Náttúrufræðingurinn

Árgangur

Náttúrufræðingurinn - 01.10.1945, Blaðsíða 9

Náttúrufræðingurinn - 01.10.1945, Blaðsíða 9
NÁTTÚRUFRÆÐINGURINN 153 stöðu á bungur og kennileiti jökulsins. M. a. sjást tveir kollóttir snævi þaktir hnúkar í ANA eða því sem næst. Suðurhryggur jökulsins er örmjór, og hallar bratt niður að Klif- andijökli a£ Vesturbungunni. Er útsýni þaðan frítt og einkennilegt yfir Mýrdalinn, Vestmannaeyjar og Eyjafjöllin. Um það leyti, sem mælingu var lokið, dreif yfir þoku. Héldum við nú norðaustur af hryggnum og síðan austur með norðurhlíð Há- bungu eftir'kvos nokkurri eða hjalla. Rétt eftir kl. 15 létti þokunni skyndilega. Héldum við áfram enn um stund, unz við komum á móts við austanverða Hábungu. Vorum viðþá staddir á barmi þröngrar dalskoru, sem verður milli Hábungu austanverðrar og eystri jökulkollsins, sem áður er getið. Verða kollar þessir fyrst um sinn kallaðir Eystri-Kót.lukollur (1292 m.) og Vestri- Köthtkollur (1294 m.). Dalskoran er fyllt jökli, sem ryðst ofan í hana fram af bröttum barmi fyrir stafni dalsins að vestan. Á dalbarmin- um, andspænis Eystri-Kötlukolli, gerði Steinþór mælingar af dal- botninum og umhverfi lians. Af barminum, þar sem við stóðum, eru um 250 m. niður í botn dalsins. Allt er landslag þarna hið stór- skornasta. Dalur þessi er án efa opið á Kötlugígnum eða rás sú, er hlaupin brjótast fram um, þegar gos verða. Austur úr dalskorunni brýzt Kötlujökullinn og breiðir úr sér fram að Mýrdalssandi. Er liann úfinn mjög og kolsvartur á köflum með háum turnum og strýtum. I austri blasir við Mýrdalssandur, Skaftártunga, Álftaver og Síðan, en í fjarska mænir Öræfajökull. Að loknum mælingunum héldum við heimleiðis, beina stefnu á tjaldið. Skammt ofan við dalstafninn fórum við yfir sléttu nokkra, girta allbröttum jökulbrekkum að sunnan og vestan. Mun aðaleld- varp Kötlu vera nálægt SV-krika sléttu þessarar. — Veður var bjart með N-andvara. Yfir suðurbrún jökulsins gnæfði kolsvartur og bólginn kólgubakki, og áttum við von á éli úr honum, en af því varð ekki. Þannig er veðri oft háttað á Irájöklum síðari hluta dags í góð- viðri. Skýjabólstrar myndast í miðjum hlíðum og byrgja útsýn af láglendinu til jökulsins, en uppi á hájöklinum er veður bjart, þc>tt bólstrakollarnir standi í hnöppum utan með jökulbrúnunum og mæni liátt yfir þær, Á heimleiðinni ræddum við Steinþór fyrst um að stofna til fram- haldsrannsókna á Kötlusvæðinu, mæla snjófyrningar á jöklinum frá ári til árs, hreyfingu og hraða, til þess að unnt væri að fylgjast með breytingum þeim, sem þarna kynnu að verða, þegar líður að

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.