Náttúrufræðingurinn

Árgangur

Náttúrufræðingurinn - 01.10.1945, Blaðsíða 20

Náttúrufræðingurinn - 01.10.1945, Blaðsíða 20
164 NÁTTÚRUFRÆÐINGURINN ar upp fyrir sprungubeltið upp í sléttan snjóhvamm undir allbrattri brekku. Þar reistum við tvö tjöld, átum hafragraut, smásteik og kjötseyði. Tókum á okkur náðir laust eftir miðnætti. Veður stillt, en þoka í lofti. 11. sept. Sóttum stikurnar og drógum þær upp fyrir aðalbrekkuna ú jöklinum. — Við þetta verk hrataði eg í þrönga jökulsprungu og meiddi mig í fæti, svo að eg dugði lítt við dráttinn, það sem eftir var dagsins,— Veður var milt og bjart hið efra, en neðar í hlíðunum var skýjamökkur, og síðar fréttum við, að talsverð rigning hefði ver- ið niðri í byggðinni um daginn. Um kvöldið tjölduðum við sunnan undir jökultagli, sem gengur frá Vesturbungu fram með Sólheima- jökli sunnanverðum. I myrkri um kvöldið drógum við stikurnar upp á hátaglið og skildum þær þar eftir. 12. sept. Úrhellisrigning allan daginn, en stillt veður. Lágum um kyrrt í tjaldstað II. 13. sept. Sæmilegt veður, en dumbungslegt. Héldum af stað með hafurtask okkar upp fyrir jökultaglið. Þegar upp kom á brúnina, tók að snjóa, og færi gerðist þungt. Snjó hafði sett niður á hájökul- inn bæði í N-hreti um miðjan ágústmánuð og síðustu daga hafði ýmist rignt þar eða snjóað. Var jökullinn því skjöldóttur, — hvítar fannir skiptust á við brúnleita, „rykfallna" bletti, þar sem sást í yfir- borðið frá sumrinu. Eftir að við höfðum sett upp eina stöng, 5 m háa með þrem stögum, nálægt jökuldeilunum (Kötlu- og Sólheima- jökuls), héldum við áfram eftir áttavita í svartaþoku og muggu, unz við völdum okkur tjaldstað. Var kl. þá um 15. Við settum upp tvö tjöld í snatri, en tókum síðan að grafa snjó- gryfju þar rétt hjá. Hélzt stöðugt svartaþoka og snjómugga, en hiti var um frostmark. Var grafið niður í 5 m. dýpt án þess að finna greinilegt árslag. — í 3 m. dýpt var þunnt, brúnleitt snjólag, sem líktist lagi því, er við fundum í 4 m. dýpt í gryfju þeirri, er við grófum 30. júlí. Hefði leysíng því átt að vera um 100 m. í ágústmán- uði, og má það mjög sennilegt teljast. (Hins vegar hafa athuganir á sömu slóðum sumarið 1944 gert það mjög vafasamt, að þarna hafi í raun og veru verið um ársmörk að ræða. Er við höfðum lokið gryfjunni, holuðum við snjóhelli inn úr einni hlið hennar til þess að geta leitað þar skjóls, ef veður yrði mjög slæmt. Um nóttina var vindur hvass SA með snjókomu. Tjöldin stóðu ágætlega, enda voru sterkar súlur í þeim úr harðviði, og um kvöldið hlóðum við duglega snjógarða umhverfis þau.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.