Náttúrufræðingurinn

Árgangur

Náttúrufræðingurinn - 01.10.1945, Blaðsíða 21

Náttúrufræðingurinn - 01.10.1945, Blaðsíða 21
NÁTTÚRUFRÆÐINGURINN 165 14. sept. Tími sá, er við Jóhann Kristjánsson og Jóhannes Kol- beinsson höfðum til umráða, var nú þrotinn. Hafði verið svo ráð fyrir gert, að þennan dag skyldi Sigurður Högnason flytja þrjá nýja leiðangursmenn upp að jökli. Héldum við því af stað úr tjaldstað um morguninn í niðaþoku, snjómuggu og afleitu færi. Hittum samt á stöngina, sem við reistum daginn áður í uppleiðinni. Þegar kom suður af jökultaglinu, komumst við brátt niður úr þokunni. Við jökulsporðinn beið Sigurður og þeir leiðangursmennirnir Friðrik Daníelsson, Gunnar Hjaltason og Olafur Björn Guðmundsson. Settu þeir þegar dót sitt á sleðann og lögðu á jökulinn með Steinþóri. Við hengdum dót okkar á hestana, og héldum ofan að Sólheimakoti og gistum þar um nóttina. 15. sepl. Fengum kaupfélagsbílinn frá Hellu til að sækja okkur og farangur. Komum til Reykjavíkur um kvöldið. Steinþór og félagar hans dvöldust á jöklinum fram til 24. sept. Gengu illviðri mestallan tímann. Með miklu harðfylgi fengu þeir sett upp 20 stengur og ákveðið staði þeirra með mælingum. Fer hér á el'tir kafli úr dagbók Steinþórs: 14. sept. Okkur sóttist ferðin niður af jöklinum seint. Ekki var þó farangurinn mikill, en þoka var á jöklinum, svo við þurftum að staðnæmast með fárra mínútna millibili til þess að taka stefnuna á áttavita. Klukkan var orðin 15 þegar við komum að birgðatjaldinu í jökulurðinni. Biðu þeir þar eftir okkur Gunnar Hjaltason, Friðrik Daníelsson og Óli Björn Guðmundsson. Borðuðum við í birgðatjald- inu og bjuggumst síðan til ferðar. Teknir voru matarkassar og svefn- pokar þeirra félaga á sleðann, sem nú þyngdist töluvert. Kl. 17 lögð- um við af stað á jökulinn á nýjan leik, en þeir Jón héldu til byggða nokkru síðar. Ferðin upp eftir gekk greiðlega. Við fylgdum nú slóð- inni til baka, og þokunni tók að létta, eftir því sem kvöldaði. Kom- um við í tjaldstað kl. 22.30. 15. sept. Veður bjart og stillt. Þó var þokuslæðingur á jöklinum öðru hverju framan af degi. Lítið frost. Voru nú merkistengur út- búnar í snatri, en til þess hafði ekki unnizt tími áður. Var því ekki hægt að leggja í ferðalag fyrr en um hádegi. Þeir Óli Björn og Frið- rik merktu norðurhluta tveggja eystri stangalínanna, en við Gunnar nyrztu röðina og vestustu röðina. Setti hvor flokkur 6 stengur, en ein var sett í sameiningu. Dimmt var orðið, þegar síðustu stengurnar voru settar. Stengurnar voru settar með sem næst 2. km. millibili, í beinum röðum, en stefnurnar milli þeirra teknar með áttavita.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.