Náttúrufræðingurinn - 1956, Blaðsíða 20
82
NÁTTÚ RU FRÆÐJ NGURINN
Mestu kippirnir komu 27. febrúar kl. 06 47 og 28. febrúar kl. 03 00. Fundust
þeir austur til Vopnafjarðar og vestur til Grímseyjar og Olafsfjarðar. Litlu
vægari voru kippir, sem komu 27. febrúar kl. 06 37 og 07 29 og 1. marz kl. 01 37.
Snörpustu kippirnir munu hafa fundizt á 15000 km2 svæði á landi, en hefðu
fundizt á 30000 km2 ef landið hefði náð nægilega langt til norðurs.
Jarðskjálftamælarnir í Reykjavík og á Akureyri mældu nokkra þessarra jarð-
skjálfta, og samkvæmt þeim mælingum voru upptökin 5—10 km í austur frá
nyrztu bæjum í Axarfirði.
Þar sem jarðskjálftarnir voru snarpastir, nyrzt í Axarfirði, var styrkleiki
þeirra VI—VII stig, en slíkir jarðskjálftar valda oft smávegis tjóni á bygging-
um, enda var það svo, að hús skemmdust lítillega á bæjunum Núpi, Þverá,
Klifshaga og Sandfellshaga. Sprungur komu í veggi, einkum við glugga, og eitt
hvað fleira mun hafa látið á sjá.
13. marz kl. 01 13 fannst mjög snarpur jarðskjálftakippur á Laugarvatni.
Styrkleiki hans var VI stig, en engra skemmda varð vart af hans völdum. Kl.
01 54 kom annar kippur litlu minni. Jarðskjálftar þessir fundust um allt Suð-
urlandsundirlendið og allt til Reykjavíkur, eða á rúmlega 10000 km2 svæði.
Upptök þeirra voru rétt við Laugarvatn, enda var jarðskjálftinn snarpastur
þar.
14. rnarz kl. 23 48 fannst greinilegur jarðskjálfti í Reykjavík, styrkleiki
IV stig. Jarðskjálfti þessi fannst einnig í Krýsuvík og fyrir botni Faxaflóa allt
norður að Snæfellsnesfjallgarði og um Olfus og Flóa í Árnessýslu. Samkvæmt
jarðskjálftamælunum 1 Reykjavík voru upptökin í 25 km fjarlægð í suð-suð-
austri
1. april komu miklir jarðskjálftar á Suðvesturlandi. Mestir voru þeir í Olfusi,
einkum í Hveragerði og næsta nágrenni.
Um morguninn kl. 06 37 kom fyrsti kippurinn. Styrkleiki hans í Hveragerði
var V stig. Fannst hann um Olfus og Flóa og víðar um sunnanverða Árnes-
sýslu. Einnig fannst hann í Reykjalundi í Mosfellssveit. Alls mun hann hafa
íundizt á um 3000 km2 svæði.
Kl. 16 26 kom annar kippur miklum mun meiri en sá fyrsti. Styrkleiki hans
í Hveragerði var VI stig, og víða í Ölfusi og vestanverðum Flóa var styrkleik-
inn V—VI stig. Þessi kippur fannst um allt Suðurlandsundirlendið, allt austur
að Ásólfsskála undir Eyjafjöllum. Einnig fannst hann í Reykjavík og víðar við
sunnanverðan Faxaflóa. Mun hann hafa fundizt á a. m. k. 10000 km2 lands,
en sennilega á enn stærra svæði.
Mesti kippurinn kom kl. 17 41. I Flveragerði og Hjalla í Ölfusi var styrk-
leikinn VII stig, en sennilega VIII stig í Gufudal og Núpum. Neðan til í
Ölfusi og sums staðar í Flóa (t. d. á Selfossi) var styrkleikinn VI stig, en víðast
annars staðar á Suðurlandsundirlendinu IV—V stig. Fyrir botni Faxaflóa var
styrkleikinn III til V stig, mestur í Mosfellssveit. Jarðskjálftinn fannst austast,
svo vitað sé, í Vik í Mýrdal, styrkleiki 111 stig, en nyrzt í Helgafellssveit á
Snæfellsnesi, en líklegt er að hann hafi fundizt enn lengra frá upptökunum.
í Grindavík og Keflavík fannst jarðskjálftinn ekki, eða þá að hann var svo
vægur, að mjög fáir veittu honum athygli.
Sennilega hefur jarðskjálftinn fundizt á 30000 km2 á landi, en hefði að lík-