Skinfaxi - 01.11.1955, Blaðsíða 50

146
SKINFAXI
Þingið samþykkir að eftirleiðis verði landsmót U.M.F.Í.
haldin fjórða hvert ár en sambandsþing annaðhvert ár, þó
þannig að sambandsþing verði haldið sama ár og landsmót
fer fram, og þá í sambandi við það eins og verið hefur.
Stjórninni er þó heimilt að breyta út af þessu, ef sérstaklega
stendur á eins og á 50 ára afmæli U.M.F.Í. 1957.
Þingið ályktar að nauðsyn beri til að milli landsmóta verði
unnið að hópferðum íþróttamanna U.M.F.Í. til keppni við
iþróttafólk úr hliðstæðum æskulýðsfélögum erlendis.
Þingið telur nauðsyn bera til að stofnuð verði áhugamanna-
deild við íþróttakennaraskóla íslands á Laugarvatni.“
Útbreiðslustarf og fleira.
„Sambandsþing samþykkir að ráðið verði starfslið fyrir
U.M.F.Í., er annist öll dagleg störf viðvíkjandi rekstri sam-
bandsins. Auk þess annist það útbreiðslustarf meðal þjóðar-
innar á gildi og hlutverki ungmennafélaga.
Sambandsþingið samþykkir, að stjórn U.M.F.Í. snúi sér til
póstmálastjórnarinnar með ósk um að gefin verði út sérstök
frímerki í tilefni 50 ára afmæli U.M.F.Í. 1957.
Að sjórnin láti prenta bréfmerki, er beri með sér helztu
atriði i starfsemi U.M.F.Í. Verði leitað til listamanna um gerð
þeirra. Er þess fastlega vænzt, að ungmennafélagar sýni þann
félagsmetnað, að þeir vinni að sölu merkjanna.
Að þegar verði gerð sambandsmerki U.M.F.Í. til að bera í
barmi.
Að reisa Aðalsteini Sigmundssyni minnismerki i Þrastar-
skógi árið 1957. Fjár til þess verði meðal annars aflað með
frjálsum framlögum ungmennafélaga.
Að sjá um að Þrastarskógi verði sýndur enn meiri rækt, en
gert hefur verið. Girðing verði treyst, gróðursetning aukin.
Að ítreka fyrri áskoranir sínar til einstakra ungmennafélaga.
og stjórna héraðssambandanna, að herða mjög á innheimtu
áskriftagjalda Skinfaxa. Telur þingið það ekki vanzalaust,
að tímariti samtakann sé ekki tryggður fjárliagslegur grund-
völlur og þar með möguleikar til stækkunar og aukinnar fjöl-
breytni.
Sambandsþingið telur að U.M.F.R. hafi mjög þýðingarmiklu
hlutverki að gegna innan ungmennafélagshreyfingarinar og
skorar á sambandsstjórnina að sfyðja félagið til eflingar hug-
sjónum félagsskaparins. Þakkar þingið viðleitni félagsins til
hollra áhrifa á skemmtana- og félagslíf æskulýðs höfuð-
staðarins, og félaga utan af landi, er dvelja í Reykjavík.“