Sjómannablaðið Víkingur - 01.02.2005, Blaðsíða 26
Hilmar Snorrason skipstjóri
lUtan úr
heimi
Flóðbylgjan mikla
Það fór ekki framhjá nokkurri manneskju hér á landi þær óg-
urlegu hörmungar sem flóðbylgjan olli á Indlandshafi. Mikill
fjöldi fiskimanna á litlum fiskiskipum fórust um allt Indlandshaf
þegar bylgjan reis skyndilega eftir neðansjávarjarðskálfta. Ein-
ungis eitt kaupskip varð fórnarlamb þessa miklu náttúruham-
fara. Sementsáutningaskipinu Sinar Andalas, sem var 6.700 tonn
að burðargetu, hvolfdi undan eyjunni Lhoknga á Sumötru og
fórust með skipinu 15 skipverjar.
Mikil ánœgja er með árangur heimamanna aj rekstri Panamaskurðar.
Betri skipaskurður
Nú eru fimm ár liðin frá því Bandaríkjamenn létu af hendi
Panamaskurðinn til heimamanna. Við samantekt á þjónustu um
skurðinn frá því hann laut stjórn Bandaríkjamanna hefur komið
í ljós að siglingatími skipa um skurðinn hefur styst um 20%
með auknum leyfilegum hámarkshraða. Þá hefur umferð um
skurðinn aukist um 17% og óhöppum í skurðinum fækkað gíf-
urlega en aðeins 10 óhöpp voru skráð á síðasta ári. Það sést vel á
þessum tölum að tímabært var orðið að kanarnir kæmu sér
heim.
Hafnarmet
Það voru fleiri met slegin á síðasta ári en hitamet á íslandi.
Það reyndist þó ekki vera verra met en eigið sem höfnin í
Shanghai náði að toppa. Um höfnina fóru „aðeins“ 14,55 milljón
TEU gámaeiningar og slógu þeir eldra hafnarmet um 29%. Al-
mennur flutningur hafnarinnar náði 382 milljónum tonna sem
gerir hana að eina stærstu höfn heims.
Sektir fyrir leti
Það borgar sig að vera duglegur í bókhaldi og skráningum á
öllu því sem gerist um borð í skipum sem leið eiga um banda-
ríska landhelgi. Skipstjórinn á þýska gámaskipinu Ibuki fékk að-
eins 750 þúsund dollara sekt fyrir að geta ekki sýnt útreikninga
á uppsöfnun úrgangsolíu eða hvernig haldið væri utan um hana
um borð. Skipið hafði verið stöðvað til skoðunar af strandgæsl-
unni undan strönd Hawaii en það var á leið frá Asíu til Kaliforn-
íu. Skipið var kyrrsett í Honolulu ásamt sjö skipverjum.
Varið ykkur á olíuslóðanum
Meira af mengunarmálum því þau eru að verða eitt mesta
vandamál skipstjóra. Þeir fá skyndilega heimsóknir frá yfirvöld-
um sem ásaka þá um mengun heimshafanna. Tyrkneskur skip-
stjóri var dæmdur fyrir skömmu í Frakklandi fyrir að hafa losað
óhreinindi í sjó innan mengunarlögsögu. Var honurn gefið að
sök að hafa dælt út skolvatni meðan á tankahreinsun stóð. Fyrir
dómi voru lagðar fram loftmyndir franska flughersins sem sýndi
7 km olíuslikju í kjölfari skipsins. Þrátt fyrir stöðuga neitun
skipstjóra á sök dugði það lítið til og var hann dæmdur til að
greiða 100 þúsund evrur. Er þetta hæsta sekt sem dæmd hefur
verið fyrir atvik sem þetta en áður höfðu slíkar sektir verið á
bilinu 10-15 þúsund evrur.
Óheiðarlegir hermenn
Sjóránin taka á sig ýmsar myndir. Fyrr á þessu ári hurfu tvö
lílil olíuskip African Pride og Jimoh á undarlegan hátt en fund-
ust síðar í höfninni í Port Harcuort og Dutch Island í Nígeríu.
African Pride hafði reyndar ekki skipt um nafn en Jimoh hafði
verið nefnt Lort. Það sem sérstakt var við þetta mál var að þrír
skipverjar á Jimoh og átta yfirmenn á nígeríska varðskipinu
NNS Beechcroft stóðu að þessum ránum og hafa þeir verið
handteknir. Ljóst má vera að erfitt getur verið fyrir sjómenn að
verjast þegar ræningjarnir koma undir merkjum herja sem sjó-
mönnum ber að hlýða.
Lýsa frati á reglurnar
Hópur Norðmanna tók sig til fyrr á þessu ári og sýndu fram á
að nýjar alþjóðareglur um siglingavernd (ISPS) séu í raun og
veru að veita falskt öryggi. Til að sanna mál sitt köstuðu þeir
æfingahandsprengjum að Fjordline ferjunni Júpiter þegar hún
var að sigla frá Stavanger til Newcastle. Skömmu síðar sigldu
þeir á mikilli ferð á gúmmíbát að skipinu og komu fyrir reyk-
blysum á bol skipsins til að sanna enn fremur öryggisskort þrátt
fyrir ítarlegar reglur til verndar skipum.
Prestige sekkur en málinu er ekki lokið tveimur árum síðar.
Enn af Prestige
Olíuskipið Prestige hefur nokkuð oft verið til umfjöllunar hér
á þessum síðum og þá aðallega fyrir meðferð spænskra yfirvalda
á skipstjóra skipsins. Hinn 69 ára skipstjóri Apostolos Man-
gouras hefur verið í stofufangelsi í tvö ár og þrátt fyrir að heilsu
hans hafi hrakað hafa læknar metið hana þó svo að réttlætan-
legt sé að halda honum áfram. En nú gæti bið hans brátt verið á
enda þar sem rannsóknaraðilar á Bahama hafa lokið rannsókn á
málinu. Niðurstaða þeirra er sú að ekki er sé nein einhlýt á-
stæða fyrir því að þetta 25 ára olíuskip fórst en þeir komast að
26 - Sjómannablaðið Víkingur