Náttúrufræðingurinn

Árgangur

Náttúrufræðingurinn - 01.10.1945, Blaðsíða 32

Náttúrufræðingurinn - 01.10.1945, Blaðsíða 32
176 NATTÚRUFRÆÐINGURINN komlega fráhrindingarkrafti sínum. Á sama hátt má meðhöndla föt, gler og önnur efni. Þess tíma er ef til vill ekki langt að bíða, þegar menn þurfa ekki lengur að óttast að verða votir, þó að þeir lendi í rigningarskúr og hafi gleymt yfirhöfninni heima. Ef fötin hafa verið látin hanga augnablik í silikon-gufu, þá hoppa droparnir af þeim jafnskjótt og regnið fellur á þau, og engin væta sýgst inn í fötin. Silikon-húðin er svo sterk, að hún þolir að fötin séu þvegin eða hreinsuð á annan hátt, svo að silikon-meðhöndlunin getur skeð í eitt skipti fyrir öll. Gluggarúður, sem fengið hafa á sig silikon-húð, haldast miklu lengur hreinar en aðrar rúður. Hver vatnsdropi fellur hér strax af en á glerinu ná vatnsdroparnir oft að þorna og skilja þá eftir óhrein- indi. Á bílrúðum gefur þessi húð miklu betra útsýni í regni og vondu veðri, en hér þarf þó að endurnýja húðina við og við. Ef vatns- glasi er gefin silikon-húð að innanverðu, þá veltur vatnið út úr því eins og kvikasilfur, og enginn dropi verður eftir í glasinu- Ef diskar og bollapör eru meðhöndluð á þennan hátt, getur maður sparað sér alla uppþurrkun. Silikon-húðunin á eflaust framtíð fyrir sér á óteljandi sviðum. Nú þegar er flugtæknin tekin að nota sér þessi nýju efni. Þegar flug- vél rennir sér niður í gegnum þétt regnský, þá kemur það oft fyrir, að svo mikið vatn sest á postulíns-einangrarana, sem halda loftnetinu að þeir verða leiðandi, og útvarpstæki flugvélarinnar ónothæft. Þetta má hindra með því að gefa einangrurunum silikon-húð. Vatnið hrynur þá af þeim, og útvarpið helzt ótruflað. Einn af verðmætustu eiginleikum silikonefnanna er, hve vel þau þola hita. Einnig eru þau ágætir einangrarar. Sú orka, sem rafmótor getur framleitt, er að miklu leyti undir því komin, hve mikinn hita má bjóða einangrunarefninu. Ending mótorsins er einnig oft undir endingu einangrunarinnar komin. Með því að taka leiðsluþræðina af venjulegum þriggja hestafla mótor og setja aðra í staðinn, sem eru einangraðir með silikon, má fá mótoroinn til að gefa' tíu hestöfl, án þess að einangrunin skemmist við hitann. Ef til vill verða afköst rafmótoranna ekki alltaf þreíolduð, en notkun silikon-einangrunar ætti þó að hafa í för með sér verulega framför á rafmótorum. Minni, léttari og endingarbetri mótorar verða mögulegir. Þessi sparnaður á þunga er sérstaklega dýrmætur í flugvélum. I stórum flugvélum er fjöldi af rafmótorum, spennubreytum og öðr- um raftækjum, sem öll má gera mikið léttari með því að nota silikon- einangrun. Farangurinn eða benzínmagnið getur þá vaxið að sama

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.