Sjómannablaðið Víkingur - 01.03.1982, Síða 56

Hreiðar og Matthías úr Laugalækjarskóla. „Einn keyrði á baujuna þegar við vorum að
æfa okkur að leggja að.“
fara í lengri túra, segir Ævar. Þá
myndu örugglega fleiri velja þetta
fag. Það væri gott að fara einn túr
fyrst um haustið, læra svo fögin og
fara svo aftur um vorið, lengri túr,
heldur hann áfram. Maður veit
miklu betur hvað maður er að
læra eftir að hafa kynnst þessu í
reynd. Það er mjög mikilvægt að
hafa góða kennara, bætir Guð-
laugur við. Við vonum að næsti
árgangur njóti þessarar byrjunar-
reynslu okkar, segja strákanir og
við þökkum þeim spjallið.
Átti að leggja upp
að bauju en
rakst á hana
Úr Laugalækjarskóla heimsóttu
okkur Matthías Pálsson og Hreið-
ar Haraldsson. Það var nú mest
tilviljun að við völdum sjóvinnuna
segja þeir, við spurðum stráka sem
voru í þessu í fyrra og þeir sögðu
þetta skemmtilegt segir Matthías
og það hefur ekki brugðist, þetta er
það skemmtilegasta í skólanum.
— Áhuginn vaknaði mjög
mikið þegar við fórum á sjóinn,
segir Hreiðar. Maður skildi betur
hvað maður var að læra í sigl-
ingafræðinni, heldur Matthías
áfram. Það var mjög gott að vera
búinn að læra hana áður en við
fórum, bætir Hreiðar við.
56
—- Hvernig fiskaðist hjá ykkur?
— Okkur gekk betur í fyrri
túmum, þá seldum við aflann en
seinni daginn skiptum við aflan-
um á milli til að eiga í frystikistu.
Við fengum um 250 kíló fyrri
daginn.
— Voruð þið sjóveikir?
— Það voru allir sjóveikir
nema við. Einn fór ekki seinni
túrinn vegna sjóveiki.
— Hvaða veiðiaðferð fannst
ykkur skemmtilegust?
— Netin, segir Hreiðar, það
var svo gaman að ná þeim upp.
Mér fannst handfærin líka
skemmtileg, bætir Matthías við,
samt fengum við næstum ekkert á
þau.
— Hvað finnst ykkur megi
leggjd meiri áherslu á í kennslunni?
— Það mætti fara fleiri túra,
segir Matthías snöggur, meira
verklegt. Leggja meiri áherslu á
kunnáttu í tækjum, segir Hreiðar,
við höfum bara skoðað tækin sem
voru um borð í Þorsteini og svo
fengum við að skoða Farsæl. Það
væri gaman að fá að skoða tækja-
salinn í Sjómannaskólanum. Við
erum að klára það bóklega, tökum
lokapróf í siglingareglum í janúar,
segir Matthías, eftir það fáum við
meira verklegt. Fyrri túrinn var
maður mjög óöruggur, var aðeins
farinn að kynnast þessu seinni
daginn en þá var allt búið.
— Kom ekki eitthvað skemmti-
legt fyrir hjáykkur?
— Jú, jú, við fengum að æfa
okkur að leggja að bauju og ég var
ekki klárari en það að ég rakst á
baujuna, segir Matthías kímileit-
ur. Eldamennskan gekk nú líka
upp og ofan, segir Hreiðar. Einn
var sendur niður að kokka en kom
grænn upp aftur og gafst upp. Þá
var annar sendur niður en hann
sauð pylsumar alltof mikið, þær
urðu að mauki. Seinni daginn
stíflaðist eldavélin og allt fylltist af
sóti.
— Fáið þið ekki pungapróf eftir
þetta?
— Við fáum allavega 30 tonna
próf ef við náum og kannske
verður það hækkað upp í 60 tonn.
Það kemur sér betur ef maður fer
út í trilluútgerð.
— Haldið þið að sjómannslífið
sé spennandi?
— Ekki til að vera í því alla
ævi, eftir því sem maður hefur
heyrt. Fiskveiðamar held ég að
séu meira spennandi en far-
mennska, segir Hreiðar. Það gæti
nú verið ágætt að prufa siglingar
en það fylgja því miklar fjarvistir,
bætir Matthías við.
— Við viljum hvetja alla til að
fara í sjóvinnu næsta ár, segir
Hreiðar ákveðinn. Það er mjög
gott að fá þetta í skólanum en
þurfa ekki að sækja námskeið
annars staðar, heldur Matthías
ákveðinn áfram og við kveðjum
þessa ungu, ef til vill verðandi
sjómenn.
E.Þ.
Það bezta við vinsæla tónlist er að
hún er ekki vinsæl lengi . ..
★
Það er aðeins eitt verra en umtal.
— Og það er ekkert umtal...
★
Kirkjugarðurinn erfulluraf fólki,
sem hélt að það væri ómissandi
VÍKINGUR