Tímarit íslenzkra samvinnufélaga - 01.08.1922, Side 46

92 Tímarit íslenskra samvinnufélaga
Arið 1905 skiptu sömu deildir við félagið, sem árin
áður, og varð pöntun með mesta móti. Þetta ár fékk fé-
lagið töluvert af timbri, og var það fengið frá verslunar-
félaginu Carl Iiöepfner. Ennfremur voru allar vörur
félagsins til Skagastrandar fengnar frá því verslunarfé-
lagi, og af islenskum vörum félagsins, seldi það líka allar
vörur frá Skagaströnd, og haustvörur frá Blönduósi, en
Zöllner var að öðru leyti umboðsmaður félagsins, og seldi
hann fyrir það hross, sauði og vorull frá Blönduósi, og
allar vörur frá Hvammstanga. Söluverð, bæði á ull og
haustvörum, varð h'eldur hærra hjá Höepfner en Zöllner,
en aftur var frádráttur meiri hjá Höepfner.
Sauðir þeir, sem félagið sendi út þetta ár, voru seldir
til Belgíu og afhentir kaupandanum á Sauðárkróki, og
voru þeir seldir eftir lifandi vigt þar á framskipunar-
staðnum; söluverðið var 14 aurar á pund, en af því að
sauðir hér úr sýslunni léttust svo mikið við reksturinn,
eða um 10 pund til jafnaðar frá því þeir voru vigtaðir
hér heima og þar til þeir voru vigtaðir á Sauðárkróki,
þá varð verðið lægra, sem eigendur fengu, miðað við
heimavigt.
A þessu ári stækkaði félagið mikið vöruskúra sína á
Hvannnstanga og Hólanesi, og var skrásett verð þeirra í
árslokin talið á Hvannnstanga kr. 900.00 og á Hólanesi
kr. 650.00.
Þetta ár borgaði Zöllner félaginu 1295 krónur sem
uppbót fyrir það, að sauðirnir komust ekki út frá félag-
inu haustið 1904, sem þó, eins og áður er getið, gat ekki
talist honum að kenna, og voru þeim, sem sauðina höfðu,
borgaðar kr. 1.50 fyrir hvern sauð.
Sala á íslenskum afurðum heppnaðist sæmilega. Hross-
in seldust fremur vel, og þó að sauðaverðið væri ekki
hærra en áður er sagt, þá var það ekki lakara, en þó
að þeim hefði verið slátrað hér og afurðir þeirra lagðar
inn hjá kaupmönnum. Aðrar íslenskar vörur seldust fult
eins vel og kaupmenn gáfu fyrir þær.