Tímarit íslenzkra samvinnufélaga - 01.08.1922, Qupperneq 12
58 Tímarit íslenskra samvinnufélaga.
í Björgvin um veturinn, fór heim með því skipi til að
stýra þeirri verslun. P. E. fór með Borðeyrarskipinu, og
eg með Grafarósskipinu. I Grafarósi var þá síra Jón A.
Blöndal verslunarstjóri fyrir félagið, og hafði áður verið
verslunarstjóri á Borðeyri fyrir það.
Af því eg var í Björgvin þetta vor og hafði að nokkru
leyti eftirlit með hleðslu skipanna fyrir P. E. þá kyntist
eg ýmsum örðugleikum við vöruútveganir o. fl. Skal hér
aðeins getið um það að Björgvin var þá ekki meiri versl-
unarbær en svo að ekki var hægt að kaupa þar ýmsar
vörutegundir. Flutningar þangað urðu allir að koma á sjó.
— Það vor kom frá Englandi efnið í fyrsta járnbrautar-
spottann, sem lagður var í Noregi. Atti lrann að leggjast
frá Björgvin til búnaðarskólans á Stend. — P. E. varð
að kaupa ýmsar vörutegundir frá Englandi og láta flytja
til Björgvinar, og sama var með danskar vörur. Þá voru
engar reglubundnar skipaferðir hingað til lands aðrar en
póstskipið „Diana“ og engar strandferðir hér. Rúmið í
Diönu var ekki nóg fyrir Reykjavíkur vörur. Dönsku
kaupmennirnir áttu sjálfír, eða leigðu, skip til sinna versl-
ana, og segir sig sjálft, að ekki þurfti að leita til þeirra
með flutninga fyrir félagið. Af þessum krókaflutningum
frá Englandi og Danmörk varð mikill aukakostnaður og
oft óvissa að fá vörurnar.
Þess má líka geta að hér heima var að magnast ó-
ánægja yfir seinlátari reikningsskilum frá kaupstjóra en
lögin gerðu ráð fyrir og kraflst var. En eg varð ekki var
við að P. E. hefði aðra aðstoð við reikninga og skriftir
i Björgvin, en það sem Snæbjörn Þorvaldsson vann hjá
honum við og við. Hann hafði eiginlega enga skrifstofu.
Líklega hefir þetta stafað af því að laun hans hafi verið
skömtuð sparlega og lítið skrifstofufé lagt til. Hitt duldist
mér ekki að rnaður í hans stöðu mátti ekki lifa þar, með-
al skiftavina og lánardrotna sinna, eins og smámenni og
hann gerði það ekki heldur. Ovíst er að félagsstjórninni
hér og hluthöfum hafi verið þetta nógu ljóst.