Samvinnan - 01.03.1949, Blaðsíða 20

Frá samvinnustarfinu erlendis
Danmörk.
Samvinnufélögin í Danmörk hafa haldið áfram eðlileg-
um vexti á árinu 1948, samkvæmt skýrslum Alþjóðasam-
bands samvinnumanna. Verzlunarumsetningin í heild jókst
um 13%, miðað við árið á undan. Verulegur hluti þess-
arar aukningar var þó í umsetningu samvinnufélaga
bænda, sem selja framleiðsluvörur þeirra. En innan neyt-
endahreyfingarinnar var einnig nokkur aukning verzl-
unarinnar.
Austurríki.
Austurríska samvinnuhreyfingin liefur nú liafið á ný
útgáfu samvinnublaðsins „Haushalt und Heim“. Þetta er
vandað, myndskreytt tímarit, kemur út einu sinni í mán-
uði. Ritið var bannað í tíð nazista, en áður en þeir brut-
ust til valda, var það meðal útbreiddustu tímarita landsins,
upplagið um 200.000. Austurríska samvinnusambandið
sér um útgáfuna, og er ritið selt almenningi víðs vegar um
landið, innan kaupfélaganna og utan.
ísrael.
í hinu nýja ríki ísrael er samvinnuverzlun þegar mjög
mikil og áhugi fyrir kaupfélagsskap útbreiddur meðal allra
stétta þjóðfélagsins. Á árinu 1948 bættust 46.000 fjölskyld-
ur í hóp kaupfélagsmeðlima. Ríkisstjórnin hefur í hyggju
að koma upp sérstakri stjórnardeild, sem einvörðungu
verður helguð málefnum kaupfélaganna. Samvinnulöggjöf
Ísraelsríkis er nú í undirbúningi.
Ítalía.
Innan ítalska þingsins hafa verið mynduð samtök þing-
manna til þess að standa á verði gegn því að starfsemi kaup-
félaganna verði hindruð með lagasetningum og til þess að
greiða götu samvinnuverzlunar í landinu. í fulltrúadeild
þingsins hafa 108 þingmenn þegar gerzt meðlimir þessara
samtaka, og eiga þau að starfa í samvinnu við svipuð sam-
tök í öldungadeildinni.
Þýzkaland.
Um s. 1. áramót voru starfandi 395 kaupfélög á Vestur-
hernámssvæðinu í Þýzkalandi. Höfðu öll verið stofnuð
eða endurreist síðan stríðinu lauk. Flest eru félögin á
brezka hernámssvæðinu, eða 205, á ameríska hernámssvæð-
inu 85 og 45 á franska hernámssvæðinu. Félagatala þeirra
allra er 464.360 manns. Þetta eru aðeins neytendafélögin.
Mikill vöxtur hefur einnig verið í samvinnufélögum
bænda og samvinnulánsstofnunum.
Stóra-Bretland.
Brezku kaupfélögin hafa tekið upp skipulag, sem athygli
vekur og þegar liefur orðið til þess að auka meðlimatölu
þeirra verulega. Skipulag þetta er í stutu máli þannig, að
liver kaupfélagsmeðlimur mun ævinlega fá arð af kaup-
um sínum í kaupfélögunum, hvort sem hann verzlar við
sitt eigið félag eða önnur félög, t. d. á ferðalögum. 95% af
brezku kaupfélögunum eru þátttakendur í þessum samtök-
um, og mikill árangur hefur þegar orðið af þeim, sérstak-
lega til þess að auka félagatöluna. — Samkvæmt skýrslum
ICA var sala brezku kaupfélaganna á árinu 1948 um 28%
af heildarkaupum þjóðarinnar í nokkrum helztu vöruteg-
undunum. Er þetta yfirleitt 4—6% aukning síðan árið
1947.
Brezka heildsölusambandið, CWS, hefur, frá 31. janúar
s. 1., hætt sölu á glóðlömpum, sem framleiddir eru af raf-
magns glóðlampahringnum. Héðan í frá mun heildsölu-
sambandið og kaupfélögin brezku einvörðungu selja
Luma-lampana, sem framleiddir eru af brezku Luma-
verksmiðjunum, en þær verksmiðjur eru sameign sam-
vinnusambands Englands, Skotlands og Svíþjóðar.
Brezka heildsölusambandið jók verzlunarumsetningu
sína um rösklega 12% á árinu 1948, miðað við árið á
undan.
Skozka samvinnuhreyfingin hefur komið upp glæsilegu
hressingarheimili við Clyde-fjörð. Var keypt vandað hótel
og því breytt í slíkt heimili. Þarna geta 140 manna dvalið
í senn. Annað hótel var keypt í Berwick í Skotlandi, og
rúmar það 60 manns. Samtök þau, er standa að þessu, hafa
það sérstaklega á stefnuskrá sinni að veita sjúklingum og
öðrum, er þarfnast hvíldar og hressingar, aðstöðu til þess
fyrir sanngjarnt verð, og er starfsemin rekin á hreinum
samvinnugrundvelli, enda er félagsskapur þessi innan sam-
vinnusamtakanna. Á fimmtíu og tveggja ára starfstímabili
þessa félagsskapar hafa 174.000 manns notið fyrirgreiðslu
hans.
20