Sjómannablaðið Víkingur - 01.08.1988, Qupperneq 45

Leitað svara
í þessu blaði hefur göngu sína
nýrþáttur sem víð höfum nefnt
„Leitað svara“. Eins og nafnið
bendir til er ætlunin sú að les-
endur beini fyrirspurnum til
þeirra sem gerst mega vita og
við öflum svara.
Fyrirspurnirnar geta verið
um allt frá siglutoppi ofan í kjöl,
svo fremi það varði líf og störf
sjómanna. Það má hugsa sér
spurningar um kjaramál, mál-
efni stofnana á borð við Sigl-
ingamálastofnun, Hafrann-
sókn eða einhverjar aðrar,
tæknileg málefni, læknisfræði-
leg málefni (til dæmis með-
höndlun slasaðra um borð)
osfrv. Fyrirspurnunum má
koma til Víkingsins bréfleiðis
eða með því að hringja í rit-
stjórnina. Síminn er 91-29933.
Víkingurinn mun leita svara
við fyrirspurnum lesenda hjá
þeim sem gerst mega vita,
hvort sem það eru stéttarfélög,
stofnanir eða sérfræðingar og
birta svörin undir þessum
haus: Leitað svara.
Hvernig breytast skattarnir?
í fyrsta þætti höfum viö beint
fyrirspurn til embættis ríkis-
skattstjóra um breytingar á
skattamálum sjómanna í kjölfar
nýja staðgreiðslukerfisins.
Fyrirspurnin var svona:
Hvernig breyttist
skattafsláttur sjómanna
með tilkomu stað-
greiðslukerfisins?
Svar: „Samkvæmt eldra skatt-
kerfi voru reglurnar þannig að
sjómaður hafði í sjómannafrá-
drátt vissa krónutölu fyrir hvern
dag sem hann var lögskráður.
Sama regla gilti um hlutaráðinn
sjómann og landmenn enda
þótt þeir væru ekki lögskráðir.
Þetta var frádráttur frá tekju-
skattsstofni.
Frá tekjum ársins 1987 leyfð-
ust þannig 432 krónur á dag.
Einnig var um að ræða
svokallaðan farmanna- og
fiskimannafrádrátt sem var
12% af beinum tekjum sjó-
manna af fiskveiðum á íslensk-
um fiskiskipum og launum
vegnasjómannsstarfa um borð
í farmskipum, farþegaskipum,
rannsóknarskipum, varðskip-
um, björgunarskipum og sand-
dæluskipum. Þessi regla gilti
einnig um hlutaráðna land-
menn.
Auk þess fengu sjómenn
samkvæmt eldra skattkerfi
fæðisfrádrátt fyrir hvern út-
haldsdag að mati ríkisskatt-
stjóra ef þeir þurftu sjálfir að sjá
sér fyrir fæði eða nutu ekki
fæðisgreiðslu frá áhafnadeild
aflatryggingasjóðs.
í núverandi skattkerfi eru
reglurnar þannig að sjómaður
sem lögskráður er á íslenskt
skip eða skip sem gert er út af
íslensku skipafélagi nýtur sjó-
mannaafsláttar sem dreginn er
frá tekjuskatti fyrir hvern dag
sem hann telst stunda sjó-
mannsstörf.
Hlutaráðnir sjómenn og
landmenn sem ekki eru lög-
skráðir njóta einnig sjómanna-
afsláttar.
Einungis þeir sjómenn sem
eru lögskráðir njóta sjómanna-
afsláttarins í staðgreiðslu. Hinir
fá sjómannaafsláttinn við
álagningu oþinberra gjalda.
í núverandi skattkerfi eru öll
hlunnindi skattlögð, þar með
talin fæðishlunnindi. Sjómenn
njóta þvl ekki nú eins og áður
sérstaks frádráttar vegna fæð-
is.
Rétt er að vekja athygli á því
að samkvæmt reglugerð um
persónuafslátt og sjómannaaf-
slátt nr. 79/1988 er dagafjöldi
sjómannaafsláttar ákveðinn
eftir sérstökum reglum. Fyrst
eru taldir lögskráningardagar
og síðan koma „aðrir dagar“.
Þar er um að ræða daga sem
skip liggur í höfn vegna tíma-
bundinna tafa frá veiðum eða
vegna viðgerða eða þegar
skipt er um veiðarfæri. Einnig
nýtur sjómaður sjómannaaf-
sláttar þá daga sem hann er í
launuðu orlofi eða er veikur. En
frídagar án launa teljast ekki
með í þessu sambandi.
Sjómannaafsláttur var fyrstu
6 mánuði þessa árs kr. 408 en
er frá 1. júlí 444 krónur á dag.“
Kristín Norðfjörð
lögfræðingur hjá
fííkisskattstjóra
VÍKINGUR 45