Sjómannablaðið Víkingur - 01.03.1982, Síða 21

Litast um í eldhúsinu
Magnús Guðmundsson kokkur tekinn tali
Til að kynnast sem flestum
þáttum starfseminnar að Hrafn-
istu brugðum við okkur í eldhúsið
sem eins og á flestum heimilum er
lífæð hússins. Þaðan kemur mat-
urinn sem er jú mannsins megin
og til að elda ofaní 400 vistmenn
auk starfsfólks þarf víst að halda
vel á spöðunum.
Yfirmaður eldhússins er
Magnús Guðmundsson, grannur
og snaggaralegur maður í kring-
um sjötugt, svarthærður mjög.
Magnús býður mér inn á skrif-
stofuna sína og ég spyr hve lengi
hann hafi gegnt þessu starfi.
Magnús Guðmundsson yfimiatsvcinn á Hrafnistu í Rcykjavík hefur starfað þar síðan
árið sem heimiiið var opnað. „Ég byrjaði til sjós árið sem cg fermdist og var á sjó þar til ég
byrjaði hér, lengst á nýsköpunartogaranum Röðli frá Hafnarfirði‘% segir Magnús.
39 manna starfslið,
margt með 10—15 ára
starfsaldur
— Ég byrjaði hérna sama ár og
heimilið tók til starfa eða 1.
desember 1957 en starfsemin
hófst á Sjómannadaginn 6. júní,
held ég. Ég hef því starfað hér í
rúm 24 ár og séð heimilið stækka
frá því að hýsa 30 vistmenn eins
og var þegar ég kom, upp í 454
þegar mest var.
— Hvað starfar margt fólk
undir þinni verkstjóm?
— Eg held að það séu 39
manns með hlutavinnufólkinu því
margir vinna hér Vi og 34 starf.
Verkstjórasvæði mitt er stóri
borðsalurinn uppi, eldhúsið,
vinnslurnar, bakaríið, minni
borðsalurinn uppi og borðsalur
starfsfólksins. Konan mín er
reyndar verkstjóri eða flokksstjóri
í stóra borðsalnum því það þótti of
mikið fyrir mig að stjórna þessu
öllu. Þar vinna 15 stúlkur. Konan
mín hefur unnið hér síðan 1959.
— Þjóna stúlkurnar til borðs?
— Já, já. Við byrjum að senda
upp matinn klukkan ellefu, í allar
hjúkrunardeildir og til þess fólks
sem liggur daglega. Síðan eigum
við eftir tvo borðsali, þann stóra
og bláa salinn sem svo er kallaður
vegna þess að verkstjórinn og
önnur stúlka þar voru bláklæddar,
ekki það að hann væri málaður
blár.
Eldhúsið er lífæð hússins eins og á öllum heimilum og næg eru verkefnin daginn út. Þau
litu upp úr verkinu rétt snöggvast, þau Anna Eyjólfsdóttir sem starfað hefur í tólf ár í
eldhúsinu á Hrafnistu og Magnús Margeirsson matsveinn. Hjá þeim stendur Magnús
Guðmundsson sem rætt er við hér á síðunni.
VÍKINGUR
21