Sjómannablaðið Víkingur - 01.03.1950, Blaðsíða 2

Vélskipið Helgi fersí a Faxaskeri
Síðdegis á laugardag, hinn 7. janúar síðast-
liðinn, tóku að berast um það fregnir hingað
til Reykjavíkur, að vélskipið Helgi frá Vest-
mannaeyjum hefði farizt á skeri í nánd við
eyjarnar þá um daginn. Skipið hafði lagt af stað
úr Reykjavík um morguninn í allhvössu veðri,
en veður versnaði mjög er á daginn leið og
með kvöldinu var komið austan fárviðri. Það
fylgdi einnig fregninni, að tveir menn myndu
hafa komizt upp á sker, en vonlítið eða von-
laust mætti teljast um björgun þeirra.
Því miður reyndist þessi harmafregn rétt.
Helgi hafði farizt við Faxasker og tíu manns
látið lífið. Mönnunum tveimur, sem komust á
skerið, varð ekki bjargað, þrátt fyrir ítrekað-
ar og djarflegar tilraunir björgunarliðs Vest-
mannaeyja. Á Helga var sjö manna áhöfn og
þrír farþegar höfðu verið með bátnum. Fara
hér á eftir nöfn þeirra, sem fórust:
Hallgrímur Júlíusson, skipstjóri. Hann var
43 ára, fæddur 3. júlí 1906, kvæntur, átti tvö
börn, 5 og 7 ára, og þrjú stjúpbörn. Hann var
dugmikill sjómaður og hafði verið skipstjóri á
Helga um tíu ára skeið. Öll styrjaldarárin sigldi
hann skipi sínu í fiskflutningum til Bretlands.
Árið 1945, að styrjaldarlokum, veitti bórgar-
stjórinn í Fleetwood honum og skipshöfn hans
sérstakar heiðursmóttökur, til að þakk'a þá at-
orku, þrek og hugrekki, sem skipverjar á Helga
höfðu sýnt í millilandasiglingum á styrjaldar-
árunum. Hafði Helgi þá farið 120 ferðir yfir
hafið milli Islands og Bretlands og siglt um
150 þús.sjómílur til að færa Bretum björg í bú.
En um síðustu áramót hafði skipið íarið sam-
tals um 200 ferðir milli þessara landa.
Gísli Jónasson, stýrimaður, 32 ára, fæddur 27.
september 1917, ókvæntur. Gísli var frá Siglu-
firði.
Jón B. Valdimarsson, 1. vélstjóri. Hann var
fæddur 25. september 1915, og var því 34 ára
að aldri. Hann var kvæntur og lætur eftir sig
eitt barn ársgamalt.
Gústaf Adólf Runólfsson, 2. vélstjóri, 27 ára,
fæddur 26. maí 1922. Kvæntur, átti fjögur börn
ung.
Hálfdan Brynjólfsson, matsveinn, 23 ára,
fæddur 25. desember 1926. Hann var nýkvænt-
ur, kvæntist á gamlárskvöld s.l.
Siguröur Ágúst Gíslason, háseti, 26 ára, fædd-
ur 1. september 1923. Ókvæntur, en hafði fyrir
aldraðri móður að sjá.
Óskar Magnússon, háseti, 22 ára, fæddur 15.
ágúst 1927. Ókvæntur.
Farþegar voru þessir:
Arnþór Jóhannsson, skipstjóri frá Siglufirði.
Hann var 42 ára, fæddur 12. marz 1907, kvænt-
ur og átti þrjú börn. Arnþór var þjóðkunnur
skipstjóri og frábær aflamaður. Hann var lengi
með vélskipið Dagnýju frá Siglufirði, sem jafn-
an var í tölu aflahæstu síldveiðiskipa og eigi
sjaldan aflahæst. Síðustu árin hafði Arnþór
verið skipstjóri á Helga Helgasyni frá Vest-
mannaeyjum, og einnig þar reynzt dugmikill
og aflasæll. Var hann á leið til Eyja til að
halda þar áfram störfum.
Séra Halldór Einar Johnson, 64 ára, fæddur
12. september 1885. Hann lauk gagnfræðaprófi
frá Akureyrarskóla 1907, fór skömmu síðar til
Bandaríkjanna og hélt þar áfram námi. Lauk
hann þar guðfræðiprófi 1917 og var síðan prest-
ur í Kanada um þriggja áratuga skeið. Hann
V.s. Ilelgi frá Vestmannaeyjum.
36
V I K I N G U R