lækna sem
starfa í tveimur löndum segir Gunn-
ar svo ekki vera.
„Það er alltaf talsvert um þetta og
ég myndi áætla að einhverjir tugir
lækna hefðu þennan háttinn á,“ seg-
ir Gunnar. „Þeir vinna þá eina til
tvær vikur erlendis og hinn hluta
mánaðarins hér heima, ýmist á
sjúkrastofnunum eða einkastofum.
Það er líka þekkt að menn fara til út-
landa og vinna þar í fríum sínum í
lengri eða skemmri tíma. Þau störf
tengjast oft framhaldsnámi í við-
komandi landi og þeirri sér-
fræðigrein sem viðkomandi leggur
stund á.
Bæði getur það verið vegna þess
að verkefnið er svo sérhæft að full-
nægjandi verkefni eru ekki fyrir
hendi hér á landi eða að viðkomandi
læknir er svo eftirsóttur að þetta er
leið sem farin er til að halda í starfs-
kraftinn,“ segir Gunnar.
Læknar flýta sér tæpast heim
Margir læknar íhuga sérnám og störf erlendis Ekki aðlaðandi fyrir lækna að koma heim í efnahags-
ástandið Tugir íslenskra lækna bæði með stöður hér á landi og erlendis Eftirsóttur starfskraftur
Morgunblaðið/Ásdís
GRÉTAR Ottó Róbertsson bæklunarlæknir hefur í átta
ár starfað jöfnum höndum á Landspítalanum í Reykja-
vík og háskólasjúkrahúsinu í Lundi í Svíþjóð. Hans sér-
grein í lækningum er viðfangsefnið á LSH, en í Lundi
sér hann um að reka gagnagrunn sem fylgist með öll-
um gerviliðum í hné í Svíþjóð.
„Þegar ég fór heim á sínum tíma fundu þeir engan
annan til að halda þessum gagnagrunni gangandi,“
segir Grétar. „Því varð úr að ég héldi þessu starfi
áfram, en gagnagrunnurinn er sá elsti þessarar teg-
undar í heiminum.
Inn í grunninn eru settar upplýsingar um alla gervi-
liði, sem settir eru í hné sjúklinga í Svíþjóð. Þarna eru
Rekur gagnagrunn í Lundi
upplýsingar um sjúklingana og fylgst með hvort þeir
þurfa til dæmis enduraðgerð,“ segir Grétar.
Hann er með 60% stöðu á Landspítalanum og 40% í
Lundi og yfirleitt starfar hann þrjár vikur hér og síðan
tvær vikur í Svíþjóð. Hann segir að ferðalagið taki ekki
langan tíma, tiltölulega stutt flug sé til Kaupmanna-
hafnar og síðan lestarferð til Lundar. „Það er helst á
mánudagsmorgnum klukkan hálffimm sem maður velt-
ir því fyrir sér hvort maður nenni þessu, en svo gleym-
ist það,“ segir Grétar.
Hann segir fjölskylduna fyrir löngu búna að venjast
þessu og nú hafi ein dóttirin flust til Kaupmannahafnar
þar sem hún er í námi.
ÞAÐ vefst ekki fyrir Gísla Ingvarssyni húðsjúkdóma-
lækni að starfa bæði í Tromsö og Reykjavík. Einu sinni
í mánuði heldur hann frá heimili sínu á Selfossi til
Keflavíkur, þaðan sem leiðin liggur til Gardermoen í
Ósló og þaðan til Norður-Noregs.
Á háskólasjúkrahúsinu í Tromsö, UNN, starfar hann
í eina viku, áður en hann heldur heim á leið á ný og við
tekur vinna í þrjár vikur á læknastofunni við Ármúla.
„Mér líkar þetta ágætlega og ætla að halda þessu
áfram meðan ég hef þrek og heilsu,“ segir Gísli í sam-
tali við Morgunblaðið. „Þetta fyrirkomulag verður
hluti af lífinu og eins og sakir standa finnst mér skyn-
samlegt að halda þessu áfram, alla vega út næsta ár.
Þetta hefur gengið hnökralaust í fimm ár og ég hef
ekki misst einn mánuð úr.
Í Tromsö hef ég ákveðin verkefni sem mér finnst
Víkkar sjóndeildarhringinn
gott að geta sinnt. Auk þess víkka ég tengslanetið og
sjóndeildarhringinn sem ég býst ekki við að geta með
því að vera einungis á Íslandi,“ segir Gísli.
Hann fór á sínum tíma sem læknakandidat í fram-
haldsnám í Vesterås í Svíþjóð og var þar í tvö ár. Hann
lauk síðan námi í Tromsö, þar sem honum og fjöl-
skyldu leið vel og þau ákváðu að vera þar áfram.
„Þarna var tekið fjarskalega vel á móti okkur og við
vorum í áratug í Tromsö. Ég var orðinn yfirlæknir
þarna og kominn í stjórn deildarinnar og þar sem mik-
ill vilji var til að halda mér í Tromsö varð niðurstaðan
sú að ég er þar eina viku í mánuði. Þeir borga farið
fyrir mig þannig að þetta er kostnaðarlítið fyrir mig,“
segir Gísli.
Tvo mánuði á árinu sleppir Gísli Noregsferð, þ.e. í
jólamánuðinum og einum mánuði yfir hásumarið.
2 FréttirINNLENT
MORGUNBLAÐIÐ MÁNUDAGUR 24. NÓVEMBER 2008
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson Íþrótt-
ir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Magnús Halldórsson
magnush@mbl.is
EIGINFJÁRHLUTFALL Landsnets hf., sem á
og rekur allar helstu flutningslínur rafmagns á Ís-
landi, er orðið neikvætt eftir mikla veikingu krón-
unnar á þessu ári. Þetta staðfesti Þórður Guð-
mundsson, forstjóri Landsnets, í samtali við
Morgunblaðið í gær.
Landsnet er samkvæmt því tæknilega gjaldþrota
eins og staða fyrirtækisins er núna. Rekstrarhagn-
aður Landsnets fyrstu níu mánuði ársins var um
3,6 milljarðar króna en vegna mikillar veikingar
krónunnar var tap á sama tímabili um 8,1 millj-
arður. Munar þar mikið um að skuldir Landsnets,
sem eru í erlendri mynt, hafa hækkað um rúmlega
60 prósent á þessu ári, farið úr 34 milljörðum í rúm-
lega 55 milljarða.
Þórður segir rekstrarhæfi Landsnets traust og
stöðugt en bregðast þurfi við stöðunni sem upp er
komin. „Miðað við óbreytt gengi [krónunnar] er
eigið fé félagsins neikvætt. Ef endurmat á eignum
leiðir ekki til þess að eigið fé verður jákvætt að
nýju, sem ég geri þó ráð fyrir, þarf að gera eig-
endum fyrirtækisins viðvart með endurfjármögnun
í huga.“ Framkvæmdaáætlanir Landnets eru í upp-
námi þar sem aðgengi að lánsfé er ekki fyrir hendi,
að sögn Þórðar. Það er sama staða og orkufyr-
irtækin í landinu búa við en endurskoðun á fram-
kvæmdaáætlunum fyrirtækjanna stendur nú yfir.
Í lok september var eiginfjárhlutfallið jákvætt
um 6,3 prósent en frá þeim tíma hefur krónan
veikst um rúmlega 20 prósent gagnvart erlendum
gjaldmiðlum, sé mið tekið af skráðu gengi Seðla-
banka Íslands.
Þórður segir endurmat á eignum fara fram í lok
ársins og að því loknu megi búast við að eiginfjár-
hlutfallið verði jákvætt að nýju. Við endurmat á
eignum er meðal annars stuðst við mat á því hvað
bygging þeirra mannvirkja sem fyrirtækið á kost-
ar. Samhliða veikingu krónunnar og almennri
hækkun á hráefni hefur kostnaður við byggingu
mannvirkja almennt hækkað. Meðal annars þessir
þættir geta þýtt að virði eigna Landsnets aukist við
endurmat á eignum.
Eigið fé Landsnets neikvætt
Landsnet tæknilega gjaldþrota Skuldir hafa hækkað um rúm 60% á árinu
vegna veikingar krónunnar Endurmat eigna fer fram í lok ársins
Í HNOTSKURN
»Hlutverk Landsnets erað annast flutning raf-
orku og kerfisstjórnun
samkvæmt ákvæðum
raforkulaga. Fyrirtækið má
ekki stunda aðra starfsemi
en lögin segja til um.
»Landsvirkjun er stærstieigandi Landsnets með
ríflega 64 prósenta hlut.
Aðrir eigendur eru RARIK
(22,51%), Orkuveita
Reykjavíkur (6,78%) og
Orkubú Vestfjarða (5,98%).
» Í stjórn Landsnets eruPáll Harðarson, sem er
stjórnarformaður, Auður
Finnbogadóttir og Kristján
Jónsson.
Morgunblaðið/Jón Sigurðsson
Horfa fram á
óræðan vetur
Blönduós Íslenski hesturinn á ættir sínar að rekja aftur á landnámsöld.
Hann hefur því fylgt landanum gegnum aldirnar og þolað með honum bæði
súrt og sætt. Þessir glaseygðu og blesóttu hestar horfa fram á óræðan vet-
ur hvergi smeykir því hverjum vetri fylgir vor.
RÚMLEGA 78%
landsmanna telja
að álver hafi
frekar eða mjög
jákvæð áhrif á ís-
lenskt efnahags-
líf. Rúmlega átta
prósent telja
áhrifin frekar
eða mjög nei-
kvæð. Þetta kemur fram í nið-
urstöðum landskönnunar sem
Capacent Gallup gerði í október
fyrir Alcoa Fjarðaál.
Tæp 49% landsmanna eru nú
frekar eða mjög jákvæð gagnvart
byggingu álvera og hefur þeim
fjölgað um átta prósent á tveimur
árum. Rúmlega 32% landsmanna
eru hins vegar frekar eða mjög nei-
kvæð gagnvart byggingu álvera og
hefur þeim fækkað um 6 prósent
frá 2006.
Jákvæðni
gagnvart
álverum