Sjómannablaðið Víkingur - 01.03.1982, Qupperneq 11

VIKINGUR
Dagvistun brýnt mál
— Eru eingöngu vistdeildir hér í
Hafnarfirði?
— Nei, það var gert að skilyrði
þegar við fengum styrk frá því
opinbera að hér yrði starfrækt létt
hjúkrunardeild. Þar er fólk sem
þarf ekki á beinni hjúkrun að
halda en þarfnast umönnunar og
eftirlits. Þessu hefur verið sinnt
með bjöllukerfi og aukinni vakt og
njóta þessa um 30—40 vistmenn.
Oft er þarna um að ræða félagsleg
vandamál samfara líkamlegum og
geðrænum vanda. Má þarna
nefna fólk sem ekki hefur getað
búið með vandamönnum vegna
óreglu og andlegra pyntinga.
Góður félagsskapur er mikilvægur
fyrir slíkt fólk og hlýtt viðmót og
örvun frá starfsfólki. Við höfum
verið sérstaklega heppin með
starfsfólk á báðum heimilunum.
Einnig eru hér einstaklings- og
hjónaíbúðir með eldunaraðstöðu
en allir njóta þeirrar þjónustu að
fá mat í borðsal. Eldunaraðstaðan
er fyrir einkanot þess á milli.
Nú, svo starfrækjum við dag-
vistun þar sem fólk kemur utan úr
bæ á morgnana og fer heim á
kvöldin. Það tekur þátt í handa-
vinnunni og öðru sem hér fer fram
og hefur aðstöðu til að hvíla sig í
hvíldarherbergjum sem hér eru.
Við höfum sömuleiðis haft
skammtímavistun t.d. fyrir fólk
utan af landi sem dvelur hér um
tíma eða fólk sem býr hjá börnum
Eftir samverustundina var aftur sest við hannyrðimar þvi iíklega hefur þessum konum
sjaldan fallið verk úr hendi. Fremst Magndís Aradóttir, þá Þóra Ólafsdóttir, Friðrika
Eyjólfsdóttir, Jónína Jónsdóttir og standandi Matthildur Guðmundsdóttir.
Úr föndurstofunni: Guðbjörg Vigfúsdóttir sem situr við smymaðan dregil eftir sjálfa sig
orðin 90 ára gömul en framleiðir enn slík listaverk. Hjá henni stendur Guðrún Jónsdóttir
úr Valþjófsdal í önundarfirði og sitjandi Margrét Ketilsdóttir úr Grindavík.
Hafnarfirði sem við vonum að geti
tekið til starfa um næstu áramót.
— Leysir ekki bygging B-álmu
Borgarspítalans að einhverju leyti
þennan vanda?
— Hún verður fyrir langlegu-
sjúklinga að því mér er tjáð en á
auðvitað að vera fyrir gamalt fólk
því fjármunir til hennar koma að
lang mestu leyti úr Fram-
kvæmdasjóði aldraðra sem stofn-
aður var í fyrra með nefskatti á
alla þjóðina.
Vistheimilið héma er fyrsta
bygging okkar sem fær opinberan
styrk. Hann var nú ekki nema um
8% af byggingarkostnaði en ég
býst við að um 26% byggingar-
kostnaðar Hjúkrunarheimilisins
verði frá hinu opinbera. Ríkið
styrkir hins vegar allar sjúkrahús-
byggingar 85%. Við verðum samt
að fylgja öllum lögum og reglum
sem sett eru um rekstur slíkra
stofnana. Daggjaldakrfið fer t.d.
eftir því hvaða þjónusta er veitt og
þau eru ákveðin af fimm manna
nefnd á vegum ríkisins. Fyrir
okkur eru þau of lág og hafa verið
lengi.