Náttúrufræðingurinn

Árgangur

Náttúrufræðingurinn - 01.10.1945, Blaðsíða 42

Náttúrufræðingurinn - 01.10.1945, Blaðsíða 42
180 NÁTTÚRUFRÆÐINGURINN Skammgóður vermir Meðfram sjónum á austanverðu Tjörnesi er ströndin mjög brött, víðast hamrar af mismunandi hæð, en neðan við þá aðeins stórgrýtt fjaran. í björgum þessum verpir mikið af fýl og lunda, nokkuð af teistu, á einum stað skarfar og svo einstöku svartbakur, hrafn og fálki. En eins og við er að búast er sambýlið millí þessara fugla ekki ávallt sem vinsamlegast. Hér fer á eftir frásögn sjónarvotta af ein- um slíkum viðskiptum, sem munu vera nokkuð sérstök í sinni röð. Vor eitt snemma voru þeir Héðinn Olafsson frá Fjöllum, Þorgeír Þórarinsson frá Grásíðu og Sigurjón Jónsson frá Lóni á fuglaveið- um í björgum þessum — í svonefndri Fjallahöfn. Komust þeir þá að raun um að fálki átti þar hreiður og einn eða fleiri svartbakar. Við komu mannanna styggðist fálkinn og flaug af hreiðrinu og sætti þá einn svartbakurinn því færi og stal einu eggi frá fálkanum og flaug burtu með það í nelinu. En það varð skammgóður verinir fyrir „baksa" því fálkinn veitti þessu strax eftirtekt, og veittist nú að ræn,- ingjanum með allri hörku og snarræði, sem reiðum fálka er frekast lagin. Var árásin svo hatramleg að svartbakurinn fór að háhljóða, og missti þá auðvitað eggið úr nefinu. En er fálkinn sá það þá rendi hann sér eftir því, náði því áður en það félli til jarðar, greip það með annari klónni og flaug með það upp í hreiðrið. En hvort það hefur komizt óskemmt þangað er með öllu óvíst. — En „baksi" hrað- aði sér burtu eftir þessa útreið; þótti víst ekki vistin góð í grennd við fálkann. Þeir sem horfðu á atburð þennan eru að mínu áliti svo glöggir og greinagóðir menn að ég fyrir mitt leyti efast ekki um að þeir hafi tekið rétt eftir þessum viðskiftum fuglanna, enda ber þeim öllum nákvæmlega saman um atburðinn, sem skeði örskammt frá þeim. Lóni, 31. maí, 1945. í grein minni „Nokkur orð um selveiði á Islandi fyrrum og nú", sem prentuð er í „Náttúrufræðingnum", 3.-4. hefti 1944 eru þessar villur, sem óskast leiðréttar: Bls. 149. 10—11 lína að neðan N. Þingeyjarsösla f. N. Þingeyjarsýsla. — 150, 13. lína að neðan frétti f. rétti. — 154, 8. - að ofan 1943 f 1934. — 157, 20. — að neðan Baugastaðir f. Bangastaðir. — 158, 15. — að neðan grjótnesi f. Grjótnesi. Lóni, 31. maí 1945. Björn Guðmundsson.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.