Náttúrufræðingurinn

Árgangur

Náttúrufræðingurinn - 01.10.1945, Blaðsíða 19

Náttúrufræðingurinn - 01.10.1945, Blaðsíða 19
NÁTTÚRUFRÆÐINGURINN 163 var talið, að þetta myndi nægilegt í hverju meðalári. — Þrjú stög úr tjörubornu garni voru ætluð á hverja stöng til stuðnings. Með því að „skera inn" hverja stöng með hornmælingum og endurtaka slíka mælingu ár frá ári, var ætlazt til að fá hreyfingu jökulsins ákveðna á öllu hjarnsvæði Kötlujökulsins. Fastur punkt- ur í þessu mælingakerfi var fyrst og fremst 1375 m. bungan eða Aust- mannsbunga, þótt eigi væri hún ennþá tengd til fullnustu við þrí- hyrningakerfi landsins, t. d. vörðuna á Hafursey. Þátttakendur í þessari för voru: Steinþór Sigurðsson, Jóhannes Kolbeinsson, Jóhann Kristjánsson og Jón Eyþórsson. Þrír hínir síð- astnefndu gátu þó ekki verið nema röska viku í ferðinni, og voru því gerðar ráðstafanir til að fá þrjá menn í þeirra stað til aðstoðar Steinþóri. Steinþór annaðist undirbúning fararínnar og var fararstjóri. 7. sept. Frá Reykjavík kl. 10 f. h. með vörubil frá kaupfélaginu Þór á Hellu. Farangur allmikill og margvíslegur, m. a. um 130 kg. af 4—5 m. löngum harðviðarstöngum. Kostaði kg. af viði þessum óunnið um 10 kr. Við komum austur að Sólheimakoti í rökkurbyrjun um kvöldið og settum upp stórt tjald á eyrunum við Húsá. Sömdum um lán á 7 hestum til flutninga við Sigurð bónda Högnason í Sólheimakoti, en áður höfðum við beðið hann ásjár í símtali. 8. sept. Ausandi rigning og austanstrekkingur. Varla hundi útsig- andi, enda gafst ítalía upp skilmálalaust á þeim degi! 9. sept. A eða SA-gola og sallarigning. Þoka á fjöllum. Ekki ferða- veður upp á jökul. 10. sept. Hæg SA eða S-átt, þurrt veður en þungbúið um morgun- inn. Undir hádegi fór að létta til. Lögðum upp frá Sólheimakoti kl. 13 með 7 hesta undir trússum og Sigurð bónda til fylgdar. Sat hann á reiðhesti sínum eins og kóngur alla leið upp að jökli. Leiðin er greiðfær, og gekk ferðin vel. Kl. 15.30 vorum við komnir með allt hafurtaskið upp að jökli, skammt austan við Lakalandsgil. Héldum við nú áfram eftir brattri fönn og upp fyrir efsta „skerið". Þar er jökull sléttur á kafla, en verður brátt allbrattur og talsvert sprunginn. Er uppgönguleið þessi við vestanverðan Klifandijökul. — Vegna þoku þar efra héldum við of hátt upp í brekkuna, svo að vegur gerðist ógreiður. Kl. 16.30 tókum við því af hestunum og fylgdum Sigurði aftur niður á jökulölduna. Þar skildum við eftir „stóra tjaldið", klifsöðla og tvo matarkassa. — Síðan settum við far- angur á sleða, beittum okkur fyrir og drógum allt nema tréstikurn- 11*

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.