Skinfaxi - 01.12.1995, Blaðsíða 11

UMFÍ
11
HVAÐ ER NÚ ÞAÐ?
Rusl, hvaö er nú þaö? Hvaban kemur þaö, af hverju
er svona mikiö af rusli, af hverju kemur þaö alltaf aft-
ur og aftur? Maöur er eiginlega alveg í rusli útaf
þessu rusli.

Ég á heima á Grund viö sunnanverð-
an Steingrímsfjörð í Strandasýslu.
Strandlengjan sem tilheyrir þeirri jörð
sem foreldrar mínir og bróðir búa á
nefnist Gálmaströnd (ca 4 km löng).
Foreldrar mínir hafa margsinnis spurt
sig þessara spurninga sem að framan
eru ritaðar því barátta þeirra við ruslið
í fjörunum hefur staöið ansi lengi og
ekki séð fyrir endann á henni enn.
Það er algengt eftir norðaustanstorm
að fjörurnar eru þaktar allskyns rusli,
plastið er þar í meirihluta ásamt troll-
netabútum og smá bandspottum,
fiskikassabrotum og rækjukúlum. Það
kemur nú ýmislegt fleira eins og allra-
handa brúsar undan þvottalegi, olíu
og matvælum, þónokkuð rekur af
skóm og skósólum af öllum gerðum.
Ekki má nú gleyma tómu skothylkj-
unum úr haglabyssum og kassabönd-
unum í smábútum og allt uppí stóra
hauga. Einnig má geta þess að í vor
rak grind úr uppþvottavél. Allar plast-
druslurnar sem reka á land stoppa
ekki lengi í fjörunni í miklu hvass-
viöri heldur fjúka til fjalls og stoppa
einhvers staðar í skjólsælli laut.
Af upptalningunni hér að framan
má sjá að það kennir oft ýmissa grasa
á fjörunum hér en ekki neinum til
augnayndis eða nytja. Alltaf heldur
ruslið áfram að koma og þó að fjör-
urnar séu hreinsaðar oft á ári verða
þær jafn ljótar eftir næsta norðan-
storm.
Hvaðan kemur þetta rusl? Henda
sjómenn rusli í sjó á miðunum kring-
um landið? Á mínum heimaslóðum
koma sjómenn með rusl í land en
kemur það allt, hvernig er þessum
málum háttað annars staðar? Er að-
staðan við hafnir landsins góð fyrir
sjómenn til að losa sig við rusl þegar
þeir koma í land? Aðstaðan til að losa
sig við ruslið verður að vera fyrir
hendi hvort sem er fyrir sjómenn,
feröamenn eða aðra. Sjómenn valda
nú varla allri þeirri mengun sem er í
fjörunum, er skónum frá kokkinum
kannski stolið og hent í sjóinn ef
steikin hefur klikkað? Ég hef tekið eft-
ir því að það rekur oft tómat- og sinn-
epsflöskur - er oft pulsupartý hjá sjó-
mönnum?
Mikið af timbri rekur einnig á fjör-
urnar og eru bændurnir heldur
ánægðari með að sjá góðan trjábol en
plastdraslið. Timbrið kemur langt að,
alla leið frá Síberíu að sagt er, getur þá
ekki ruslið komið langt að? Ég ferðað-
ist um Hornstrandir í sumar frá Að-
alvík í Hornvík og frá Skjaldabjarnar-
vík í Ófeigsfjörð. Leið mín lá oft um
fjöruna og innan um timbrið voru oft
fiskikassabrot. Ég aðgætti hvort ein-
hverjar merkingar væru á kössunum
en ef einhverjar sáust voru þær í
meirihluta erlendar. Einnig hafa sést
erlendar merkingar hér heima við.
Brýn nauðsyn er að athuga þessi mál
hjá nágrannaþjóðunum.
UMFÍ hefur staðið fyrir hreinsunar-
átaki við strendur landsins og ár og
vatnsbakka, er þetta lofsvert framtak
til að reyna að vekja landann til um-
hugsunar um bæta umgengni við um-
hverfið. Vonandi geta ungmennafé-
lagar um allt land komið fólki í skiln-
ing um að það er ekki í lagi að kasta
frá sér rusli hvar sem það stendur. Viö
þurfum að fá unga fólkiö í landinu í
lið með okkur og kenna því að um-
gangast landið, hnippa í fólk ef við
sjáum það henda rusli út í loftið og fá
það til að skammast sín. Við verðum
að koma í veg fyrir að þetta plastdrasl
fari af stað út í náttúruna. ísland -
hreint land, það vilja allir.
íslandi allt.
Vigttir Örn Pálsson
fontiaðnr
Héraðssattibattds Strandamanna