Náttúrufræðingurinn - 1961, Síða 20

114
NÁTTÚRUFRÆÐINGURINN
Árni Waag:
Nýr fugl
Trjáspör — Passer montanus.
Hinn 5. nóvember 1958 sá ég tvo trjáspörva í trjágarði við sunn-
anverðan Laufásveg í Reykjavík. Eftir skamma stund flugu þeir í
átt að Bergstaðastræti og hurfu mér sjónum. Þrátt fyrir ítrekaða
leit, fann ég þá ekki aftur þann dag. Þetta mun vera í fyrsta skipti,
sem trjáspör hefur sézt hér á landi með vissu. Næstu daga gekk ég
um þennan bæjarhluta í leit að trjáspörvunum, en fann þá ekki,
fyrr en 15. nóvember. Þá voru þeir í trjágarði við Sjafnargötu.
Fór nú á sömu leið sem lyrr, að ég fann þá ekki aftur þann dag,
þrátt fyrir mikla leit. Næst sáust trjáspörvarnir 23. s. m. og nú í
garðinum við Fjólugötu 1. Þeir voru þar í birkitré, en flugu brátt
niður á flatt skúrþak þar nálægt og virtust finna eitthvað ætilegt á
því. Eftir skamma stund flugu þeir upp á húsþak þar í grennd og
voru eftir það mjög órólegir. Að þessu sinni voru þeir dr. Finnur
Guðmundsson, Jón Baldur Sigurðsson og Sigurður Samúelsson
með mér og staðfestu þeir ákvörðun mína. Eftir það sáust trjá-
spörvarnir ekki íyrr en 1. febrúar 1959. Þá voru þeir enn einu
sinni í garðinum við Fjólugötu 1 í ætisleit með snjótittlingum.
Þegar ég nálgaðist þá, flugu þeir upp í birkitré og þaðan yfir í
garðinn við Fjólugötu 5. Þeir virtust vel á sig komnir og liinir
sprækustu. Fyrrnefndir menn og höfundur sáu nú trjáspörvana
öðru hverju í sama bæjarhluta allt til 12. apríl s. á. Síðan varð
þeirra ekki vart fyrr en 2. nóvember s. á., en eftir það sáust þeir
öðru hverju á sömu slóðum fram til 21. marz 1960, en þá sáust þeir
í síðasta sinn. Það er eftirtektarvert, að spörvarnir virðast hal'a
horfið, þegar fór að vora árið 1959, en birtust svo á sömu slóðum,
er tók að hausta þetta sama ár. Þess ber að gæta, að spörvunum
ásamt öðrum fuglum var gefið reglulega við Fjólugötu 5 og víðar
í þessum bæjarhluta. Trjáspörvarnir hafa því hænzt að þessum
stöðum, en horfið þaðan, þegar möguleikar til mataröflunar juk-