Náttúrufræðingurinn

Árgangur

Náttúrufræðingurinn - 01.10.1945, Blaðsíða 16

Náttúrufræðingurinn - 01.10.1945, Blaðsíða 16
160 NATTURUFRÆÐINGURINN sandur var að myndast. I gömlum heimildum eru ógreinilegar sagnir um hlaup úr Sólheimajökli árin 930, 1245 og 1262. Má ætla, að Katla hafi verið þar að verki, og eldvarpið þá verið lítið eitt vest- ar en síðan hefur verið. Þá væri engan veginn óhugsandi, að gos hefði orðið í austanverðum Fimmvörðuhálsi eða þar austur af. Hálsinn er eldbrunninn mjög, og í austasta „múlanum" virðist vera allstór eld- gígur. Önnur ferS til Mýrdalsjökuls 1943 Hlaðin mœlingavarða Föstudaginn 13. ágúst. Við Steinþór Sigurðsson og Einar Pálsson gerðum skyndiferð austur að Kölujökli til að kynna okkur staðhætti við framanverðan Kötlujökul og upp með honum að vestan, þar sem við höfðum ekki séð yfir, þegar við vorum uppi á hájöklinum. Við fórum með áætlunarbíl til Víkur, komum þar að kvöldi dags og fengum leyfi til að tjalda á sandgræðslusvæði vestan við þorpið, rétt undir Reynisfjalli. Var melblaðkan þar vel í hné. Laugardaginn 14. dgúsl ók Brandur Stefánsson veitingamaður með okkur, eins og leið liggur, austur að Múlakvíslarbrú. Þar skild- um við tjald og farangur eftir, en síðan ók Brandur með okkur alla leið að vesturhorni Hafurseyjar. Þar sneri hann heimleiðis, en hét að senda bíl eftir okkur á mánudagsmorgun snemma. Vindur var NA-stæður þennan dag, kalt í veðri og mökkur á jökl- inum niður í 800—1000 m. hæð að sunnanverðu, en úrkoma ekki teljandi. Við gengum nú austur með Hafursey að norðan. Vesturhlíð henn- ar er þverhníptur móbergshamar, og féllu vatnslænur sums staðar alveg upp að berginu, svo að við urðum að vaða þær til að komast norður með eynni. „Sandvatnið" leikur þarna á breiðum aurum, milli Hafurseyjar og Vatnsrásarhöfða, suðvestur í farveg Múla- kvíslar. Fyrir Kötlugosið 1918 féll Sandvatnið fram sandinn vestan Hafurseyjar. — Norðvestan í Hafursey eru brattar brekkur og tals- verður gróður í þeim. Frá N-liorni liennar liggur um 20 m. há, kol- svört vikuralda í boga til NNV upp að jökli, en á þeim slóðum eru lágir hnúkar í jökuljaðrinum og fram úr lionum. Mun það vera af- réttarland það, sem forðum var kallað Moldheiði, en hún var jökli liulin á dögum Sveins Pálssonar. Kötlujökull er allbrattur að framanverðu og svartur af aur og

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.