Skinfaxi - 01.04.1951, Síða 33

SKINFAXI
33
Félag vort, við skugga og skin
skín nú minning þrjátíu ára.
Efldir margan ungan hlyn,
áttir margan góðan vin,
oft í þungum þrautadyn
þú fékkst marga reynslu sára.
Félag vort, við skugga og skin
skín nú minning þrjátíu ára.
Þrjátíu árin þökkum við,
þökkum dáðrík störf og sóma,
—hverjum sem að lagði lið
og lífsins benti á fögur svið,
— á hvern, sem gaf oss mark og mið,
minninganna stafar ljóma.
Þrjátíu árin þökkum við,
þökkum dáðrík störf og sóma,
Látum gleði geisla af brá,
gerum fagurt kvöldsins yndi.
Ljúfa strengi leikum á,
látum gleði unað strá.
Sólheið birta, sumarþrá
saman alla hugi bindi.
Látum gleði geisla af brá,
gerum fagurt kvöldsins yndi.
Rístu æska einum hug
upp með vorsins Ijóma í hjarta.
Gerðu hærra, fegra flug,
freisting hverri hrind á bug,
fylktu liði af dirfsku og dug,
drenglund sanna láttu skarta.
Rístu æska einum hug
upp með vorsins ljóma í hjarta.
Æska lyftu að húni hátt
hreinu, björtu, göfgu merki.
Vígðu fegurð vormanns þátt,
vektu dyggðir, þrek og mátt,
sæktu djörf í sólarátt,
sýndu dáð í hverju verki.
Æska lyftu að húni hátt
hreinu, björtu, göfgu merki.
3