Skinfaxi - 01.04.1951, Qupperneq 15
SIÍINFAXI
15
Indverjar með lielg dýr.
almennt, í öðru lagi að bæta kennsluna í almennum fræðum,
vísindum og tækni til þess á þann hátt að stuðla að auknu
andlegu sjálfstæði landsins og ala sér upp innlenda mennta-
og vísindamenn, — og i þriðja lagi að endurskipuleggja það
skólakerfi, sem fyrir var í landinu, með það fyrir augum að
gera það þjóðlegt, svo byggt verði á fornum erfðum og þjóð-
legri menningu.
Veigamesta atriði þessa viðfangsefnis er grundvallarnámið,
sem verður ókeypis og almenn skólaskylda barna á aldrinum
sex til fjórtán ára. Þetta þýðir átta ára skólagöngu fyrir að
minnsta kosti fimmtíu og sex milljónir barna.
Hugtakið grundvallarnám þarf frekari skýringa við. Fyrir
meira en tólf árum lagði Mahatma Gandhi til, að nám barna
yrði fyrst og fremst miðað við það, að hæfileikar og gáfur
hvers og eins fengju notið sín sem bezt. Hann sagði: „Það
er í sjálfu sér ekki menntun að kunna að lesa. Ég myndi þess
vegna byrja kennsluna á því að kenna barninu einhverja nyt-
sama handiðn og gera það þannig hæft til þess á frumstigi
námsins að búa eitthvað til í höndunum. Á þann hátt mætti
láta alla skóla standa undir sér.“
Þessi kenning um starfsnám var studd af ráðstefnu skóla-
manna í Wardha og kom af stað hreyfingunni fyrir grund-
vallarnáminu. Grundvallarnám er ekki einungis fólgið í því
að gera barnið fært í lestri og skrift, heldur jafnframt að
kenna því að nota hendur og augu, umhverfi sínu til gagns.
En það er ekki síður talið þýðingarmikið atriði fyrir fljótar