Skinfaxi - 01.11.1955, Blaðsíða 48

144
SKINFAXI
kennslusniði, að vinna ötullega að því að í stað þess komi
fastir skólar með heimavist eða skólabifreið, og séu þeir helzt
svo stórir, að tveir kennarar starfi við hvern þeirra. Bendir
þingið á þýðingu hins félagslega uppeldis, sem slikir skólar
geta veitt, og aðstöðu til verklegs nóms, iþrótta og líkamsrækt-
ar, sem farskólana skorir svo tilfinnanlega.
Þingið slcorar á fræðslumálastjórn að hlutast til um að enn
sé aukin fræðsla í íslenzkum fræðum í skólum landsins, eink-
um í bókmennum og sögu þjóðarinnar. Þingið telur það ekki
vanzalaust, að aðeins mjög takmarkaður liópur íslenzkra æsku-
manna eigi þess kost að fræðast í skólunum um sögu þjóð-
arinnar eftir 1874, og skorar á fræðslumálastjórn að láta semja
kennslubók yfir fyrrnefnt tímabil. Jafnframt livetur þingið öll
ungmennafélög til þess að miða starfsemi sína við það, að hún
glæði ást og þckkingu félagsmanna á íslenzkri tungu, islenzkri
sögu, íslenzkum bókmenntum og íslenzku landi og treysti þar
með undirstöðu þjóðrækni og sjálfstæðis.
Þingið bendir á þá uppeldislegu og menningarlegu hættu, sem
stafar af útgáfu sorprita, og átelur ábyrgðarleysi þeirra manna,
er gera sér lægstu hvatir annarra að féþúfu.
Þingið fagnar nýsettum lögum um bókasöfn og að sérstakur
starfsmaður er ráðinn til þess að leiðbeina lesrarfélögum um
starfrækslu bókasafna. Telur þingið, að á hliðstæðan hátt þurfi
að aðstoða félög og leiðbeina þeim um aðra þætti félags- og
menningarmála, og felur stjórn U.M.F.Í. að beita sér fyrir
skjótri og liagfelldri úrlausn i þcssu máli“.
Bindindismál.
„Þingið lítur svo á, að áfengisbölinu verði aldrei útrýmt með
öðru en almennri bindindissemi, og telur því, að eittlivert veg-
legasta og þýðingarmesta hlutverk ungmennafélaga sé að
berjast fyrir þjóðarbindindi. í þvi sambandi vill þingið sér-
staklega leggja áherzlu á eftirtalin atriði:
1. Með þvi að veizlur og samsæti, þar sem áfengi er haft
um hönd, hafa mikil áhrif til að útbreiða drykkjutizku
og þar með áfengisböl og ómenningu, skorar þingið á ung-
mennafélaga að beila hvarvena áhrifum sinum gegn því
að áfengi sé haft í samkvæmum, hvort sem um er að
ræða opinberar veizlur eða aðrar. Jafnframt lýsir þingið
því yfir, að það telur fulla óhæfu,- að rikisvaldinu sé beitt
til að útbreiða drykkjutízku og brjóta niður bindindis-
starfsemi með þjóðinni, svo sem gert er meðan áfengi er
veitt í opinberum veizlum.