Náttúrufræðingurinn

Árgangur

Náttúrufræðingurinn - 01.10.1945, Blaðsíða 11

Náttúrufræðingurinn - 01.10.1945, Blaðsíða 11
NÁTTÚRUFRÆBINGURINN 155 frá Miðdal liefur grafið upp nafnið á dal þessum eða gjá hjá Þor- steini í Háholti, langminnugum manni og margfróðum. Gjáin er býsna tilkomumikil og stórskorin. Entukollur er úr mola- bergi og efst úr láréttum sandsteinslögum. Efst er kollurinn þakinn vikurgjalli, en yzt á vesturbrún hans er greinileg jökulalda, og sýnir það, að jökullinn hefur numið við brún hans, þegar vikurinn féll eða eftir það. Síðan hefur jökullinn þynnzt 50 m. eða meira. Ekki er auðið að vita, hvenær þetta gjall féll á hnúkinn. Þó mætti vel ætla, aðþaðhafiveriðl918. Um kl. 16, er við snerum til baka, gerði allt í einu dimmt muggu- él á okkur, svo að færið spilltist. En er við komum að sleðanum, um kl. 18, birti aftur 02' arerði arlaðasólskin. Við héldum nvi áfram vestur á bóginn og lentum í miklum hliðar- lialla norðvestan í Goðabungu. Allt komst þó klakklaust af, og kl. hálf átta voru við komnir í snjóhúsið, þar sem okkur dvaldist svo lengi í ferðabyrjun. Við grófum nú niður úr hellisgólfinu, unz kom- ið var á mjög hart hjarn eða öllu heldur jökulís. Má ætla, að hjarn- mörk jökulsins hafi verið um þetta bil sumarið 1942. Nú var þarna 300 cm. þykkur snjór frá síðasta vetri — 1942—43. Hæð íshellisins reyndist vera 1245 y. s. Um kvöldið héldum við áfram vestur á Fimmvörðuháls og kom- um þangað kl. 1 um nóttina. Lá leið okkar eftir mjóu snjóhafti norðan í „múlanum" — austurenda Fimmvörðuháls — og var þar hliðarhalli allmikill. Þarna endar Mýrdalsjökull. — Vestan við ,,múl- ann" beygir hálsröðullinn dálítið til suðurs og verður þar allmikill sporöskjulagaður botn, snjólaus að mestu nema fram með norður- jaðrinum. Úr botni þessum kemur vestri kvísl Skógaár og fellur fram úr honum gegnum þröngt gil rétt austan við skíðaskálann. Áður mun botn þessi hafa verið fullur af jökli og það til skamms tíma. Vestan í hann gengur skriðjökulssporður úr Eyjafjallajökli. Mánudaginn 2. ágúst vorum við um kyrrt í skálanum 0°' brifum þar til, en aðkoma var þar hin hraklegasta. Enn fremur mældi Stein- þór umhverfi skálans, ákvað Iiæð hans yfir sjó o. s. frv. Stendur skál- inn í 1040 m. hæð. Um kvöldið héldum við af stað með bakpoka, svefnpoka okkar o. fl., en skildum annað dót eftir í skálanum. Skömmu eftir miðnætti vorum við komnir ofan undir brún Skógaheiðar. Þar skriðum við í svefnpoka í graslaut einni og sváfum af nóttina.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.