Samvinnan - 01.12.1964, Blaðsíða 39
Heimilisþáttur
Framhald af bls. 29.
ustu með sítrónusneið, rækjum
og steinselju, karsa eða dilli sé
það fyrir hendi.
KJÖTBÉTTIR
Nautatunga með grænmeti
Nautatunga er drjúgur og
góður matur bæði heit og köld
til miðdegisverðar og sem á-
legg á brauð. Hana má mat-
reiða á eftirfarandi hátt:
1 tunga léttsöltuð eða létt-
reykt, vatn, piparkorn (4—6),
1 laukur, 1—2 gulrætur, 1 lár-
viðarlauf, 2 msk. smjör, soð,
rjómi, grænmeti. Leggið tung-
una í kalt vatn nokkra tíma,
burstið hana síðan og skafið
vel. Setjið tunguna í sjóðandi
vatn og veiðið froðuna er suð-
an kemur upp. Bætið kryddi
og skornu grænmeti í. Látið
sjóða 2—3 kflist. eða þar til
tungubroddurinn er meyr.
Takið skinnið af tungunni og
brúnið hana við hægan hita í
smjörinu. Skerið tunguna í
fremur þunnar sneiðar, raðið
þeim á fat ásamt soðnum kart-
öflum og soðnu eða niðursoðnu
grænmeti. 2—3 dl. af soði er
hitað, kryddað og dekkt með
kjötkrafti. 1—2 dl. af þeyttum
rjóma blandað saman við.
Sé tungan borin fram köld
eða sem álegg á brauð er gott
að hafa með henni grænmeti
í olíusósu (ítalskt salat).
Hænsni með ávaxtasalati
2— 3 hænur, vatn, salt.
Jurtaolía eða smjörlíki, 2
eggjahvítur, brauðmylsna
3— 4 msk. salt og pipar.
Þvoið hænurnar og sjóðið
þær í saltvatni. Suðutími fer
eftir aldri og má ætla einn
klukkutíma fyrir hvert ár. Ali-
kjúklingar þurfa minni suðu.
Kælið hænurnar að suðutíma
loknum og steikið þær síðan á
eftirfarandi hátt.
Skerið lærin frá og klippið
síðan bringuna í tvennt eða
skerið bringukjötið heillega
frá beininu og síðan í tvennt.
Hitið feitina. Veltið kjötinu úr
hálfþeyttri hvítu, og brauð-
mylsnu og steikið við fremur
hægan hita. Kryddið með salti
og pipar og raðið kjötinu á fat.
Á fatið eru einnig látnar
franskar kartöflur og soðið
grænmeti eða gúrkusalat. (Þeg-
ar tómatar fást er fallegt að
bera það fram í hálfum tómöt-
um).
Fallegt er að setja vinberja-
klasa á annan enda fatsins.
Ávaxtasalat er gott hér með,
þá er það búið til meðan
hænsnin sjóða. Þeytið 2 egg
með 2 msk. af sykri, 1 msk.
sítrónusafa látið í skálina yfir
gufu en gætið þess að gufan
komist ekki upp í skálina. Þeyt-
ið vel þar til eggin hafa auk-
izt um allt að því helming og
eru orðin að þéttri froðu. Bæt-
ið sítrónusafa samanvið . Kælt.
Bezt er að hafa blandaða
niðursoðna ávexti í salatið
en þá má drýgja með
smátt skornum eplum, appel-
sínum eða banönum. Blandið
síðast ávöxtunum í eggjahrær-
una og þeyttum rjómanum (2
—3 dl.). Skreytið með einhverju
af ávöxtunum sem eru í salat-
inu.
Borið fram vel kalt. Gott með
kjötréttum en einnig með
brauði og kexi. Úr soðinu er
síðar gott að búa til súpur og
sósur, t. d. hvíta sósu og láta
það sem skerst utan af beinun-
um þar í ásamt gulrótum og
grænum baunum.
FLJÓTLEGIR ÁBÆT-
ISRÉTTIR
ts með möndlusykri (nougat).
1 dl. möndlur, 1—iy2 dl.
sykur, 2 egg, 2 msk. sykur,
3 dl. rjómi.
Afhýðið möndlurnar og sax-
ið smátt. Hitið pönnuna og
bræðið sykurinn, þar til mynd-
azt hefur hvít froða, setjið þá
möndlurnar saman við. Takið
pönnuna af og hellið möndlu-
sykrinum á smurða plötu. Kæl-
ið og myljið síðan með köku-
kefli. Hrærið eggjarauðurnar
með sykrinum og blandið
möndlusykrinum saman við, þá
þeyttum rjómanum og síðast
stífþeyttum hvítunum. Bragð-
bætið ísinn með sherry ef vill,
og frystið hann síðan í köku-
móti eða venjulegum ísmótum.
Athugið að ef ísinn er lengi að
frjósa þarf að hræra upp í
honum annars setjast egg og
sykur á botninn. Hvolft á fat,
rjómatoppum sprautað yfir og
skreytt með möndlusykri sem
tekinn hefur verið frá. ískök-
um raðað í kring.
ís með súkkulaðisósu
Notið sömu uppskrift af ís
að undanteknum möndlusykr-
inum. Bragðbætið með vanillu.
Frystið.
Súkkulaðisósa
y2 1. vatn, 125 g súkkulaði
(dökkt suðusúkkulaði), 2 msk.
púðursykur, 1 msk. kartöflu-
mjöl, 1 tsk. vanilla, salt.
Hrærið kartöflumjöl og
helming vatnsins saman og
hitið það þar til suðan kem-
ur upp.
Bræðið súkkulaði í því sem
eftir er af vatninu, bragðbætið
með sykri, hrærið jafningnum
saman við og bætið vanillu og
salti í.
Borið fram msð vanilluís,
hrísgrjónaábæti o. fl.
Kakósósa
5 msk. kakó, 4 msk. púður-
sykur, y2 1. vatn, 1 msk. kart-
öflumjöl, 1 tsk. vanilludropar,
salt.
Blandið kakói, sykri, kart-
öflumjöli og vatni saman, lát-
ið suðuna koma upp. Bragð-
bætið með vanillu og salti.
Isinn er settur í stóra skál
einnig er ágætt að skipta hon-
um í smáskálar. Borinn fram
með volgri sósunni.
K Ö K U R
Riómaterta með möndlubotni.
Möndlubotn
100 g. möndlur
100 g. smjör
1 dl. sykur
1 msk. hveiti
2 msk. mjólk
Flysjið og saxið möndlurnar.
Blandið öllu saman í pott með
þykkum botni og hitið þar til
sykurinn er bráðnaður. Smyrj-
ið hringmót og stráið hveiti í
það. Látið deigið þar í og bak-
ið við 225 gráður þar til kakan
er fallega gulbrún. Látið kök-
una kólna nokkra stund áður
en hún er losuð úr mótinu.
Sykurbrauðsdeig
4 egg
175 g sykur
50 g hveiti
50 g kartöflumjöl
1 tsk. lyftiduft.
Þeytið eggin vel með sykrin-
um. Blandið hveiti, kartöflu-
mjöli og lyftidufti varlega sam-
an við (ath. sigtið það áður
saman). Bakað í vel smurðu
móti.
Krem
2 egg
1 dl sykur
safi úr y2—1 sítrónu
4 blöð matarlím
2 dl. rjómi.
Þeytið egg og sykur vel sam-
an. Bræðið matarlímið sem áð-
ur hefur legið í bleyti og kælið
það. Blandið sítrónusafa og
matarlími saman við eggin og
þegar það byrjar að þykkna
rjómanum.
Sykurbrauðsbotninn er bleytt-
ur með ávaxtasafa, kremið sett
þar á. Gott er að setja ananas-
bita í kremið. Efst er svo
möndlubotninn. Þeyttum rjóma
sprautað í kring og skreytt með
ananas og e. t. v. rauðum berj-
um.
Piparkökur (skornar)
125 g. smjörlíki
1 dl. síróp
y2 dl. sykur
250 g hveiti
1 tsk lyftiduft
iy2 tsk. kanell
1 tsk. engifer eða negull
25 g. saxaðar möndlur
Hrærið smjörlíkið með sykri
og sýrópi, hveiti, lyftidufti,
kryddi og söxuðum möndlum
blandað saman við. Hnoðað í
tvær kantaðar lengjur, kælt.
Skorið í þunnar kökur. Bakað
við 200 gráðu hita. Kökurnar
geymast vel.
JÓLAGÓÐGÆTI
Toppar
50 g. jurtafeiti
100 g. súkkulaði
1 egg
Bræðið feitina. Bræðið
súkkulaðið og hrærið feitinni
saman við. Kælt. Þeytið eggið
og bætið því saman við. Lát-
ið í sprautupoka og sprautað í
toppa á plötu.
Gott sem sælgæti en einnig
fallegt í kökuskraut.
Gleðileg jól!
Óvænt tíðindi
Eftir að Hjörtur Hjartar,
framkvæmdastjóri Skipadeild-
ar S.Í.S., skrifaði grein sína
„Samvinnuskip í átján ár,“
hafa þau tíðindi gerzt, að
vegna samninga við Rússa um
olíukaup og flutning á allri
olíu til landsins, hefur olíu-
flutningaskipið „Hamrafell“
engu hlutverki að sinna fyrir
íslendinga næsta ár. Það er
því um eitt af þrennu að gera:
að leggja skipinu, selja það úr
Iandi, eða leita eftir verkefn-
um erlendis.
Þessu máli verða nánari skii
gerð í næsta hefti Samvinn-
unnar. Ritstj.
SAMVINNAN 39