Náttúrufræðingurinn - 1935, Síða 6

50 NÁTTÚRUFRÆÐINGURINN
iiiiiiiimimmimmmiiiiiiiiiiiiiiimiiifiimmmmmiimiiimiiiiimiiimiimimimmiiiiiimimiiimiiiiiiiiiiimiiiiiiiiiiiiiiiiiiift
upplýsingar um það, hvaða tegundir þeir finna, og umfram allt,.
senda þær tegundir til ákvörðunar, sem þeir þekkja ekki sjálfir.
Ef að ritgjörðin nær þessum tilgangi, þá hefur hún unnið sitt
verk. Þá, og því aðeins, getum við öðlast fullnaðar-þekkingu á
því, hvaða tegundir landsnigla hér eiga heima, og kynnst út-
breiðslu þeirra. Sjálfsagt má gera ráð fyrir, að nokkrar af teg-
undunum séu algengar í sumum landshlutum, en sjaldgæfar ann-
ars staðar. Um þetta vitum við, nú sem stendur, aðeins nokkuð,
en því miður harla lítið. Grein þessa ber því, þegar öllu er á botn-
inn hvolft, að skoða sem tilraun til þess að mjaka þekkingu okk-
ar á dýralífi landsins einu feti áfram, með því að kalla á almenn-
ing til aðstoðar hinum fáu fagmönnum. Það er enginn vafi á því,.
að þetta verður einhvern tíma rannsakað, fyr eða síðar. Hingað
koma margir útlendingar á hverju ári. Þeir safna margir miklu,.
og bæta við þekkingu manna á dýralífi landsins. En það ætti að
vera metnaðarmál allra góðra Islendinga, að við mættum sem
mest vinna sjálfir að því starfi að kynnast landinu okkar, og
kynna það öðrum. Ef að þessi tilraun ber þann árangur, sem
æskilegt væri, myndi því verða fagnað með því að birta sem fyrst
samskonar yfirlit um aðra dýraflokka, eftir því, sem þekking
okkar frekast leyfir. Það er nóg verk að vinna fyrir hvern, sem
hefur löngun til, hvort sem hann er skólagenginn eða ekki. Ástæð-
an til þess, að eg hefi valið sniglana sem „tilraunadýr", er sú, að
af þeim er fátt hér á landi, og því auðvelt að átta sig á þeim, og
frekar auðvelt að greina tegundirnar hverja frá annari.
Til þess að forðast misskilning, verðum við að gera okkur
grein fyrir muninum á merkingu orðanna „snigill“ og „kuðung-
ur“. Snigill þýðir dýrið í heild, en kuðungur er skel þess nefnd-
Brekkusnigillinn hefur engan kuðung (enga skel), en .flestir
sniglar hafa kuðung. Beitukóngurinn, sem við finnum í fjörunni,.
Myndir af íslenzkum landsniglum I. KuSungslausir sniglar.
1. HlíSasnigill (Limax arborum). Eðlileg stærð.
2. Brekkusnigill (Agriolimax agrestis). Dálítið stækkaður.
3. RauSi snigill (Agriolimax laevis). Sttækkaður þrefalt.
4. Svarti snigill (Arion ater). Hnipraður saman. Eðlileg stærð.
5. Brúni snigill (Arion subfuscus). Eðlileg stærð.
G. Garðasnigill (Arion hortensis). Séður að ofan og frá hægri hlið. Stækk-
aður tvöfalt.
7. Randasnigill (Arion circumscriptus). Séður að ofan og frá hægri hlið_
Dálítið stækkaður.