Náttúrufræðingurinn

Árgangur

Náttúrufræðingurinn - 01.10.1945, Blaðsíða 30

Náttúrufræðingurinn - 01.10.1945, Blaðsíða 30
171 NATTURUFRÆÐINGURINN vindi. Hiti var 0.5—1 st. undir frostmarki, en herti með kvöldinu. Kl. 23 var N-strekkingur, 5—6 vindstig og 3 st. frost. Sama daginn og við komum upp á jökulinn, var sett niður tréstika rétt hjá tjöldunum til að mæla leysinguna. Alls varð leysingin frá 4. ág. kl. 16 til 12. ág. kl, 18, eða á röskum átta sólarhringum 38.7 cm. Svarar það til 4.8 cm. á sólarhring eða nærri 150 cm. á mánuði. Þess má og geta. að veður mátti heita mjög milt alla þessa daga, og festi aldrei snjó, svo teljandi væri. Sunnudaginn 13. ágúst. Um miðnættið fórum við að búa okkur til ferðar og komumst af stað með allan farangur kl. ll/£ um nóttina. Veður lygndi um það leyti, og varð heiðríkt á jöklinum, en dökkur kólgubakki grúfði. yfir norðurhrygg jökulsins. Kl. 71/4 um morguninn vorum við komnir með allt dót og báða sleðana niður á jökuljaðar. Lögðum dótið í klyfjar á 5 hesta, en varla voru nema 50 kg. á hvern. Um 10-leytið héldum við áfram ofan að Sólheimakoti með allmiklar byrðar, svefnpoka, mat og föt. Komum þangað um 13-leytið, og varð Sigurður bóndi feginn að sjá okkur lifandi eftir tröllasögur þær, sem gengið höfðu af Kötlugosi síðustu dagana. Seinna um daginn fór ég út að Sólheimajökli og mældi breytingar við jökulmerki. Heim aftur kl. 21.30. Sólskin og blíðviðri allan dag- inn fram til kl. 20. Þá tók að þykkna í lofti og byrjaði að rigna kl. 21. Mánudaginn 14. ágúst. Rigning alla nóttina. Sváfum allir í stóra tjaldinu, sem staðið hafði í Sólheimakoti meðan við vorum á jökl- inum. Um morguninn snemma fóru þeir Einar og Árni með mjólk- urbíl til Reykjavíkur. Sigurður sótti dótið upp að jökli. Við Stein- þór gengum frá því til flutnings. Morguninn eftir, 15. ág., kom mjólkurbíll frá Kaupfélagi Skaft- fellinga í Vík og flutti okkur að Selfossi. Þaðan komumst við með öðrum mjólkurbíl til Reykjavíkur samdægurs. S t u ð n i n g s r i t: Tfa. Thoroddsen: Geschichte der islandischen Vulkane. Khöfn 1925. Safn til sögu íslands, IV. bindi. Þorvaldur Thoroddsen: Landfraðisaga Islands. I'erðabók Sveins Pálssonar. Kötlugosið 1918, skýrsla Gísla Sveinssonar sýslumanns. Vatnajökull, Scientific Results of the Swedish-Icelandic Investigations 1936—1938. Geografiska Annaler, Stockholm 1943.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.