Náttúrufræðingurinn

Árgangur

Náttúrufræðingurinn - 01.10.1945, Blaðsíða 22

Náttúrufræðingurinn - 01.10.1945, Blaðsíða 22
166 NÁTTÚRUFRÆÐINGURINN Vegalengdirnar voru mældar lauslega með dráttartaug sleðanna. Stangabunki, sem við höfðum skilið eftir við flutninginn upp eftir, var ekki langt frá síðustu stöng, sem við Gunnar settum niður. Tók- um við stengurnar á sleðann og héldum heim á leið. Veður var stjörnubjart, stillt og skafheiðríkt. Hjarn var yfir öllu, en hélt ekki sleðanum með hlassinu; varð ok'kur drátturinn mjög erfiður. Skild- um við sleðann loks eftir um 2 km. frá tjaldinu kl. tæplega 3 um nóttina. Vorum við þá orðnir mjög þreyttir. Hinir félagarnir voru þá komnir heim fyrir skömmu. 16. sept. Bjart um morguninn en blés upp með norðanhríð kl. 8.30. Síðar um daginn linaði frostið og varð bleytuhríð og versta veður. Lágum við um kyrrt. Gunnar Hjaltason var nokkuð lasinn, líklega vegna þreytu. 17. sept. Um morguninn var sæmilegt veður en þoka og snjókoma öðru hverju. Fórum við Oli Björn af stað með sleða að stangabagg- anum, tókum þar nokkrar stengur og merktum þrjá staði. Varð að fara allt eftir áttavita. Versnaði veður mjög, er á daginn leið, svo að við urðum holdvotir. Eftir heimkomuna fórum við Friðrik og sótt- um það, sem eftir var af stangabagganum og settum upp eitt merki í leiðinn. Enn fremur settum við upp hátt mastur hjá tjöldunum, en það var fyrir loftnet, því að Gunnar hafði meðferðis ferðaviðtæki. 18.-20. sept. voru innilegudagar. Var versta veður báða fyrri dag- ana, rok og rigning eða slydda, en frysti á mánudaginn. Var þá bjart til loftsins en mikill skafrenningur. Á laugardaginn var tæplega fært milli tjaldanna. 21. sept. Bjart veður og nokkurt frost um morguninn. Við Gunnar fórum norður á (Austmanns)bungu til að mæla, en þeir Óli Björn og Friðrik settu stangir við rætur skriðjökulsins. Að mælingunni lokinni fórum við Gunnar suður fyrir skriðjökulinn, og mældi eg þar til sólarlags. Var þá frost orðið allmikið, um i2 stig. 22. sept. Bjart og kalt um morguninn. Tökum upp tjöldin og setj- um á sleðana. Mæli við tjaldið. Tekur að skafa um kl. 9 og verður síðan blindhríð. Komumst af stað um hádegi. Sækist mjög erfiðlega. Laus snjór liggur í gárum á hrjúfu hjarni. Dótið er á tveim sleðum og verðum við að selflytja, þar sem hvor sleði reynist of þungur fyrir tvo, meðan allt er á fótinn og veðrið frekar í fangið. Undir kvöldið lægði, en þá var orðið dimmt, svo ferðin sóttist seint niður jökulinn. Var ekki komið að birgðatjaldinu fyrr en um miðnætti. Var borðað, en síðan héldu þeir félagar til byggða og komust með bíl til Reykja- víkur næsta dag.

x

Náttúrufræðingurinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Náttúrufræðingurinn
https://timarit.is/publication/337

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.