Sjómannablaðið Víkingur - 01.12.1968, Blaðsíða 40

Eins er með net.
Eg velti spursmálinu fyrir mér
á alla vegu. Skipaskoðunarstjóri
er lífvörður sjómanna á hafinu
og ég miklaði fyrir mér ágæti
mannsins, ég taldi mér trú um,
að hann elskaði sjómenn á svip-
aðan hátt og Kristur elskaði
postulana, eða því sem næst.
Eg skrifaði bréfið og hringdi
svo til hr. Hjálmars Bárðarsonar
og sagði honum, að ég ætlaði að
senda bréf í Víkinginn og segja
nótarteikninguna skakka og
hvort ég mætti senda honum af-
rit, ef hann vildi láta álit sitt
fylgja bréfinu í Víkinginn.
Skipaskoðunarstjóri var hinn
ljúfmannlegasti og bað mig setja
með heimilisfang og símanúmer,
svo hann gæti rætt við mig, þegar
hann kæmi heim. Hann var að
fara til útlanda um vikutíma.
Ég sagðist þá biðja ritstjórann
að hafa samband við hann, áður
en hann birti bréfið.
En eins og fram kom í Víkingn-
um náðist aldrei samband við
skipaskoðunarstjóra.
Ritstjórinn sagði mér, að hann
næði enganveginn í hr. Hjálmar
Bárðarson, en væri búinn að
ganga frá bréfinu í blaðið.
Ég sagðist reikna með, að ann-
aðhvort væri hann að vinna að
því að knésetja mig rækilega fyr-
ir þessa áreitni eða hann hefði
fleygt skrifinu í ruslakörfuna.
Svo vona ég að það sé jafnsatt,
það sem ég sagði fallegt um mann-
inn, eins og það er satt að nótar-
teikningin sýnir ekki réttan net-
flöt.
Ég er þakklátur fyrir það, að
fá upp í hendurnar jafngóðan
viðmiðunarflöt og þennan um-
rædda nótarflöt, ég ætlaði að
sannfæra skipaskoðunarstjóra
um það, hversvegna þetta er ekki
réttur netflötur, svo hann á það
við sjálfan sig, að hann er ekki
fyrsti maður til þess að viður-
kenna þá staðreynd, að netagerð
er sú eina grein verkfræði, sem
á ekki neina fræðisetningu í
neinni fræðibók og enga skil-
greiningu á netfleti.
Það getur ekki verið til í
heimsbókmenntunum, nein fræði-
setning um net eða netagerð.
Gildandi fræði, sem við höfum
numið mann fram af manni,
standast ekki fræðilega athugun,
nema vinnubrögðin við netið,
enda munnmælasagnir byggðar á
röngum forsendum, svo sem %
reikningur á neti, sem reiknar
allar hliðar rétthyrnds þríhyrn-
ings jafnar og horn jöfn og teikn-
ingar, sem sýna rangan netflöt.
Orðið netflötur er líklega nýtt
orð í málinu, bæði hér og erlend-
is. Ég dreg það af því, að skýring
orðsins getur ekki orðið nema
ein, og mikilvægi þeirrar skýr-
ingar væri búin að vinna upp
verkfræðilega netagerð, að því
marki að netagerð væri komin á
réttan grundvöll. Það vill svo til
að ég hef plagg upp á það, að ég
er netagerðarmeistari og líklega
er það þessu plaggi að þakka eða
kenna að ég fór að athuga hvað
raunverulega ég kynni, fræði-
lega séð og sætti mig ekki við
það, að það væri ekki annað en
allar viðgerðir á veiðarfærum og
svo uppsetning á veiðarfærum
eftir teikningum og hefðbundn-
um reglum, sem engar haldgóðar
skýringar voru á.
Ég er búinn að segja frá því
og hvernig þetta fór að mjakast í
áttina.
Það er seinunnið verk, að vinna
upp fræði fyrir net og netagerð,
þar sem engin fræði eru til fyrir
og kannske er það seinlegt að
komast að niðurstöðu um það,
hvernig á að finna viðfangsefni
og leysa þau.
Það var nokkur áfangi að
glöggva sig á því að 2 leggir í
neti, gera stærðfræðilega heilan
möskva.
Þegar leitað er fræða, má ekki
ganga fram hjá neinu viðfangs-
efni óleystu.
Dæmi.
Ég kom með eina feralin í neti
í einu af bréfum mínum, þetta net
var á upptökum og síðum og
möskvastærðin 40 leggir á alin.
Ég fékk 28 möskva á hlið rúml.
eða nánar 28,284 möskva. Til þess
að fá möskvafjöldann í þessum
fleti, þá eru það 28,284. .2 x 2
= 1600 möskvar og 3200 leggir
eru í fletinum.
Við skulum athuga andstæðu
þessara vinnubragða eða upp-
stillingar á netinu og skera netið
á legg úr samskonar neti. þar
verða allir möskvarnir teljanleg-
ir. Það verða 40 leggir á hvora
hlið, og heill möskvi kemur á
móti hverjum hliðarlegg, það eru
40 x 40 = 1600 möskvar, ná-
kvæmlega sama möskvatal í jafn-
stórum fleti úr sama efni, hvernig
sem netið er skorið.
Ef við athugum leggjafjölda í
þessu leggskorna neti, þá eru
þeir einnig vel teljanlegir,þaðeru
41 x 40 -f 41 x 40 = 3280 leggir.
Þarna er komið viðfangsefni, sem
rökrétt skýring verður að fást á.
Eftir að maður hefur slegið því
föstu að 2 leggir í neti gera heil-
an möskva, verður að vinna upp
fræðilega skýringu á því, þegar
net hefur fleiri leggi en eiga að
reiknast með netinu. Þarna koma
fram 80 leggir, sem ekki eiga að
reiknast með í netinu.
Hvað veldur þessari fjölgun?
Hversvegna eru fleiri leggir í
jafnstóru neti skornu á legg, en
í neti á upptökum og síðum?
Hefur orðið eðlisbreyting í net-
inu og þá, hvernig er henni hátt-
að?
Getur einhver af lesendum Vík-
ingsins skýrt þetta atriði á rök-
réttan og netfræðilegan hátt?
Það verður að byrja smátt og
fikra sig áfram, meðan verið er
að komast að því, hvað það er,
sem hamlar þróun í netagerð.
Áður en ég hóf þessi skrif, var
niðurstaða mín þessi og hefur
ekki haggast síðan.
1. Það hefur vantað reiknan-
legan flöt fyrir net, þessvegna
hefur netagerð ekki átt þróunar-
möguleika.
2. Netagerðarmeistarar og
netamenn, þar með taldir yfir-
menn á togurum kunna það sem
kunnað er í netagerð, en lærðir
menn ekkert eða öðru hvoru meg-
in við ekkert.
Þetta munu menn segja að séu
getsakir.
356
VÍKINGUR