Náttúrufræðingurinn

Árgangur

Náttúrufræðingurinn - 01.10.1945, Blaðsíða 44

Náttúrufræðingurinn - 01.10.1945, Blaðsíða 44
188 NÁTTÚRUFRÆÐINGURINN heldur verkunum sínum, hve það er ódýrt í framleiðslu og svo hin feiknamikla verkun þess á fjölmörg skaðræðis skordýr. Efnið er hvítt, Iyktarlaust duft, það leysist ekki upp í vatni, en hinsvegar vel í vínanda og acetone. Fyrst verkar það örvandi á skordýrin, en síðar lamar það taugakerfi þeirra og veldur dauða. DDT má auð- veldlega framleiða úr alþekktum efnum. Sem lúsavarnameðal er það mjög stórvirkt og nægir að strá því í fötin og heldur það verk- unum sínum í þeim í mánuð þótt fötin séu þvegin vikulega. Sé því úðað á veggi, strádrepur það allar flugur og önnur skordýr um fjögurra mánaða skeið. Ennig hefir verið reynt að setja DDT í máln- ingu innanhúss og hefir það reynst vel við sumar tegundir málning- ar. í botnfarfa á skip hefir DDT reynst ágætlega til þess að varna því að hrúðarkarlar og önnur sjávardýr setjist á skipsbotna og bryggjustaura. Mönnum verður ekki meint að DDT nema ef stórir skammtar af því fara ofan í þá. Fram til þessa hefir DDT ekki fengist á frjálsum markaði, því að herstjórnirnar hafa setið fyrir því öllu. Brátt mun þó úr rætast og ættum við íslendingar þá að leggja í gjöreyðingar styrjöld við þjóð- ar-ófögnuð okkar, lúsina. En auk þess mun DDT reynast mikilvægt hér á landi til þess að halda niðri og eyða kálflugum og öðrum skaðræðis-skorkvikindum innan húss'og utan. S. Þ. Reikistjarnan Saturnus er utn þessar mundir mjög auðþekkt á kvöldhimninum. Er hana að finna í tvíburamerki, skammt austan við stjörnumerkið Orion, sem margir kannast við. Saturnus er sér- stök meðal stjarnanna vegna hringa þeirra, sem umlykja hana. Hringarnir eru ósýnilegir með berum augum og vissu menn ekki um þá fyrr en eftir uppgötvun sjónaukans. Galilei sá þá fyrstur manna árið 1610, án þess þó að geta greint að um hringa væri að ræða, það tókst fyrst Huygens árið 1655. Telja stjarnfræðingar að hringarnir séu myndaðir úr tunglum Saturnusar, sem splundrast hafi vegna of mikillar nálægðar þeirra við Saturnus sjálfa. Þess má geta að á sömu slóðum og Saturnus er nú, en litlu austar er reikistjarnan Mars, sem auðþekkt er á hinum rauða lit sínum. Annars eru reikistjörnurnar auðþekktar frá fastastjörnunum á því að skin reikistjarnanna er rólegt og stöðugt, en skin fastastjarnanna er tindrandi og tifandi. Kápumyndin: Jökull í Köllukverkinni. Köthikollur eystri í baksýn, Steinþór Sigurðs son tók myndina.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.