Skinfaxi - 01.07.1952, Page 20

68
SIÍINFAXI
niður grænmeti og ávexti, sauma flikur o. s. frv. Mörg
viðfangsefni eru ótalin. Meðlimirnir halda skýrslur um
þessi störf sín, sem ráðunautar landbúnaðarráðuneytis-
ins síðan vinna úr. Landbúnaðarráðuneytið ver árlega
miklu fé til upplýsingastarfsemi i 4-H málunum og í
ýmsa aðra hjálp við félagsskapinn.
Fundir eru haldnir i félögunum, venjulega einu sinni
í mánuði, ol'tast á heimilunum eða þá i skólunum. Þar
ræða félagarnir störf sín, taka við leiðbeiningum frá
leiðtoganum, æfa sig í málflutningi og skemmta sér ef
til vill á eftir.
En hvað merkir heiti félagsins og tákn þess, fjór laufa
smárinn með H-unum? Jú, H-in eru upphafsstafirnir
í þessum fjórum orðum: Höfuð — Hjarta — Hönd —
Hreysti og þau eru bundin í heiti 4-H félaganna á þessa
leið:
Höfuð mitt skýrari hugsun.
Hjarta mitt meiri skyldurækni.
Hönd mína meiri afköstum.
Hreysti mína betra lífi
fyrir félag mitt, sveit og ættjörð.
Þetta heit gangast allir 4-H félagar undir og það er
gjarnan haft yfir á fundum og annarsstaðar, þar scm
4-H félagar koma saman.
Stel'nuskrá eða boðorð 4-H félaganna liljóðar á þessa
leið:
„Ég trúi á starf 4-H félaganna fyrir það tækifæri
er það veitir mér, til þess að verða nýtur borgari.
Ég trúi á að leggja rækt við H-öfuð mitt, vegna þess
afls er það mun veita mér til þess að hugsa, skipuleggja
og álykta.
Ég trúi á að leggja rækt við H-jarta mitt, vegna þess
styrks er það mun veita mér, til þess að verða góður,
samúðarríkur og sannur.
Ég trúi á að leggja rækt við H-endur mínar, vegna