Skinfaxi - 01.04.1951, Blaðsíða 14
14
SKINFAXI
Jlf ei'lanclum vettvanql 1:
Indlandsstjórn ræðst
á fáfræðina
Lokaðu snöggvast augunum og hugsaðu þér, að öll ríki Ev-
rópu hafi gengið í eins konar framfara bandalag, en reki sig
á þá staðreynd, að áttatíu og sjö hundraðshlutar af íbúum
hennar séu ólæsir og óskrifandi. Þannig var ástandið á Ind-
landi, þegar það fékk sjálfstæði árið 1947.
Eða setjum dæmið öðru vísi upp: Hugsum okkur, að allir
íbúar Englands, Skotlands og frlands væru allt í einu orðnir
börn á skólaaldri, frá sex til fjórtán ára. Ráð verður að finna
til þess að sjá þeim fyrir hæfilegri menntun. Skólahús þarf
að byggja, kennara verður að þjálfa, geysimörg og mikil tæki
þarf að útvega handa þessum fjölda skólabarna. En þetta er
þó aðeins lítill hluti erfiðleikanna í skólamálum Indverja.
Til viðbótar þessum fjölda skólanemenda, sem við skulum
segja, að byggi allar Bretlandseyjar, eru svo 240 milljónir full-
orðinna, sem svara til ibúa Noregs, Sviþjóðar, Danmerk-
ur, Hollands, Belgíu, Frakklands, Spánar, Portúgals, Þýzka-
lands, Svisslands og Ítalíu allra til samans, og allt þetta fólk
er hvorki læst né skrifandi, hefur engar hugmyndir um heil-
brigði og hreinlætisháttu og ræður aðeins yfir fáum orðum
og hugtökum, sem túlka daglegar athafnir þess við sveita-
störf og landbúnað. Til þess að glíma við þetta viðfangsefni,
þarf tvær milljónir kennara.
Þetta er hið geysilega vandamál, sem Indverjar eiga við að
etja í skólamálum sínum. Samt hafði allstórt spor verið stigið
í þessum efnum af fyrrverandi stjórnarvöldum. Læsum og
skrifandi hafði fjölgað á síðustu 50 árum úr fjórum hundraðs-
hlutum í tólf af hundraði, sem í sjálfu sér segir ekki mikið,
nema haft sé í huga, að þessir tólf af hundraði eru fjörutíu
og sjö milljónir manna, eða jafn margir og allir íbúar Bret-
landseyja. Og skólar þeir, sem á þessum árum voru byggðir
og starfræktir, áttu að sjálfsögðu sinn þátt í því, að þjóðin
vaknaði til meðvitundar um rétt sinn til sjálfsforræðis.
Viðfangsefni hinnar nýju stjórnar Indlands, er í fyrsta lagi
að gera grundvallarnám barna á aldrinum sex til fjórtán ára