Sjómannablaðið Víkingur - 01.02.2005, Qupperneq 15

Fundur sjávarútvegsráðherra heims
Átak gegn sjóræningjaveiðum
Sjávarútvegsráðherrar heimsins hafa á-
kveðið að hefja nýtt alþjóðlegt átak til
að berjast gegn ólöglegum veiðum,
svokölluðum sjóræningjaveiðum. Þetta
var ákveðið á fundi sjávarútvegsráðherra
aðildarríkja matvæla og landbúnaðar-
stofnunar Sameinuðu þjóðanna, FAO,
laugardaginn 12. mars. Fundinn sátu
rúmlega 50 ráðherrar, en alls sátu fund-
inn fulltrúar meira en 120 ríkja heims.
Fundurinn taldi að timi sé komin til að
breyta orðum í athafnir en tvö ár eru síð-
an ályktun um ólöglegar veiðar var sam-
þykkt í fiskinefnd FAO. Átaks væri þörf í
að framfylgja þeim samningum og áætl-
unum um sjálfbæra nýtingu sem gerðar
hafa verið undanfarna áratugi.
í ályktun fundarins er meðal annars
hvatt lil þess að ríki sem ekki hafa full-
gilt hafréttarsamning Sameinuðu þjóð-
anna, samning FAO um framfylgd frá
1993 og úthafsveiðisamninginn frá
1995, geri það. Jafnframt eru fánaríki
brýnd til að gefa svæðisbundnum fisk-
veiðistofnunum nákvæmmar upplýsingar
um veiðar skipa sinna. Þá er hvatl til
stóraukinnar alþjóðlegrar samvinnu
varðandi eftirlit með veiðum, þar með
talið um að koma upp gervihnattaeftir-
liti.
Árni M. Mathiesen sjávarútvegsráð-
herra sat fundinn. Hann tók undir það
að styrkja þyrfti starf svæðisbundinna
stjórnunarstofnanna, m.a. varðandi upp-
lýsingagjöf og eftirlit. Þá lagði hann á-
herslu á að ríki stæðu við skuldbindingar
sínar sem fánaríki og hafnríki, og
tryggðu að skip fylgi reglum. Hann
minnti einnig á að á alþjóðlegum vett-
vangi væri nú þegar búið að gera margar
mikilvægar samþykktir. Það sem mestu
skipti nú væri að koma þessum skuld-
bindingum í almenna framkvæmd. Þau
tæki sem þyrfti væru til staðar og ríki
heims yrðu að starfa saman að því að
nýta þau gegn ólöglegum fiskveiðum.
Áhrif flóðbylgjunnar miklu í Indlands-
hafi á annan jóladag var einnig til um-
ræðu á fundi ráðherranna. Rætt var
hvernig ætti að aðstoða ríkin í endur-
uppbyggingu sjávarútvegs í ríkjunum
sem verst urðu út. Samstaða var um að
aðstoðin ætti að taka til allra þátta; að
hjálpa áfrarn við að endurreisa fiskveiðar
og -vinnslu til að tryggja framboð á mat.
Þá ætti aðstoðin einnig að taka til grein-
ingar, rannsókna, mati á fiskistofnum, og
skilvirkrar fiskveiðistjórnunar og þannig
stuðla að sjálfbærri þróun í sjávarútvegi
ríkjanna. Lögð var áhersla að fiskideild
FAO hefði þar grundvallar hlutverki að
gegna.
Samkeppni í grunnskól
nm um sjávarútvegsvef
Sjávarútvegsráðuneytið og menntamálaráðuneytið
munu standa fyrir samkeppni á þessu skólaári meðal
grunnskóla landsins um verkefni sem ber yfirskriftina
Sjávarútvegur í fortíð, nútíð og framtíð í tilefni af því að
hinn 6. mars voru liðin 100 ár frá því fyrsti íslenski log-
arinn, Coot, kom til heimahafnar í Hafnarfirði.
Um er að ræða verkefni þar sem nemendur búa til
sérstakan sjávarútvegsvef eða vefsvæði á veraldarvefnum
um framangreint elni. Verkefnið verður ekki afmarkað
frekar og því hafa skólarnir sjálfdæmi um útfærslu þess.
Þannig geta skólastjórnendur/kennarar í hverjum skóla
ákveðið umfang verkefnisins og hvort það verði unnið
af ákveðnum bekkjum, árgöngum eða verði samvinnu-
verkefni fleiri aldurshópa. Auðvelt ætti að vera að fella
það að markmiðum aðalnámskrár grunnskóla og tengja
það ýmsum námsgreinum, einni eða Ileiri, s.s. stærð-
fræði, heimilisfræði, íslensku, myndmennt, sögu, líf-
fræði eða samfélagsfræði svo eitthvað sé nefnt.
Markmiðið með samkeppni af þessu tagi er að auka
innsýn skólabarna í undirstöðuatvinnugrein þjóðarinn-
ar, sjávarútveg, og veita þeim um leið tækifæri til að tjá
eigin hugmyndir um greinina. Jafnframt er verkefninu
ætlað að vekja athygli almennings á sjávarútvegi og
víkka þá umræðu sem á sér stað um hana. Ef vel tekst
til má ætla að skólarnir geti þróað verkefnið frekar í
framtíðinni og jafnvel yfirfært hugmyndir sínar á aðra
þætti í skólastarfinu. Gæti það jafnvel orðið grunnur að
samvinnuverkefni milli einstakra skóla eða landa.
Veitt verða vegleg verðlaun fyrir þrjú bestu verkefnin og munu verð-
launin koma í hlul viðkomandi skóla. Sérstök dómnefnd mun meta
verkefnin. Við val á verðlaunaverkefnum verður tekið mið af fram-
setningu, hugmyndavinnu, fræðslugildi, efnistökum, heildarsvip og
fleiri þáttum. Fulltrúum þeirra skóla sem verða í þrem efstu sætunum
verður síðan boðið á sjávarútvegssýninguna í september 2005 þar sem
verðlaunin verða afhent.
Lína og ábót.
Norska 5,5 mm.
línan sem er að slá í gegn
Skútuvogi 6-104 Reykjavík
Sími 553 3311 - Fax 553 3336
www.8jo.is - sjo@sjo.is^^^
Sjómannablaðið Víkingur - 15