Sjómannablaðið Víkingur - 01.09.2000, Blaðsíða 17

Eiríkur Jónsson
stýrimaður sigldi
Sveini Jónssyni KE
til Suður-Afríku
fyrr á árinu og segir
hér ferðasögunaí
máli og myndum
var sía á vatninu sem var vægast sagt ógeðsleg og einnig var sér-
stök sía við kaffivélina sem var enn verri. Við höfðum reynt að
hella á kaffi en það lyktaði alltaf mjög illa og bragðaðist ennþá verr.
Upþúr þessu lagaðist ástandið á vatninu og heilsan skánaði og
kaffið varð drekkandi. Eftir þessa reynslu sáum við hversu lítið er
raunverulega af lyfjum sem nota má við þessar aðstæður því töfl-
urnar kláruðust strax þó við notuðum eins lítið og mögulegt var. Við
komum til Las Palmas að kvöldi 26. júni kl. 23 að staðartíma eftir
tæplega 9 sólahringa siglingu. Þar tókum við vatn og olíu strax
um nóttina og var því lokið kl. 8 um morguninn þann 27. júní. Strax
Sveinn við bryggju í Cape Town.
um morguninn kom um borð maður sem vildi eiga viðskipti með
kopar og aðra málma. Eftir málæði og handapat endaði það með
þvi að hann fékk 4 kg af kopar en við tvær léttvínsflöskur sem að
hans sögn voru þvílík eðalvín að annað eins var fáheyrt. Þetta
voru í raun ódýr vín sem ekkert var varið í, en gaman var að fylgj-
ast með þegar hann var að særa koparinn út úr vélstjóranum og
mátti ekki á milli sjá hvor var harðari í prúttinu. Deginum eyddu
menn við það að skreppa í land og versla lítillega. Mestur tíminn
hjá mér fór í reddingar í sambandi við að útvega kost. Þar sem ekki
hafði verið pantaður kostur fyrirfram og peningayfirfærslur frá S-Afr-
íku taka tíma varð ég að fara með höndlaranum og taka út pening
af kortinu til að borga kostinn.
Við sáum þarna hvað íslenskur saltfiskur er vel kynntur á Spáni
því allan daginn fengum við ekki frið. Spánverjarnir bentu alltaf á
fánann og sögðu bacalao og trúðu því ekki að skipið væri ekki fullt
af saltfiski. Ólfklegustu menn, þ.á.m hafnarlöggan og olíukallarnir
sem voru að afgreiða kínverskan dall sem lá fyrir aftan okkur, voru
að betla af okkur og endaði með því að við skiptum á saltfiski og
einhverskonar túnfisktegund sem olíukallarnir fengu hjá Kínverjun- ►
Ingimundur Valgeirsson - Siglingastofnun
Liin£úu\iiín3í\i\n ixm
öryggismál h)bh\í 3s\ih\
Fréttaskot - staðan 11. september 2000
Undirbúningsvinnu að gerð langtímaáætlunar um öryggismál
sjófarenda lýkur í seinni hluta september mánaðar og verður
þá tekin afstaða til athugasemda og tillagna sem hafa borist um
öryggismálin. Verkefnisstjórn velur brýnustu verkefnin sem ráðast
þarf í og að því loknu er gerð ítarleg framkvæmdaáætlun til
ársins 2004 og verður hún lögð fram og kynnt í október 2000.
Hluti undirbúningsvinnunnar fólst í að safna saman
athugasemdum og tillögum frá sjómönnum og öðrum sem að
öryggismálunum koma. Auglýst var eftir þátttakendum og send
voru út kynning á verkefni og spurningalistar um öryggismál
beint til sjómanna og útgerða. Spurningalistar voru útbúnir
sérstaklega fyrir flutningaskip, farþegaskip, fiskiskip og smábáta.
Svörun er misgóð eftir tegundum skipa/báta og þann 11. sep-
tember hafa borist til baka um tíundi hluti spurningalista.
Þátttaka sjómanna var almennt ekki eins góð og vonast var
eftir, en þó nokkrir hafa ákveðnar skoðanir á málunum og á mör-
gum spurningalistum sem hafa borist til baka eru athyglisverðar
athugasemdir. Ýmsar góðar ábendingar fengust frá þeim sem
létu í sér heyra eða skiluðu inn skriflegum athugasemdum.
Einnig var leitað beint til ýmissa aðila sem hafa sérþekkingu á
einstökum þáttum sem tengjast öryggismálunum og tekið var
saman efni sem erindi á í áætlunina úr ýmsum nýlegum
skýrslum og ritum.
Ýmsar upplýsingar um slys á sjó eru teknar saman og verða
þær hafðar til hliðsjónar við ákvörðun mikilvægustu verkefna
ásamt því að hægt er að nota þær sem mæiigildi á árangur
langtímaáætlunar.
Athugasemdir hafa komið á marga flokka öryggismálanna og
er hugmyndin að birta sem flestar þeirra á heimasíðu
verkefnisins ásamt völdum tillögum verkefnisstjórnar þegar þær
liggja fyrir. ■
Sjómannablaðið Víkingur - 17