Sjómannablaðið Víkingur - 01.12.1949, Blaðsíða 34

Great Britain hleypur af stokkunum (18UU).
kosti. Urðu það aðeins sjö f jölskyldur, sem héldu
hörkunni og lögðu upp í ferðina yfir Atlants-
hafið.
Meðan „Great Western" var í smíðum, hafði
verið stofnað í Liverpool nýtt félag, sem einnig
hafði þann tilgang, að koma á föstum gufu-
skipaferðum yfir Atlantshaf. Nefndist það
„British and American Steam Navigation
Company". Félagið lét hefja smíðar á skipi,
sem á engan hátt skyldi standa „Great West-
ern“ að baki, en vera um sumt fullkomnara.
Smíði skipsins sjálfs, sem byggt var hjá Curley
and Young við Thames, gekk bæði fljótt og vel,
en vélaverksmiðja sú, sem annast átti um smíði
vélanna, varð gjaldþrota og hætti störfum áður
en því verki var lokið. Þetta olli því, að skipið
var ekki tilbúið árið 1838, eins og vonir höfðu
staðið til.
Þegar „Great Western“ var ferðbúinn, vildi
hitt félagið ekki láta sinn hlut eftir liggja, enda
þegar tekið að bera á samkeppni milli félag-
anna. Greip það til þess ráðs, að taka á leigu
lítið gufuskip, „Sirius“ að nafni, 700 smálesta
stórt. Var lagt allt kapp á, að ferðbúa skip þetta
sem skjótast, svo að það gæti orðið á undan
„Great Westem“ vestur-yfir hafið. Var farið
leynt með þessa fyrirætlun í fyrstu, svo að
keppinautarnir ygðu síður að sér, en í marz-
mánuði 1838 gat að líta svohljóðandi tilkynn-
ingu í brezkum blöðum: „Gufuskipið „Sirius“,
skipstjóri Roberts sjóliðsforingi úr brezka sjó-
hernum, mun í byrjun næsta mánaðar leggja
af stað frá London og halda beina leið til New
York. Skipið fer af stað 2. apríl. Heimferðar-
tími skipsins frá New York er ákveðinn 2.
maí“.
Þessi tilkynning vakti þegar geysimikla at-
hygli, og var fátt tíðara umræðuefni í Englandi
næstu vikurnar en hin fyrirhugaða för gufu-
skipanna tveggja vestur um haf og keppni sú,
sem auðsjáanlega var hafin milli skipafélag-
anna, sem hlut áttu að máli. Var nú einnig lögð
mikil áherzla á það, að hraða brottför „Great
Western", svo að hann gæti orðið á undan yfir
hafið, en hann var stærra skip og gangmeira.
Kom brátt tilkynning þess efnis, að hann legði
einnig upp í byrjun aprílmánaðar. Brottför
beggja skipanna seinkaði um nokkra daga, en
„Sirius“ lagði þó fyrr úr höfn. Var það 5. apríl.
Þrem dögum síðar, hinn 8. apríl, leysti „Great
Western“ landfestar. Skipin hrepptu versta
veður, og var það einkum talið ágætri stjóm
Roberts sjóliðsforingja að þakka, að „Sirius"
komst heilu og höldnu og áfallalítið yfir hafið.
Keppninni lauk á þá leið, að bæði skipin komu
til New York sama dag, 24. apríl, „Sirius“ að-
316
VÍ KIN G U R