Skinfaxi - 01.04.1961, Qupperneq 6
viljastyrk frá þjóðlegri vakningu og ein-
lægri þrá til athafna og eflingar íslenzk-
um málstað og hverju því, sem til heilla
og framfara mátti verða. Stefnuskrá ung-
mennafélaganna var skýrt mörkuð við
stofnun Ungmennafélags Akureyrar. Hinn
1. jan. 1906 komu nokkrir ungir menn
saman til fundar á Akureyri. Ætlan þeirra
var að stofna félag æskumanna, er hefði
fyrir mark og mið að vekja áhuga og
samhug á öllu því, sem þjóðlegt væri og
rammíslenzkt. Ennfremur að efla og
stæla hvern og einn til að leggja fram
alla sína orku því til viðreisnar og efl-
ingar. Þá töldu þeir brýna nauðsyn bera
til að auka andlega starfsemi meðal æsku-
manna. Það þyrfti að fá æskulýðinn til
að vera betur samtaka um framfaramál
lands og þjóðar. Stofnfundur félagsins
var 7. janúar 1906. Lög félagsins voru
undirrituð 14. sama mánaðar. Var þá
sungið hvatningarljóð eftir Pál Jónsson,
en það hefst svo:
,,Vökum, vökum, vel er sofið,
værð og svefn ei lengur stoðar.
Nótt er flúin burt úr byggðum,
blessuð sólin landið roðar.
Upp með nýjum andans móð,
upp til starfa rísi þjóð,
upp með fánann, fylkjum liði þétt,
fagurt hlutverk er oss öllum sett“.
Tilgangur félagsins lögum samkvæmt
var að reyna að safna æskumönnum
landsins undir eitt merki, þar sem þeir
geti barizt sem einn maður með einkunn-
arorðunum: „Sannleikurinn og réttlætið
fyrir öllu“. Félagið eignaðist góða stuðn-
ingsmenn af eldri kynslóðinni, svo sem
f -N
Skúli Þorsteinsson:
Æ S K A N
Æskan á elcl í barmi.
Æskan á bros á hvarmi.
Æskan á draum í augum.
Æskan á þrek í taugum.
Æskan er óskaneistinn.
Æskan er voriö og hreysiin
Æskan á auö í hjarta.
Æskan er vonin bjarta.
Æskan eflist að þori.
Æskan er djörf í spori.
Æskan er orkulindin.
Æskan er bjarta myndin.
k__________________________________i
séra Matthías Jochumsson og marga fleiri.
Baráttumál urðu býsna mörg, og var að
þeim unnið*með eldlegum áhuga. Fána-
málinu var fyrst hreyft á fundi Ung-
mennafélags Akureyrar 17. júní 1906.
Þegar um haustið sama ár sameinaðist
félagið um tillögu að fána. Næstu árin
var fánamálið mjög á dagskrá með þjóð-
inni, og voru það ungmennafélögin og
stúdentar, sem héldu málinu vel vakandi.
Án efa átti þessi barátta drjúgan þátt
í því, að lausn fékkst á fánamálinu með
löggildingu konungs fyrir íslenzkan þjóð-
fána árið 1915. íslenzki fáninn var tákn
þeirrar sigursælu baráttu, sem þjóðin
háði fyrir framförum og fullu sjálfstæði.
Þjóðfáninn var þá og ætti alltaf að verða
til hvatningar landsmönnum öllum til að
tryggja það frelsi, sem þjóðfáninn tákn-
6
S K I N F A X I