Sjómannablaðið Víkingur - 01.02.2005, Blaðsíða 38
Heimildamynd um áhöfn Kleifabergs og Roðlaust og beinlaust
Tímabært að sýna aðra
hlið á sjávarútveginum
Akveðið hefur verið að gera heimilda-
mynd um áhöfnina á Kleifarberginu
Óf-2 frá Ólafsfirði og hljómsveitina
þeirra Roðlaust og beinlaust. Að fram-
leiðslunni stendur reynt kvikmyndagerð-
arfólk sem setur markið hátt. Einnig er
það með hollenskan meðfram-leiðanda
og er ætlunin að koma myndinni á fram-
færi erlendis. Undirbúnings- og þróunar-
styrkur fékkst frá Kvik-
mynda-miðstöð íslands
heimildamyndasj óði.
Framleiðslumsókn hefur
verið lögð fram og hefur
hún fengið jákvæð við-
brögð. Heimildamynda-
sjóður leggur fram 40%
af fjármagni í myndina
og verið að leita eftir
stuðningi til að fullfjár-
magna myndina. Kostn-
aðaráætlun er upp á rúm-
ar ellefu milljónir króna.
Um myndefnið segir
Ingvar Á. Þórisson leik-
stjóri meðal annars:
Hljómsveitin ROÐ-
LAUST OG BEINLAUST
hefur náð að heilla lands-
menn með nútímalegu og
hressilegu sjómannarokki og hefur vakið
athygli tónlistarsérfræðinga.
í ntyndinni kynnumst við lífi hópsins
sem stendur að hljómsveitinni. Það er ó-
neitanlega forvitnilegt að kynnast sjó-
mönnum sem eru mestan hluta ársins
fjarri heimilum sínum og vinna við erfið-
ar og oft hættulegar kringumstæður en
hafa samt sem áður krafta til þess að
halda úti hljómsveit sem heldur tónleika
og gefur út geisladiska.
Við munum fylgja köllunum á haf út í
slori og kulda - og uppá svið 1 „glamúr
og frægð“. Hvernig gengur að sætta
þessa ólíku heima?
Togarinn - hljómsveitin - þorpið
Ramminn um þessa sögu er togarinn,
hljómsveitin og í bakgrunni er þorpið,
Ólafsfjörður. Við munum kynnast lífinu
um borð í togaranum á vertíð; púlvinnu
við erfiðar aðstæður, hættum náttúrunn-
ar og fegurð hafsins, spennu og átökum í
samskiptum manna, leiða, slysum og erf-
iðleikum en líka félagsskap og samstöðu.
Samskiptum manna við fjölskyldur, gleði
og sorgum. Fríi í landi þar sem hljóm-
sveitin spilar við ýmis tækifæri, stúdíó-
vinnu og málefnum hljómsveitarinnar,
plötuútgáfu o.þ.h. Fyrir jólin settu þeir
stefnuna á erlendan markað og gáfu út
eitt jólalag í Færeyjum í framhaldi af því
hefur opnast möguleiki fyrir hljómsveit-
ina að spila þar.
Hljómsveitin ROÐLAUST OG BEIN-
LAUST var stofnuð af áhöfninni á Kleifa-
berginu í Vaglaskógi sumarið 1998. Síðan
hefur hljómsveitin komið fram á tónleik-
um víða um land og í sjónvarpi og út-
varpi. Aðalforsprakki hljómsveitarinnar
er Björn Valur Gíslason stýrimaður.
Fyrsti geisladiskur hljómsveitarinnar,
BRÁÐABIRGÐARLÖG, kom út árið 2001
og seldu björgunarsveitir víða um land
þann disk í tæplega 2.000 eintökum og
fengu að launum ágóðann af diskinum. í
desember 2002 kom út jólalag sem heitir
í friði og ró (Let it snow) sem sló i gegn
og varð eitt mest spilaða lag á Rás 2 fyrir
þau jól. Diskurinn BRÆLUBLÚS kom út
í nóvember 2003 og var í upphafi seldur
af björgunarsveitum sem fengu ágóðann
sem fyrr í sinn vasa. Hann fór síðan i
símasölu til styrktar Slysavarnar-skóla
sjómanna og hefur selst mjög vel eða í
ríflega 6.000 eintökum.
Þetta er einkennileg hljómsveit. Pað
eru aðeins tveir í áhöfninni sem spila á
hljóðfæri þegar þeir koma fram en aðrir
syngja með. Síðan eru tveir fastir hljóð-
færaleikarar í landi. Lögin og textarnir
eru þó allir þeirra og þeir stjórna þvi
hvernig þau mál eru.
Frumsýnd á sjómannadaginn
2006
Áætlað er að frumsýna myndina á Sjó-
mannadaginn 2006 í Ólafsfirði, Reykja-
vík, Akureyri, ísafirði og
víðar. Við gerunt ráð fyrir
því að selja myndina á allar
norrænu sjónvarpsstöðv-
arnar. Þá höfum við áform
um sölu á aðrar evrópskar
sjónvarpsstöðvar .
Þá höfurn við áforrn um
sölu á aðrar evrópskar sjón-
varpsstöðvar i samvinnu
við meðframleiðandi
myndarinnar í Hollandi
HILHORST PRODUCT-
IONS.
Við teljum að umfjöllun-
arefni myndarinnar sé til
þess fallið að vekja athygli
sjónvarps-stöðva erlendis,
bæði á Norðurlöndum og
annars staðar í Evrópu. Eng-
inn vafi er á því að mynd
sem þessi er góð kynning á landi og
þjóð, atvinnulífi og menningu. Hér verð-
ur fjallað um grunnatvinnuveg þjóðar-
innar, sjávarútveginn og jafnframt það
blómlega menningarstarf sem á sér stað i
þorpum úti á landi og jafnvel úti á sjó.
Með myndinni verður sýnt fram á að það
getur verið skemmtilegt að starfa í sjáv-
arútvegi ekki síður en annarsstaðar. Það
er kominn tími til að sýna aðra hlið á
sjávarútveginum en sýnd hefur verið um
lengri tíma og það er m.a. markmiðið
með gerð heimildarmyndarinnar um
Roðlaust og beinlaust. Jón Þórisson skrif-
ar handrit myndarinnar. Myndataka er 1
höndum Steinþórs Birgissonar og Ingvars
Á. Þórissonar, Árni Gústafsson sér um
hljóð og framkvæmdastjórn er á höndurn
Birnu Gunnarsdóttur.
Aðstandendur myndarinnar hafa
mikla reynslu af kvikmyndagerð, sjá c.v.
hér á eftir fyrir Ingvar Á. Þórisson Hugo
film og Steinþór Birgisson Víðsýn sem
munu bera hitann og þungann af frarn-
leiðs'.unni.
Hljómsveitin Roðlaust og beinlaust.
38 - Sjómannablaðið Víkingur