Samvinnan - 01.12.1975, Síða 31

'CA CENTRAL COMMITTEE
MCETING IN stockholm
^^ 23lh-2Sih Oct 1975 '
—• . - iimi ■ m n IRMmiÍ SwQRðWI 'i * -. j ■* • f ' i ím' .' i ’ |f ! j &,£' I. mmasís&rmz, . *■ t
mörgum löndum. Sjá þau um
að útvega félagsmönnum sin-
um skólabækur, ritföng og ann-
að það, sem þá vanhagar um
við nám sitt. Flest þessara fé-
laga starfa án beinna tengsla
við samvinnufélög neytenda í
viðkomandi löndum, og m. a.
eru þau mjög útbreidd í há-
skólum Bandaríkjanna og Kan-
ada, þar sem samvinnufélög
stúdenta hafa með sér sérstakt
samband.
Þá er almennt fræðslustarf
og rekstur skóla og námskeiða
fyrir ungt fólk meira eða minna
snar þáttur í viðleitni sam-
vinnufélaga um allan heim til
að draga til sín unga starfs-
krafta. Slikt starf beinist fyrst
og fremst að starfsmönnum
félaganna og samtaka þeirra,
og markmið þess er að þjálfa
þá sem bezt til trúnaðarstarfa
á vegum hreyfinganna.
í niðurstöðum skýrslunnar,
svo og þeim umræðum, sem
urðu um málið á fundinum, var
einkum lögð áherzla á mikil-
vægi þessa síðast nefnda þátt-
ar, þ. e. að leggja á það höf-
uðáherzlu að þjálfa unga
starfsmenn sem bezt og leitast
við að gera félögin og sambönd
þeirra sem eftirsóknarverðust
sem vinnuveitendur. Varð-
andi tengsl við ungt fólk utan
starfsmannahópsins var lögð á
það megináherzla, að félögin
yrðu að höfða eftir mætti til
þess hóps ungs fólks, sem ný-
búið væri að stofna heimili.
Slíkt yrði að gera með fræðslu-
starfi, en meginatriði væri þó
að sýna fram á það í verki, að
félögin væru þess megnug að
veita betri þjónustu en keppi-
nautarnir, og að þau væru fær
um að tryggja neytendur gegn
hvers konar rangsleitni á
markaðnum.
• ORKUMÁL
Fyrir fundinn var sömuleið-
is lögð ýtarleg skýrsla um
orkumálin og áhrif olíukrepp-
unnar á starfsemi samvinnu-
félaga. Þar var einnig rakið á
rækilegan hátt, hver væri
staðan í orkubirgðum heimsins.
Kom þar m. a. fram, að miðað
við neyzlu síðustu ára munu
þekktar birgðir i heiminum af
hráolíu ekki endast nema
næstu tuttugu til tuttugu og
fimm árin. Aftur á móti munu
kolabirgðir heimsins vera næg-
ar næstu þrjár aldirnar.
Það kom einnig fram í skýrsl-
unni, að samvinnufélög sem
slík hafa ekki orðið fyrir þung-
um búsifjum af völdum olíu-
kreppunnar. Yfirleitt hafa þau
ekki mikil afskipti af olíusölu
eða orkuframleiðslu, svo að það
er helzt á liðum eins og flutn-
ingskostnaði, sem hennar gæt-
ir. Undantekning frá þessu eru
samvinnurafveitur í Banda-
ríkjunum, sem sjá um 98%
bandarískra bænda fyrir raf-
magni og þjóna samtals 25
miljónum fólks. Þá eru víða til
sérstök olíufélög með sam-
vinnusniði, og er af þeim helzt
að geta um sænska olíusölu-
sambandið OK, sem 1974 hafði
14% markaðshlutfall á sænska
olíusölumarkaðnum.
í umræðum á miðstjórnar-
fundinum komu m. a. fram þau
sjónarmið, að samvinnuhreyf-
ingin verði að taka meiri þátt
en hingað til í oliuvinnslu og
olíudreifingu. Þá verði hún að
reyna að stuðla að skynsam-
legri nýtingu á oliu og orku
yfirleitt, en umfram allt að
berjast á móti ójafnri dreif-
ingu auðs um heiminn vegna
olíukreppunnar. í því sambandi
þyrfti hún að hafa góðar gæt-
ur á starfsemi alþjóðlegra olíu-
hringa og sérstaklega að standa
stöðugan vörð um hagsmuni
fátækra þróunarlanda til að
reyna að koma i veg fyrir, að
nokkur þeirra yrðu arðrænd
með háu orkuverði.
Framhald á bls. 55.
Yfirlitsmynd frá miðstjórnarfundi
Alþjóðsambands samvinnumanna,
en fundinn sóttu um 180 fulltrúar
frá flestum aðildarsamböndunum.
Fundurinn var haldinn í gamla
þinghúsinu í Stokkhólmi og hér
sést virðulegt fordyri þess sögu-
fræga húss.
37